పిక్ ఆఫ్‌ ది డే : థియేటర్ లో నాన్న కన్నీళ్లు

నాని హీరోగా శౌర్యువ్‌ దర్శకత్వంలో రూపొంది నేడు ప్రేక్షకుల ముందుకు వచ్చిన హాయ్ నాన్న సినిమాకు పాజిటివ్ రివ్యూలు రావడంతో పాటు, ప్రేక్షకుల నుంచి పాజిటివ్ రెస్పాన్స్ వస్తోంది. నాని మొదటి నుంచి చెబుతున్నట్లుగానే ఈ సినిమాలో నాన్న గా అలరించాడు. అంతే కాకుండా హాయ్‌ నాన్న సినిమాతో హిట్‌ కూడా అందుకున్నట్లుగా టాక్‌ వినిపిస్తోంది.

ఈ సమయంలో నాని సతీమణి అంజు ఆసక్తికర పోస్ట్‌ ను షేర్‌ చేశారు. థియేటర్ లో కొడుకు జున్నూతో కలిసి నాని సినిమా చూస్తున్నారు. ఆ సమయంలో నాని కళ్లలో నీళ్లు కనిపిస్తున్నాయి. అలాగే నాని ని జున్నూ హగ్ చేసుకుని ఉన్నాడు. ఈ ఫోటో ప్రస్తుతం సోషల్‌ మీడియాలో అందరి దృష్టిని ఆకర్షిస్తూ పిక్‌ ఆఫ్ ది డే గా నిలిచింది.

గతంలో కూడా నాన్న గా నాని నటించాడు. అయితే ఈసారి అంతకు మించి అన్నట్లుగా ఎమోషన్‌ ని పండించాడు అంటూ రివ్యూలు వస్తున్నాయి. నాని ప్రేక్షకులతో కన్నీళ్లు పెట్టించాడంటూ కూడా టాక్ వినిపిస్తోంది. మృణాల్ ఠాకూర్‌ హీరోయిన్‌ గా నటించిన ఈ సినిమాలో శృతి హాసన్ కీలక పాటలో కనిపించింది.

నాని ఈ సినిమాతో మరో విజయాన్ని తన ఖాతాలో వేసుకున్నట్లుగానే అనిపిస్తోంది. పెద్ద సినిమాల పోటీ బాక్సాఫీస్ వద్ద లేదు. రేపు నితిన్‌ సినిమా రాబోతున్న విషయం తెల్సిందే. ఆ సినిమా ఫలితంను బట్టి హాయ్ నాన్న లాంగ్‌ రన్‌ లో కలెక్షన్స్‌ ఎలా ఉంటాయో చూడాల్సి ఉంది.