టాలెంటెడ్ హీరో వెయిటింగ్ ఏంటో..?

అంతకుముందు సినిమాల్లో సైడ్ రోల్స్ చేస్తూ వచ్చిన నవీన్ పొలిశెట్టి ఏజెంట్ సాయి శ్రీనివాస్ ఆత్రేయ సినిమాతో హీరోగా తన సత్తా చాటాడు. ఆ సినిమా ఇచ్చిన జోష్ తో జాతిరత్నాలు చేసిన నవీన్ ఆ సినిమాతో మరో బ్లాక్ బస్టర్ హిట్ అందుకున్నాడు. జాతిరత్నాలు సినిమాకు సెపరేట్ ఫ్యాన్ బేస్ ఉంది. ఆ సినిమా డైరెక్టర్ అనుదీప్ కూడా తెలుగు ఆడియన్స్ లో మంచి క్రేజ్ తెచ్చుకున్నారు. ఇక ఈ సినిమా తర్వాత నవీన్ రెండేళ్ల తర్వాత మిస్ శెట్టి మిస్టర్ పొలిశెట్టి సినిమా చేశాడు. కొద్దిపాటి గ్యాప్ తర్వాత అనుష్క నటించిన ఈ సినిమా కూడా సక్సెస్ అయ్యింది.

మిస్ శెట్టి మిస్టర్ పొలిశెట్టి లాస్ట్ ఇయర్ రిలీజ్ కాగా తన నెక్స్ట్ సినిమా అప్డేట్ కోసం నవీన్ ఫ్యాన్స్ అంతా ఈగర్ గా ఎదురుచూస్తున్నారు. సితార బ్యానర్ లో అనగనగా ఒక రాజు సినిమా అనౌన్స్ చేశారు. ఆ సినిమా షూటింగ్ జరుగుతుందా లేదా అన్నది మాత్రం తెలియట్లేదు. యూత్ లో తనకు ఉన్న క్రేజ్ కు నవీన్ వరుస సినిమాలు చేస్తే బెటర్ లేదంటే ఈ గ్యాప్ లో ఆడియన్స్ మరో హీరో వైపు టర్న్ అయ్యే ఛాన్స్ ఉంటుంది.

నవీన్ సినిమా అంటే పక్కా ఎంటర్టైనర్ అని మార్క్ సెట్ చేసుకున్న ఈ యువ హీరో సినిమాల విషయంలో కాస్త స్పీడ్ పెంచితే బెటర్ అని అనుకుంటున్నారు. నవీన్ పొలిశెట్టి నెక్స్ట్ సినిమా గురించి ఎలాంటి క్లూస్ బయటకు రావట్లేదు. సినిమా రిలీజ్ టైం లో సోషల్ మీడియాలో యాక్టివ్ గా ఉండే నవీన్ పొలిశెట్టి కూడా ఇప్పుడు అక్కడ కూడా యాక్టివ్ గా కనిపించడం లేదు. ఆడియన్స్ ని సర్ ప్రైజ్ చేసేందుకు నవీన్ ఏం ప్లాన్ చేస్తున్నాడు. తన నెక్స్ట్ సినిమా ఏమై ఉంటుందా అని ఆడియన్స్ ఎగ్జైటింగ్ గా ఉన్నారు.

నవీన్ పొలిశెట్టి ఈ అప్డేట్స్ తో తన ఫ్యాన్స్ ని సర్ ప్రైజ్ చేస్తే బాగుంటుంది. ఇక బాలీవుడ్ రామాయణంలో లక్ష్మణుడిగా నవీన్ ని అడిగారని వార్తలు వచ్చాయి. ఆల్రెడీ బాలీవుడ్ లో కూడా సినిమాలు చేసిన నవీన్ రామాయణంలో అవకాశం వస్తే చేస్తాడా లేదా అన్నది కూడా తెలియాల్సి ఉంది. నవీన్ ఏం చేసినా సరే ఆడియన్స్ ని సాటిస్ఫై చేయడం పక్కా అని చెప్పొచ్చు. సో గ్యాప్ తీసుకున్నా కూడా దానికి రెట్టింపు ఉత్సాహంతో తన సినిమా అప్డేట్ తో నవీన్ ఖుషి చేస్తాడని ఆడియన్స్ ఫిక్స్ అయ్యారు.