న‌మ్ర‌త పుట్టిన‌రోజు పార్టీలో నారా బ్రాహ్మ‌ణి

సూప‌ర్‌స్టార్ మ‌హేష్ భార్య నమ్రతా శిరోద్కర్ 52వ పుట్టినరోజు(22 జ‌న‌వ‌రి) వేడుకల ఫోటోలు అంత‌ర్జాలంలో వైర‌ల్ అవుతున్నాయి. నమ్రత తన స్నేహితులతో క‌లిసి ఉన్న‌ కొన్ని ఫోటోలను షేర్ చేసింది. ప్ర‌యివేట్ గా నిర్వ‌హించిన ఈ వేడుక‌లో న‌మ్ర‌త కుటుంబీకులు, బంధుమిత్రులు పాల్గొన్నారు. ముఖ్యంగా సితార ఘ‌ట్ట‌మ‌నేని, గౌత‌మ్ ఘ‌ట్ట‌మ‌నేని ఈ వేడుక‌లో ఎంతో ఆనందంగా క‌నిపించ‌గా న‌మ్ర‌త త‌ర‌పు బంధుమిత్రులు ఈ వేడుక‌ల్లో సంద‌డి చేసారు. ఇక ఇదే వేడుక‌లో టీడీపీ జాతీయ ప్ర‌ధాన కార్య‌ద‌ర్శి నారా లోకేష్ స‌తీమ‌ణి నారా బ్రాహ్మ‌ణి ఒక అతిథిగా క‌నిపించ‌డం కేంద్ర‌క ఆక‌ర్ష‌ణ‌గా మారింది. బ్రాహ్మ‌ణి ఈ వేడుక‌లో బ‌ర్త్ డే బేబి న‌మ్ర‌త‌కు శుభాకాంక్ష‌లు తెలిపారు.

అలాగే ఈ వేడుక‌లో న‌మ్ర‌త త‌న‌ కొడుకు గౌతమ్ - కుమార్తె సితారతో కలిసి పుట్టినరోజు కేక్‌ను కత్తిరిస్తున్న ఫోటోలు వైర‌ల్ అవుతున్నాయి. వీటికి ఒక అంద‌మైన క్యాప్ష‌న్ ని న‌మ్ర‌త ఇచ్చారు. కుటుంబం, స్నేహితులు.. ప్రియమైనవారితో గడిపిన ఉత్తమ సాయంత్రాలలో ఇది ఒకటి! ఇంత అద్భుతమైన హోస్ట్‌గా ఉన్నందుకు స‌బీనా జేవియ‌ర్ కి ప్రత్యేక ధన్యవాదాలు. నేను ఈ మధురమైన జ్ఞాపకాలను రక్షిస్తాను! అని న‌మ్ర‌త రాసారు. నమ్రతా శిరోద్కర్ సోదరి శిల్పా శిరోద్కర్ ``ప్రేమ.. చాలా ప్రేమ`` అని వ్యాఖ్యానించారు. ఈ వేడుకల్లో మహేష్ బాబు క‌నిపించ‌లేదు. ప్ర‌స్తుతం మ‌హేష్ త‌న త‌దుప‌రి సినిమా మేకోవ‌ర్ కోసం అమెరికా వెళ్లార‌ని ఇటీవ‌ల‌ క‌థ‌నాలు వ‌చ్చిన సంగతి తెలిసిందే.

సోమవారం నాడు మహేష్ బాబు తన భార్య అందమైన ఫోటో ఒక‌టి ఇన్‌స్టాగ్రామ్‌లో సందేశంతో పాటు షేర్ చేసారు. ``హ్యాపీ బర్త్‌డే NSG....ప్రేమ మరియు సఖ్యతతో నిండిన మరో సంవత్సరానికి కృతజ్ఞతలు. నా ప్రతిరోజును మెరుగుపరిచినందుకు ధన్యవాదాలు. 2024ని ఆనందింపజేయండి`` అని మ‌హేష్ విషెస్ తెలిపారు.

మహేష్ బాబు, నమ్రత, కొడుకు గౌతమ్.. కుమార్తె సితార తరచుగా కుటుంబ వెకేష‌న్ల‌లో కలిసి కనిపిస్తారు.

మహేష్ బాబు - నమ్రత శిరోద్కర్ 2005లో వివాహం చేసుకున్నారు. ఒక సంవత్సరం తర్వాత వారు గౌతమ్‌ని స్వాగతించారు. 11 సంవత్సరాలు నిండిన కుమార్తె సితారకు వారు తల్లిదండ్రులు.

మహేశ్ బాబు రాజ కుమారుడు (1999)తో క‌థానాయ‌కుడు అయ్యారు. అంత‌కుముందు బాల‌నటుడిగా రాణించారు. పోకిరి, మురారి, దూకుడు, భరత్ అనే నేను, సరిలేరు నీకెవ్వరు, మహర్షి వంటి బ్లాక్ బ‌స్ట‌ర్ చిత్రాలలో నటించాడు. అత‌డు న‌టించిన గుంటూరు కారం ఈ ఏడాది సంక్రాంతి బ‌రిలో విడుద‌లైన సంగ‌తి తెలిసిందే.