శెట్టి కోసం రాజుగారి ప్రయత్నాలు

మిస్ శెట్టి మిస్టర్ పొలిశెట్టితో మరో హిట్ ని తన ఖాతాలో వేసుకున్న నవీన్ పొలిశెట్టి నాలుగు సక్సెస్ ఫుల్ మూవీస్ తో జోరు మీద ఉన్నాడు. ఇప్పుడు నిర్మాతలకి కూడా నవీన్ పొలిశెట్టి బెస్ట్ ఛాయస్ గా మారిపోయాడు. మంచి కామిక్ టైమింగ్ ఉన్న కథలు దొరికితే నవీన్ తో చేయడానికి పెద్ద నిర్మాతలు సైతం సిద్ధం అవుతున్నారు. మిస్ శెట్టి మిస్టర్ పొలిశెట్టి సక్సెస్ లో మెజారిటీ క్రెడిట్ నవీన్ కి దక్కుతోంది. సెలబ్రెటీలు అందరూ ఈ చిత్రంపై ప్రశంసలు కురిపించారు.

యూవీ వారితోనే నవీన్ నెక్స్ట్ మూవీ అనగనగా ఒక రాజు మూవీ చేస్తున్నాడు. ఈ సినిమా షూటింగ్ దశలోనే ఇంకా ఉంది. ఎందుకనో ముందుకి కదలడం లేదు. తాజాగా దిల్ రాజు కూడా నవీన్ తో ఒక సినిమా చేయడానికి సైన్ చేసుకున్నాడంట. నవీన్ కోసం రెండు కథలు కూడా సిద్ధం చేసి ఉంచాడంట. ఈ రెండింటికి ఒకదానిని సెట్స్ పైకి తీసుకెళ్లే ఛాన్స్ అయితే ఉంది. అయితే నవీన్ ప్రస్తుతం యూఎస్ టూర్ లో ఉన్నారు.

అక్కడి నుంచి వచ్చిన తర్వాత దిల్ రాజు బ్యానర్ లో చేయబోయే సినిమా కథపై డిస్కషన్ ఉంటుందంట. దీంతో పాటుగా మరికొంత మంది దర్శక, నిర్మాతలు నవీన్ డేట్స్ కోసం వెయిట్ చేస్తున్నారు. మొత్తానికి జాతిరత్నాలు లాంటి బ్లాక్ బస్టర్ హిట్ ఇచ్చిన రాని క్రేజ్ నవీన్ కి మిస్ శెట్టి మిస్టర్ పొలిశెట్టి తర్వాత వచ్చిందని చెప్పొచ్చు. అనుష్క శెట్టి కూడా ఈ చిత్రంలో నటించడంతో టాలీవుడ్ స్టార్ హీరోలు అందరూ రియాక్ట్ అయ్యి మూవీకి పాజిటివ్ రివ్యూలు ఇచ్చారు.

ఇవన్నీ సినిమాకి అదనపు బూస్టింగ్ అయ్యాయి. అయితే మూవీని నిలబెట్టింది. ప్రేక్షకులకి రీచ్ చేసింది మాత్రం నవీన్ పొలిశెట్టి అని చెప్పాలి చిన్న హీరో అయిన ప్రమోషన్స్ గట్టిగా చేసి సినిమా గురించి ప్రజలు మాట్లాడుకునేలా చేశాడు. మొత్తానికి ఈ ప్రయత్నంలో సక్సెస్ అయ్యి సూపర్ హిట్ ని ఖాతాలో వేసుకున్నాడు. అందుకే దిల్ రాజు గత ఏడాది నుంచి అతని కోసం గట్టి ప్రయత్నం అయితే చేస్తున్నాడు.

ఇక అతని నెక్స్ట్ సినిమా ఎలా ఉండబోతోంది. ఎలాంటి కాన్సెప్ట్ తో ప్రేక్షకుల ముందుకి వచ్చే అవకాశం ఉందనేది ఇప్పుడు టాలీవుడ్ లో ఇంటరెస్టింగ్ గా మారింది. ఫ్యామిలీ ఆడియన్స్ కి నవీన్ పొలిశెట్టి తన ఎంటర్టైన్మెంట్ తో చేరువ కావడంతో నెక్స్ట్ కూడా అలాంటి `సింపుల్ అండ్ ఇంటరెస్టింగ్ కామిక్ స్టోరీని సెలక్ట్ చేసుకునే అవకాశం ఉంది.