కేసీఆర్ రాహుల్ కాంబో.. నాని కిర్రాక్ ప్రెస్ మీట్

నేచురల్ స్టార్ నాని ఈసారి ప్రమోషన్స్ విషయంలో చాలా గట్టిగానే ప్లాన్ చేస్తూ ఉన్నాడు అతని నుంచి రాబోతున్న తదుపరి సినిమా హాయ్ నాన్న డిసెంబర్ 7వ తేదీన గ్రాండ్ గా విడుదల కాబోతుంది. ఇక ఈ సినిమాకు సంబంధించిన సాంగ్స్ విడుదల చేశారు. ఇక కంటెంట్ ఎలా ఉండబోతుంది అనే విషయంలో అయితే చిత్ర యూనిగ్ ఇంకా సస్పెన్స్ క్రియేట్ చేస్తోంది.

ఇక ఈ సినిమాను పాన్ ఇండియా రేంజ్ లొనే విడుదల చేయాలని అనుకుంటున్నారు. అయితే నాని గతంలో కంటే విభిన్నమైన తరహాలో ఈ సినిమా ప్రమోషన్ చేస్తూ ఉండడం విశేషం. అది కూడా కేసీఆర్ రాహుల్ కాంబినేషన్ ప్రెస్ మీట్ డైలాగ్స్ ను ఆధారంగా చేసుకొని నాని కిరాక్ అనే విధంగా మంచి ఎంటర్టైన్మెంట్ ఇస్తున్నాడు. నాని హాయ్ నాన్న పార్టీ పేరుతో ఫన్నీ గా సినిమా ప్రమోషన్స్ చేస్తున్నాడు.

ప్రస్తుతం తెలంగాణలో ఎలక్షన్ ఫీవర్ ఏ రేంజ్ లో కొనసాగుతుందో ప్రత్యేకంగా చెప్పనవసరం లేదు. ఇక కేసీఆర్ గతంలో విలేఖరి రాహుల్ కు ఇచ్చిన సమాధానాలు అలాగే పంచ్ డైలాగ్స్ కూడా బాగా వైరల్ అయ్యాయి. అందుకు సంబంధించిన వీడియోలు మీమ్స్ కూడా సోషల్ మీడియాలో తరచు ట్రెండ్ అవుతూనే ఉంటాయి.

ఇక వాటిని ఆధారంగా చేసుకుని నాని హాయ్ నాన్న ప్రమోషన్స్ కోసం వాడుకుంటున్నాడు. ప్రతి మాటలో ను ఏందయ్యా రాహుల్ అంటూ కేసీఆర్ టైమింగ్ తో ఇమిటెడ్ చేస్తూ సినిమాకు సంబంధించిన విషయాలను తెలియజేశాడు. ఈ సినిమా వాయిదా పడే అవకాశం లేదు, అలాగే సినిమాలో యాక్షన్ ఉంటుందా అనే ప్రశ్నలకు కూడా తనదైన శైలిలో కామెడీగా క్లారిటీ ఇచ్చాడు.

మొత్తానికి నాని ఈ యొక్క వీడియో ద్వారా సినిమాకు కావలసిన బజ్ క్రియేట్ చేస్తాడు అని చెప్పవచ్చు. నాని ప్రమోషన్స్ విషయంలో ఎంతో జాగ్రత్తగా ఉంటాడో మరోసారి ఈ వీడియో ద్వారా అర్థమవుతుంది. కరెక్టుగా సినిమా విడుదల అవుతున్న సందర్భంలో ఎలక్షన్ వార్తలు ఎక్కువగా వైరల్ అవుతూ ఉండడంతో ఆ రూట్లోనే సినిమాకు ప్రమోషన్ చేస్తుండడం విశేషం అనే చెప్పాలి.

ఇక మొత్తానికి ప్రస్తుతం విడుదలకు సిద్ధంగా ఉన్న సినిమాలలో నాని హాయ్ నాన్న సినిమా ప్రమోషన్స్ మాత్రమే భిన్నంగా ఉన్నాయి. అందుకే అందరి ఫోకస్ ఈ సినిమాపై పడుతోంది. ఇక ఈ సినిమాతో పాటు నితిన్ ఎక్స్ ట్రా ఆర్డినరి మ్యాన్ సినిమా కూడా అదే టైమ్ లో విడుదలకు రెడీ అవుతోంది. కానీ ఆ సినిమా కమిషన్ మాత్రమే హాయ్ నాన్న రేంజ్ లో మాత్రమే సౌండ్ క్రియేట్ చేయడం లేదు.