నాని.. బలగం వేణు.. ఎల్లమ్మ బజ్..!

న్యాచురల్ స్టార్ నాని హాయ్ నాన్న ప్రమోషన్స్ లో ఫుల్ బిజీగా ఉన్నాడు. తను తీసే ఏ సినిమాకు అయినా నాని చేసే ప్రమోషన్స్ చాలా హెల్ప్ అవుతుంటాయి. నాని హాయ్ నాన్న రిలీజ్ తర్వాత వివేక్ ఆత్రేయ డైరెక్షన్ లో రాబోతున్న సరిపోదా శనివారం సినిమా షూటింగ్ చేయనున్నాడు. ఈ సినిమా తర్వాత తమిళ దర్శకుడు సిబి చక్రవర్తి డైరెక్షన్ లో సినిమా చేస్తాడని టాక్. ఈ సినిమాతో పాటుగా రీసెంట్ గా బలగం దర్శకుడు వేణుతో తను సినిమా చేయాలనుకుంటున్న విషయాన్ని వెల్లడించారు నాని.

ఇంతకుముందు కమెడియన్ గా చేసి జబర్దస్త్ షోతో పాపులర్ అయిన వేణు తన తొలి సినిమా బలగంతో సెన్సేషనల్ హిట్ అందుకున్నాడు. డైరెక్టర్ గా వేణు చేసిన బలగం సినిమా చూసి అతనిలోని టాలెంట్ చూసి సర్ ప్రైజ్ అయ్యారు. బలగం లిమిటెడ్ బడ్జెట్ లో చేయగా వేణు తన సెకండ్ సినిమా మంచి బడ్జెట్ తో మరో అద్భుతమైన కథతో చేస్తున్నట్టు తెలుస్తుంది. దిల్ రాజు ఈ సినిమా నిర్మిస్తారని చెప్పుకుంటున్నారు.

బలగం తర్వాత వేణు ఎల్లమ్మ అనే టైటిల్ తో ఒక కథ రాసుకున్నాడట. ఆ కథ దిల్ రాజుకి బాగా నచ్చిందట. త్వరలోనే ఈ సినిమా గురించి అఫీషియల్ అప్డేట్ వస్తుందని తెలుస్తుంది. అయితే ఈ సినిమా కథ విన్నాక నానికి పర్ఫెక్ట్ గా సూట్ అవుతుందని అనిపించిందట. ఎలాగు నాని కూడా వేణు డైరెక్షన్ లో సినిమా చేసేందుకు ఆసక్తిగా ఉన్నాడు కాబట్టి ఈ కాంబో సెట్ అయినట్టే అనుకోవచ్చు.

బలగం తర్వాత ఎల్లమ్మ అంటూ వేణు మరో సంచలనానికి శ్రీకారం చుడుతున్నాడు. బలగం లాంటి సహజమైన కథతో ప్రేక్షకులను మెప్పించిన వేణు న్యాచురల్ స్టార్ నానితో సినిమా చేస్తే ఆ సినిమా నెక్స్ట్ లెవెల్ లో ఉంటుందని చెప్పొచ్చు. ఈ సినిమా గురించి ఫైనల్ డిస్కషన్స్ జరగాల్సి ఉండగా నాని ఓకే అంటే వెంటనే సినిమా మొదలు పెట్టేలా దిల్ రాజు ప్లాన్ చేస్తున్నట్టు తెలుస్తుంది.