వామ్మో... ఆ షోకి వెళ్లనంటున్న నాని

ఈ మధ్య కాలంలో బాలీవుడ్‌ ప్రేక్షకులతో పాటు సౌత్ సినీ ప్రేక్షకులను విపరీతంగా అలరిస్తూ, ఆకట్టుకుంటున్న టాక్ షో కాఫీ విత్ కరణ్‌. బాలీవుడ్‌ స్టార్‌ సెలబ్రెటీలతో పాటు తెలుగు మరియు ఇతర సౌత్‌ భాషల సెలబ్రిటీలు ఎంతో మంది ఆ షో కి హాజరు అయ్యారు. ప్రస్తుతం కొత్త సీజన్‌ నడుస్తోంది. ఈ సీజన్ కు నాని కి కూడా ఆహ్వానం వచ్చిందట.

సౌత్ సినీ స్టార్స్ చాలా మంది కాఫీ విత్‌ కరణ్‌ షో లో పాల్గొనాలని ఆశ పడుతారు. చాలా మంది కూడా ఆ షో లో కనిపించడం ద్వారా మరింత పాపులర్ అవ్వాలని, జాతీయ స్థాయిలో గుర్తింపు దక్కించుకోవాలని భావిస్తారు. కానీ కరణ్‌ జోహార్‌ షో లో తాను మాత్రం పాల్గొనేందుకు ఆసక్తిగా లేను అంటూ నాని తేల్చి చెప్పాడు. ఆ షో లో పాల్గొనాలనే ఆసక్తి లేదని క్లారిటీ ఇచ్చాడు.

తాజాగా నాని ఇండియా టుడే రౌండ్‌ టేబుల్‌ కాంక్లేవ్‌ లో పాల్గొన్నాడు. పలు విషయాల గురించి మాట్లాడిన నాని బాలీవుడ్‌ లో గుర్తింపు దక్కించుకోవడం కోసం ప్రయత్నాలు చేస్తున్నట్లుగా పేర్కొన్నాడు. అంతే కాకుండా బాలీవుడ్‌ లో ఇకపై తన సినిమాలను వరుసగా విడుదల చేస్తానంటూ కూడా తెలియజేశాడు.

కరణ్‌ జోహార్‌ ఫోన్ చేస్తాడని, అయితే ఆయన్ను కలిసే సందర్భం వస్తే కచ్చితంగా కలుస్తాను. సంతోషంగా సినిమా కబుర్లు చెప్పుకుంటాను.. కానీ కెమెరా ముందు ఆయన తో కలిసి మాట్లాడేది లేదు అన్నట్లుగా నాని నవ్వుతూ రౌండ్‌ టేబుల్‌ షో లో చెప్పుకొచ్చాడు. కరణ్‌ జోహార్ షో కి వెళ్తే చాలా పాత విషయాలన్నింటిని కూడా ఆయన తోడుతూ ఉంటాడు. అందుకే ఆయన షో కి కొందరు ఆసక్తి చూపడం లేదు.

నాని ఎందుకు కరణ్‌ జోహార్ షో కి వెళ్లేందుకు ఆసక్తి చూపడం లేదో అనేది ఆయన వ్యక్తిగత విషయం. ఆ విషయం పక్కన పెడితే నాని వచ్చే నెలలో హాయ్ నాన్న సినిమా తో ప్రేక్షకుల ముందుకు రాబోతున్నాడు. ఆ సినిమా ప్రమోషన్ కార్యక్రమాలు ఇప్పటికే ప్రారంభం అయ్యాయి. మృణాల్‌ ఠాకూర్ హీరోయిన్ గా నటించిన హాయ్‌ నాన్న సినిమా పై నాని కి చాలా నమ్మకం ఉందట. మరి ఫలితం ఎలా ఉంటుందో చూడాలి.