ఎటు తేల్చుకోలేకపోతున్న నాని..?

న్యాచురల్ స్టార్ నాని నటించిన హాయ్ నాన్న సినిమా రిలీజ్ విషయంలో ఇంకా కన్ ఫ్యూజన్ కొనసాగుతూనే ఉంది. అసలైతే నాని హాయ్ నాన్న క్రిస్ మస్ కానుకగా డిసెంబర్ 23న రిలీజ్ అనుకున్నారు. కానీ ఆ టైం కి ప్రభాస్ డైనోసర్ మూవీ అదేనండి సలార్ పార్ట్ 1 రిలీజ్ అవుతుంది. సలార్ కి పోటీగా వచ్చి రిస్క్ చేయడం ఎందుకని భావిస్తున్నాడు నాని. ఆల్రెడీ క్రిస్మస్ రేసులో రిలీజ్ అనుకున్న నితిన్ ఎక్స్ ట్రా ఆర్డినరీ మ్యాన్, వెంకటేష్ సైంధవ్ రెండు సినిమాలు రిలీజ్ పోస్ట్ పోన్ చేసుకున్నాయి.

నితిన్ డిసెంబర్ 8న తన సినిమా రిలీజ్ లాక్ చేసుకున్నాడు. వెంకటేష్ సైంధవ్ ని సంక్రాంతికి వాయిదా వేసుకున్నాడు. నాని హాయ్ నాన్న మాత్రం రిలీజ్ విషయంలో క్లారిటీ రాలేదు. నాని మాత్రం ఈ ఏడాది చివర్లోనే ఈ సినిమా రిలీజ్ చేయాలని చూస్తున్నారు. నాని ఈ ఇయర్ దసరా సినిమాతో సెన్సేషనల్ హిట్ అందుకున్నారు. ఆ సినిమా తర్వాత నాని నుంచి వస్తున్న హాయ్ నాన్న మీద భారీ అంచనాలు ఉన్నాయి.

నాని హాయ్ నాన్న సినిమా శౌర్యువ్ డైరెక్ట్ చేశారు. ఈ సినిమాను వైరా క్రియేషన్స్ బ్యానర్ లో రూపొందించారు. నాని సరసన మృణాల్ ఠాకూర్ హీరోయిన్ గా నటించిన ఈ సినిమాలో శృతి హాసన్ కూడా ఒక హీరోయిన్ గా నటిస్తుంది. సినిమాకు మళయాళ మ్యూజిక్ డైరెక్టర్ హేషం అబ్దుల్ వాహబ్ మ్యూజిక్ అందించారు. ఇప్పటికే నాని హాయ్ నాన్న నుంచి రిలీజైన సాంగ్స్ సినిమాపై బజ్ పెంచేలా చేశాయి.

నాని కూడా నితిన్ లా ముందు వచ్చేద్దాం అనుకుంటే ఆల్రెడీ డిసెంబర్ మొదటి రెండు వారాల్లో విశ్వక్ సేన్ గ్యాంగ్స్ ఆఫ్ గోదావరి, ధనుష్ కెప్టెన్ మిల్లర్ సినిమాలు రిలీజ్ లాక్ చేశాయి. ఇప్పుడు నితిన్ కూడా ఆ రేసులో ఉన్నాడు. అందుకే హాయ్ నాన్న రిలీజ్ విషయంలో మేకర్స్ ఆలోచిస్తున్నారు. నాని హాయ్ నాన్న సినిమా ఎమోషనల్ సెంటిమెంట్ మూవీగా రాబోతుంది. సినిమా లో నాని ఒక బేబీకి ఫాదర్ పాత్రలో కనిపించనున్నారు. క్రిస్మస్ వదిలేసి సంక్రాంతికి వద్దామనుకుంటే ఇప్పటికే ఆల్రెడీ పొంగల్ రేసులో సినిమాలు చాలానే ఉన్నాయి. అందుకే నాని కుదిరితే డిసెంబర్ లేదా ఫిబ్రవరి రిలీజ్ అనుకుంటున్నారట. మరి నాని హాయ్ నాన్న రిలీజ్ డేట్ ఎప్పుడన్నది త్వరలో తెలుస్తుంది.