ఇది న‌వీన్ పోలిశెట్టి సంచ‌ల‌న నిర్ణ‌యం!

'జాతిర‌త్నాలు' చిత్రంతో ఫేమ‌స్ అయిన జాతిర‌త్నం న‌వీన్ పొలిశెట్టి గురించి ప‌రిచ‌యం అవ‌స‌రం లేదు. ఎలాంటి బ్య్ గ్రౌండ్ లేకుండా ఎంట్రీ ఇచ్చిన న‌టుడు నేడు త‌న‌కంటూ ఓ ఐడెంటిటీని క్రియేట్ చేసుకున్నాడు. యూత్ లో మంచి ఫాలో యింగ్ న‌టుడిగా గుర్తింపు ద‌క్కించుకున్నాడు. ఇదంతా జాత‌రత్నాలు తెచ్చిన గుర్తింపనే చెప్పాలి. ఈ సినిమాకంటే ముందు 'లైఫ్ ఈజ్ బ్యూటీఫుల్' సినిమాలో చిన్న పాత్ర పోషించాడు.

'ఢీఫ‌ర్ దోపిడి'...'నేనొక్క‌డినే' లాంటి చిత్రాల్లోనూ క‌నిపించాడు. కానీ అవ‌న్నీ చిన్న పాత్ర‌లు కావ‌డంతో ఎవ‌రికీ పెద్ద‌గా తెలియ‌లేదు. అటుపై 'ఏజెంట్ సాయి శ్రీనివాస్ ఆత్రేయ‌'తో హీరోగా లాంచ్ అయ్యాడు.

ఆ సినిమాతో న‌టుడిగా ఓ గుర్తింపును తీసుకొచ్చింది. ఇప్పుడు ఏకంగా అనుష్మ‌తో నే రొమాన్స్ చేస్తున్నాడు. ప్ర‌స్తుతం వాళ్లిద్ద‌రి కాంబినేష‌న్ లో 'మిస్ శెట్టి మిస్టర్ పోలిశెట్టి' లో న‌టిస్తోన్న సంగ‌తి తెలిసిందే. ఇలా ఫేమ‌స్ అయిన న‌టుడు ఇండ‌స్ట్రీలో ఎంత బిజీగా ఉంటాడో చెప్పాల్సిన ప‌నిలేదు.

కానీ న‌వీన్ అంత బిజీగా లేడు. కెరీర్ న‌త్త‌న‌డ‌క‌నే సాగుతోంది. మ‌రి దీనికి కార‌కుడు ఎవ‌రు? అంటే న‌వీన్ అనే తెలుస్తోంది.'జాతిర‌త్నాలు త‌ర్వాత గ్యాప్ తీసుకున్నా అంటున్నారు. కానీ తీసుకోలేదు. వ‌చ్చింది అంతే. కోవిడ్ తో కొంత ఆల‌స్య‌మైంది. ఆ సమయంలో నేను కథలు వింటూ గడిపేశాను. మిస్ శెట్టి నా కెరీర్ లో పెద్ద సినిమా. నేను ఫస్టు టైమ్ అవుట్ డోర్ కి వెళ్లిన సినిమా ఇదే. ఇప్ప‌టివ‌ర‌కూ భీమ‌వ‌రం..సంగారెడ్డి అంటే లోక‌ల్ రోల్స్ చేసాను.

కానీ ఈసారి మారింది. ఈ సినిమాతో పాటు మ‌రో సినిమా చేసే వెసులు బాటు ఉంది. కానీ అలా చేయ‌ను. ఒక సినిమా ఒప్పుకుని ఆ పాత్ర పూర్త‌య్యే వ‌ర‌కూ అందులోనే ఉంటాను. త్వ‌ర‌గా ఆ పాత్ర నుంచి బ‌య‌ట‌కు రాలేను. అందువ‌ల్లే మ‌రో సినిమా చెయ్య‌లేదు. చెయ్య‌ను కూడా. ఇది నేను తీసుకున్న సంచ‌ల‌న నిర్ణ‌యం'అని అన్నాడు.