అందాల త్రిష‌-న‌య‌న్ మ‌ధ్య బిగ్ ఫైట్!

లేడీ సూప‌ర్ స్టార్ న‌య‌న‌తార‌కు పోటీగా అందాల త్రిష త‌యారైందా? న‌య‌న్ కి వ‌స్తోన్న అవ‌కాశాల్ని త్రిష త‌న్నుకుపోయేలా ముందుకు క‌దులుతుందా? అంటే అవున‌నే తెలుస్తోంది. ఇద్ద‌రి కెరీర్ దాదాపు ఒకేసారి ప్రారంభ‌మైంది. న‌య‌న్ కంటే త్రిష ఓ రెండేళ్లు సీనియ‌ర్. దీంతో కొన్నాళ్ల పాటు త్రిష కెరీర్ తిరిగి లేకుండా సాగిపోయింది. ఈ క్ర‌మంలో న‌య‌న్ కెరీర్ కాస్త స్లోగా సాగినా పుంజుకున్న త‌ర్వాత మాత్రం త్రిష‌ని సైతం ప‌క్క‌కు నెట్టేసి అవ‌కాశాలు అందుకుంది.

రెండేళ్ల క్రితం వ‌ర‌కూ న‌య‌న్ దూకుడే క‌నిపించింది. అయితే పొన్నియ‌న్ సెల్వ‌న్ త‌ర్వాత త్రిష మ‌ళ్లీ స్పీడ‌ప్ అయింది. అప్ప‌టి నుంచి కొత్త అవ‌కాశాలు జోరందుకున్నాయి. సీనియ‌ర్ హీరోలంద‌రికీ త్రిష ఆప్ష‌న్ గా మారింది. త‌మిళ్ తో పాటు తెలుగు అవ‌కాశాలు అందుకుంటుంది. కానీ న‌య‌న్ మాత్రం ప‌రిమితంగానే సినిమాలు చేస్తోంది. న‌య‌న్ ఇలా కావాల‌నే సినిమాలు చేస్తుంద‌ని..వ‌చ్చిన అవ‌కాశాలు తాను రిజెక్ట్ చేయ‌డం ఓ కార‌ణంగా వినిపిస్తుంది.

ఈ నేప‌థ్యంలో తాజాగా త్రిష‌- న‌య‌న్ మ‌ధ్య ఓ ప్రాజెక్ట్ విష‌యంలో ఇంట‌ర్న‌ల్ గా కోల్డ్ వార్ మొద‌లైందని కోలీవుడ్ లో మీడియాలో ప్ర‌చారం ఠారెత్తిపోతుంది. న‌య‌న‌తార‌కు రావాల్సిన ఛాన్స్ ని త్రిష త‌న్నుకుపోతుంద‌ని ప్ర‌చారం జ‌రుగుతోంది. వివ‌రాల్లోకి వెళ్తే. ఎన్ జె శ‌ర‌వ‌ణ‌న్-ఆర్ జే బాలాజీ సంయుక్తంగా న‌య‌న‌తార ప్ర‌ధాన పాత్ర‌లో `మూకుత్తి అమ్మ‌న్` అనే సినిమా తెర‌కెక్కించారు. నాలుగేళ్ల క్రితం రిలీజ్ అయిన సినిమా మంచి విజయం సాధించింది.

ఇప్పుడీ సినిమాకి సీక్వెల్ ని తెర‌పైకి తెస్తున్నారు. సినిమా బాధ్య‌త‌లు పూర్తిగా బాలాజీ తీసుకున్నాడు. అయితే ఇందులో న‌య‌న్ పాత్ర‌లో త్రిష‌ని తీసుకోవాల‌ని శ‌ర‌వ‌ణ‌న్ రిఫ‌ర్ చేస్తే....న‌య‌న్ మాత్రం త‌న‌కే ఆ ఛాన్స్ కావాలని బాలాజీ ముందుకు ప్ర‌పోజ‌ల్ తీసుకెళ్లింది. ఛాన్స్ కోసం న‌య‌న‌తార డైరెక్ట్ గా ఎంట‌ర్ అవ్వ‌డంతో త్రిష బాలాజీకి ట‌చ్ లోకి వెళ్లిందిట‌. అప్ప‌టివ‌ర‌కూ శ‌ర‌వ‌ణ‌న్ తో నే సంప్ర‌దింపులు జ‌రిపిన అమ్మ‌డు నేరుగా డైరెక్ట‌ర్ కి ట‌చ్ లోకి వెళ్ల‌డంతో ఇండ‌స్ట్రీలో త్రిష‌-న‌య‌న్ మ‌ధ్య కోల్డ్ మొద‌లైన‌ట్లుగా కోలీవుడ్ మీడియాలో ప్ర‌చారం ఊపందుకుంది.