నాని ఒకేసారి రెండు.. డబుల్ డోస్

నేచురల్ స్టార్ నాని దసరా మూవీతో ఈ ఏడాది సాలిడ్ బ్లాక్ బస్టర్ ని తన ఖాతాలో వేసుకున్నారు. హాయ్ నాన్న మూవీతో ఈ ఏడాది ఆఖరులో రాబోతున్నారు. ఈ సినిమా ఫీల్ గుడ్ ఎంటర్టైనర్ గా తెరకెక్కింది. కచ్చితంగా హాయ్ నాన్న జెర్సీ తరహాలో ఓ మంచి చిత్రం అవుతుందని అంచనా వేస్తున్నారు. NANI 31 ప్రాజెక్ట్ ని తమిళ్ దర్శకుడు సిబి చక్రవర్తితో చేయనున్నాడు.

శివ కార్తికేయన్ డాన్ మూవీతో సిబి చక్రవర్తి దర్శకుడిగా పరిచయం అయ్యి హిట్ కొట్టాడు. అతను చెప్పిన కథ నచ్చడంతో నాని గ్రీన్ సిగ్నల్ ఇచ్చేశాడు. అవుట్ అండ్ అవుట్ ఎంటర్టైనర్ గా ఈ మూవీ తెరకెక్కనున్నట్లు తెలుస్తోంది. శ్రీనివాస్ చిట్టూరి ఈ చిత్రాన్ని నిర్మించనున్నారంట. ఇక ఈ మూవీ ఓపెనింగ్ దసరాకి జరుగుతుందని తెలుస్తోంది. అదే నెలలో రెగ్యులర్ షూటింగ్ కూడా స్టార్ట్ చేయబోతున్నారంట.

ఈ చిత్రం షూటింగ్ లో ఉండగానే వివేక్ ఆత్రేయ దర్శకత్వంలో సినిమాని సెట్స్ పైకి తీసుకెళ్లే ఆలోచనలో ఉన్నారు. అంటే సుందరానికి సినిమా నాని వివేక్ ఆత్రేయ దర్శకత్వంలో చేశారు. అయితే ఈ మూవీ ఆశించిన స్థాయిలో సక్సెస్ కాలేదు. దర్శకుడు వివేక్ కూడా ప్రస్తుతం నానితో చేయబోయే సినిమా కోసం సీరియస్ స్టోరీని ఎంచుకున్నట్లు తెలుస్తోంది. కంప్లీట్ యాక్షన్ బ్యాక్ డ్రాప్ కథతో స్క్రిప్ సిద్ధం చేసి నానిని ఒప్పించాడంట.

నవంబర్ లో మూవీ రెగ్యులర్ షూటింగ్ స్టార్ట్ చేయబోతున్నారంట. ఒకే సారి ఈ రెండు సినిమాలు ఫినిష్ చేసి వచ్చే ఏడాది ప్రేక్షకుల ముందుకి తీసుకురావాలని నాని ప్లాన్ చేసుకుంటున్నట్లు తెలుస్తోంది. ఈ లెక్కన ఏడాదికి రెండు సినిమాలు కచ్చితంగా తన నుంచి వచ్చేలా నాని ప్లానింగ్ చేసుకుంటున్నట్లు అర్ధమవుతోంది.

ఈ రెండు సినిమాలు రెండు డిఫరెంట్ జోనర్స్ లో తెరకెక్కనున్నాయి. వీటికి సంబందించిన అప్డేట్స్ త్వరలో వచ్చే అవకాశం ఉంది. హాయ్ నాన్న మూవీ షూటింగ్ కంప్లీట్ అయిపోయి పోస్ట్ ప్రొడక్షన్ కార్యక్రమాలు జరుగుతున్నాయి. దీనిపై ఇప్పుడు నాని ఫోకస్ పెట్టారు.