నా సినిమ హిట్ కాలేదు: నారా రోహిత్

నారా రోహిత్ హీరోగా చేసిన సినిమాలు తక్కువే అయిన మంచి కంటెంట్ బేస్డ్ కథలని ఎంచుకుంటాడు అనే ఇమేజ్ ఉంది. అయితే కావాలనే మంచి కంటెంట్ ఇవ్వాలని గత ఐదేళ్లలో నారా రోహిత్ నుంచి ఒక్క సినిమా కూడా రాలేదు. 2018లో నారా రోహిత్ నుంచి వీరభోగ వసంతరాయులు సినిమా చివరిగా రీరిలీజ్ అయ్యింది. ఆ మూవీ అంతగా ఆడలేదు. మరల 2014లో జర్నలిస్ట్ మూర్తి దర్శకత్వంలో ప్రతినిధి 2తో ప్రేక్షకుల ముందుకొచ్చారు.

మే 10న ఈ సినిమా రిలీజ్ అయ్యింది. అయితే తెలుగు రాష్ట్రాల ఎన్నికల బజ్ ఉన్న సమయంలో ప్రతినిధి 2 మూవీ రిలీజ్ కావడంతో మొదట బజ్ పెరిగింది. పెద్దగా ఎవరికీ రీచ్ కాలేదు. సినిమా పర్వాలేదనే టాక్ తెచ్చుకున్న కూడా ప్రేక్షకుల దృష్టిని మాత్రం ఆకర్షించలేదు. దీంతో ఈ సినిమా కమర్షియల్ గా ఆడలేదు. ప్రతినిధి 2 మూవీ రిలీజ్ అయ్యిందనే విషయం కూడా చాలా మందికి తెలియదు.

ఇదిలా ఉంటే నారా రోహిత్ హీరోగా వెంకటేష్ నిమ్మలపూడి దర్శకత్వంలో తెరకెక్కిన కామెడీ ఎంటర్టైనర్ సుందరకాండ టీజర్ తాజాగా రిలీజ్ అయ్యింది. ఈ టీజర్ రిలీజ్ ప్రెస్ మీట్ లో మీడియా ప్రశ్నలకి నారా రోహిత్ ఇంటరెస్టింగ్ గా సమాధానం చెప్పారు. ఓ మీడియా ప్రతినిధి మాట్లాడుతూ ప్రతినిధి 2 హిట్ అయ్యింది కదా దీనికి సీక్వెల్ గా ప్రతినిధి 3 తీసే అవకాశం ఉందా అని ప్రశ్నించారు.

అయితే ప్రతినిధి 2 హిట్ అవ్వలేదండి. మీరు హిట్ అయ్యిందని చెప్పేంత వరకు నాకు కూడా తెలియదు. రిలీజ్ అయిన విషయం కూడా చాలా మందికి తెలియకపోవచ్చు. మీరు హిట్ అంటారేంటండి అంటూ నారా రోహిత్ సరదాగా సమాధానం ఇచ్చారు. సినిమా ఫ్లాప్ అయ్యిందనే విషయాన్ని ఇంత ఓపెన్ గా ఎలా చెబుతున్నారండి అని మరో మీడియా ప్రతినిధి ప్రశ్నించారు. నేను చెప్పిన చెప్పకపోయిన రిజల్ట్ మీకు తెలుసు కదా… మీరు అదే రాస్తారు కదా అంటూ నారా రోహిత్ చెప్పుకొచ్చారు.

ఈ కామెంట్స్ ఇప్పుడు సోషల్ మీడియాలో వైరల్ అవుతున్నాయి. ఒక హీరో అయ్యుండి ఇంత ఓపెన్ గా తన సినిమా ఫ్లాప్ అయ్యిందని ఒప్పుకోవడం గొప్ప విషయం అంటూ నారా రోహిత్ ని నెటిజన్లు ప్రశంసిస్తున్నారు. కొంతమంది మాత్రమే ఇలా ఉన్నది ఉన్నట్లు నిజాలు మాట్లాడగలరు అంటూ కామెంట్స్ చేశారు. నారా రోహిత్ తన ప్రతినిధి 2పై చేసిన కామెంట్స్ ఇప్పుడు సోషల్ మీడియాలో వైరల్ గా మారాయి.