పూజాతో నాని నెక్స్ట్ లెవెల్ రొమాన్స్..!
న్యాచురల్ స్టార్ నాని నటించిన హాయ్ నాన్న సినిమా మరికొద్ది గంటల్లో ప్రేక్షకుల ముందుకు రాబోతుంది.
By: Tupaki Desk | 6 Dec 2023 7:20 AM GMT
న్యాచురల్ స్టార్ నాని నటించిన హాయ్ నాన్న సినిమా మరికొద్ది గంటల్లో ప్రేక్షకుల ముందుకు రాబోతుంది. ఈ సినిమా విషయంలో నాని సూపర్ కాన్ఫిడెంట్ గా ఉన్నాడు. ప్రేక్షకులను ఒక మంచి అనుభూతి అందిస్తుందని చెబుతున్నారు. ఇదిలాఉంటే ఈ సినిమా తర్వాత నాని వివేక్ ఆత్రేయ డైరెక్షన్ లో ఒక సినిమా ఫిక్స్ చేసుకున్నాడు. ఆల్రెడీ ఈ ఇద్దరు కలిసి అంటే సుందరానికీ సినిమా చేశారు. ఆ సినిమా ప్రేక్షకుల మెప్పు పొందినా కమర్షియల్ గా వర్క్ అవుట్ అవ్వలేదు. ఈసారి ఇద్దరు కలిసి కమర్షియల్ హిట్ కొట్టేలా సినిమా చేస్తున్నారు.
ఈ సినిమాకు సరిపోదా శనివారం అనే టైటిల్ లాక్ చేశారు. వివేక్ ఆత్రేయ ఫస్ట్ టైం ఒక మాస్ సినిమా చేస్తున్నట్టు తెలుస్తుంది. ఈ సినిమా తర్వాత నాని తమిళ దర్శకుడు సిబి చక్రవర్తితో సినిమా చేస్తాడని తెలుస్తుంది. ఈ సినిమాలో హీరోయిన్ గా పూజా హెగ్దేని తీసుకోవాలని ప్లాన్ చేస్తున్నారు. నాని సినిమాలో హీరోయిన్స్ కి కూడా ప్రాధాన్యత ఉంటుంది. మొన్నటిదాకా తెలుగులో స్టార్ హీరోయిన్ గా వరుస సినిమాలు చేసిన పూజా హెగ్దే ఇప్పుడు ఇక్కడ సినిమాలు లేక ఖాళీగా ఉంటుంది.
మహేష్ గుంటూరు కారం ఛాన్స్ వచ్చినట్టే వచ్చి మిస్ అయ్యేసరికి హిందీ సినిమాల మీద తన ఫోకస్ పెట్టింది పూజా హెగ్దే. ప్రస్తుతం తెలుగులో పెద్దగా అవకాశాలు లేని పూజా బేబికి నాని సినిమా లక్కీ ఛాన్స్ అని చెప్పొచ్చు. ఈ సినిమాలో నాని, పూజా రొమాన్స్ కూడా నెక్స్ట్ లెవెల్ లో ఉండబోతుందని టాక్. శివ కార్తికేయన్ తో డాన్ సినిమా చేసిన సిబి చక్రవర్తి నానితో ఒక అదిరిపోయే కథ లాక్ చేశాడని తెలుస్తుంది.
ఇన్నాళ్లు స్టార్ హీరోలతోనే నటించిన పూజా హెగ్దే ఇప్పుడు టైర్ 2 హీరోలతో కూడా నటించాలని ఫిక్స్ అయ్యింది. ఈ క్రమంలో నాని సినిమాలో ఆ అవకాశం దక్కించుకుంది. ఈ సినిమాను తెలుగు, తమిళ బైలింగ్వల్ మూవీగా ప్లాన్ చేస్తున్నారు మేకర్స్. తెలుగులో టాప్ హీరోయిన్ గా క్రేజ్ తెచ్చుకున్నా కోలీవుడ్ లో మాత్రం వెనకపడ్డ పూజా హెగ్దే ఈ సినిమాతో అయినా అక్కడ రాణిస్తుందేమో చూడాలి. నానితో సినిమా అంటే మినిమం గ్యారెంటీ ఉంటుంది కాబట్టి పూజాకి ఈ అవకాశం మళ్లీ బిజీ అయ్యేలా చేస్తుందేమో చూడాలి.
