రౌండ్ అప్ చేసుకుని మరీ కొడుతున్న న్యాచురల్ స్టార్..!

ప్రస్తుతం టాలీవుడ్ హిట్ మిషన్ గా మరి వరుస విజయాలతో అటు పర్సనల్ గా కెరీర్ గ్రాఫ్ పెంచుకుంటూ ఇండస్ట్రీకి కూడా తన వంతు సాయం చేస్తున్నాడు న్యాచురల్ స్టార్ నాని. నాని సినిమా కథ ఉంటుంది.. ఆడియన్స్ ని మెప్పించే కథనం కూడా ఉంటుంది. అందుకే అతని సినిమాలు బాక్సాఫీస్ దగ్గర ఫెయిల్ అవ్వకుండా దూసుకెళ్తున్నాయి. కొందరు హీరోలు సక్సెస్ కోసం ఏదేదో చేస్తుంటారు కానీ నాని మాత్రం తాను సెట్ చేసిన కాంబోతోనే హిట్ కొడతాడు.

నాని జడ్జిమెంట్ రేంజ్ ఎలాంటిదో అతను సాధిస్తున్న విజయాలను చూస్తే అర్థం చేసుకోవచ్చు. ఐతే ప్రస్తుతం నాని వరుస సినిమాలు లైన్ లో పెట్టాడు. వీటితో పాటు టాలెంటెడ్ మేకర్స్ ని గురి పెడుతున్నాడు. నాని చేస్తున్న హిట్ 3 ప్రస్తుతం సెట్స్ మీద ఉండగా ఆ సినిమా తర్వాత శ్రీకాంత్ ఓదెలతో సినిమా లైన్ లో ఉంది. హిట్ 3 పూర్తి చేశాకే శ్రీకాంత్ సినిమా మొదలవుతుందని తెలుస్తుంది.

మరోపక్క సుజిత్ డైరెక్షన్ లో నాని సినిమా కూడా ఉంది. ఆ సినిమాకు బ్యాక్ గ్రౌండ్ వర్క్ నడుస్తుంది. సుజిత్ ఎప్పుడైతే పవర్ స్టార్ తో చేస్తున్న ఓజీ పూర్తి చేస్తాడో అప్పుడు నాని సినిమా సెట్స్ మీదకు వెళ్తుంది. ఇక నాని మలయాళ దర్శకుడు విపిన్ దాస్ తో కథా చర్చలు నిర్వహించినట్టు తెలుస్తుంది. మలయాళంలో వరుస సూపర్ హిట్ లు అందిస్తున్న డైరెక్టర్ విపిన్ దాస్ సౌత్ అంతా పాపులారిటీ తెచ్చుకున్నాడు.

అతను డైరెక్ట్ చేసిన గురువాయుర్ అంబలనడయిల్, జయ జయ జయహే సినిమాలు ప్రేక్షకులను ఎంతగానో అలరించాయి. నానితో కూడా ఒక మంచి ఫ్యామిలీ ఎంటర్టైనర్ ప్లాన్ చేస్తున్నారట విపిన్ దాస్. నానిని కలవడం కథ చెప్పడం జరిగిందట. త్వరలోనే ఈ కాంబో సినిమా ప్రకటన వస్తుందని తెలుస్తుంది. ఈమధ్య కాలంలో కాన్ స్టంట్ హిట్లు కొడుతూ సత్తా చాటుతున్న నాని ఇప్పుడు తన మార్కెట్ పెంచుకోవాలని ప్రయత్నిస్తున్నాడు. అందులో భాగంగానే మలయాళ దర్శకుడిని లైన్ లో పెట్టినట్టు తెలుస్తుంది.

నాని ఫోకస్ చేశాడు అంటే అది వేరే లెవెల్ అన్నట్టే లెక్క. మరి నాని చేయబోతున్న ఈ సినిమాల లెక్క ఎలా ఉంటుందో చూడాలి. శైలేష్ కొలను హిట్ 3 పర్ఫెక్ట్ క్రైమ్ థ్రిల్లర్ గా రాబోతుండగా శ్రీకాంత్ ఓదెల సినిమా మరో దసరా కాదు కాదు అంతకు మించి ఉండేలా చూస్తున్నారు. నాని సినిమాల లైన్ చూసి ఫ్యాన్స్ అంతా ఖుషి అవుతున్నారు.