నాని కోసం రాజమౌళి తండ్రి!

నేచురల్ స్టార్ నాని కెరీర్ ప్రారంభం నుంచి చకచకా సినిమాలు చేసుకుంటూ వెళ్లిపోతుంటారు. అయితే ఇప్పుడాయన మరో కొత్త చిత్రాన్ని లైన్​లో పెట్టేశారని తెలిసింది. ఈ మూవీ గురించి త్వరలోనే అధికార ప్రకటన వచ్చే అవకాశముందట. దర్శకధీరుడు రాజమౌళి తండ్రి, రచయిత విజయేంద్ర ప్రసాద్ కథను అందించనున్నారట.

వివరాళ్లోకి వెళితే.. ఎలాంటి సినిమా బ్యాక్​ గ్రౌండ్​ లేకుండా ఇండస్ట్రీకి వచ్చి మంచి గుర్తింపు తెచ్చుకున్నారు హీరో నాని. సినీ జర్నీలో ఎన్నో ఒడుదొడుకులు ఎదుర్కొని ఇప్పుడు స్టార్‌ హీరోగా ఎదిగారు. అసిస్టెంట్‌ డైరెక్టర్‌ స్థాయి నుంచి నేచురల్‌ స్టార్‌గా ఎదిగి... ఎంతో మంది అభిమానులను సొంతం చేసుకున్నారు.

సినిమా రిజల్ట్​ ఎలా ఉన్నా ప్రయోగాలు చేసేందుకు ఎప్పుడు ముందుంటారు నాని. నటుడు, నిర్మాత, వ్యాఖ్యాతగా కెరీర్​లో రాణిస్తున్నారు. రీసెంట్​గా ఆయన దసరా చిత్రంతో రూ.100 కోట్ల హీరోగా మారిపోయారు. ప్రస్తుతం ఆయన హాయ్​ నాన్న అనే చిత్రం చేస్తున్నారు. త్వరలోనే ఈ చిత్రం రిలీజ్ కు రెడీ అయింది. అయితే ఇప్పుడాయన కొత్త సినిమాను లైన్​లో పెట్టారని తెలిసింది.

దర్శకధీరుడు రాజమౌళి తండ్రి విజయేంద్ర ప్రసాద్.. ఈ సినిమాకు కథ అందించనున్నారని తెలిసింది. ఈ చిత్రానికి తమిళ దర్శకుడు శిబి చక్రవర్తి డైరెక్షన్ చేయనున్నారట. ఇప్పటికే కథా చర్చలు పూర్తయ్యాయనీ, స్క్రిప్ట్‌ ఇంట్రెస్టింగ్​గా ఉండనుందని తెలిసింది. తెలుగు, తమిళ భాషల్లో ద్విభాషా చిత్రంగా ఈ సినిమా రూపొందించన్నారు. త్వరలోనే ఇది పట్టాలెక్కనున్నట్లు ప్రచారం వినిపిస్తోంది. ఈ విషయం తెలుసుకుంటున్న నాని అభిమానులు సంతోషం వ్యక్తం చేస్తున్నారు.

అయితే నిజానికి ఈ ప్రచారం ఎప్పుడో వచ్చింది. మళ్లీ కాస్త గ్యాప్​ ఇచ్చి ఇప్పుడు తెరపైకి వచ్చింది. కాగా, శివకార్తికేయన్‌ హీరోగా నటించిన 'డాన్‌' సినిమాతో వెండితెరకు దర్శకుడిగా పరిచయమయ్యారు శిబి చక్రవర్తి. ఈ సినిమా బాక్సాఫీస్ ముందు మంచి హిట్​ అందుకుంది. చూడాలి మరి ఈ దర్శకుడు నానితో ఎలాంటి సినిమా చేయబోతన్నారో, నానిని ఎలా చూపిస్తారో అనేది..