ఎనిమిదేళ్ల తర్వాత మళ్లీ ఆ హిట్ పెయిర్..!

సినిమాకు కథ కథనాలు ఎంత ముఖ్యమో అందులో నటించే నటీనటులు కూడా అంతే ముఖ్యం. సరైన కాస్టింగ్ లేకపోతే మాత్రం మంచి కథ ఉన్నా కూడా అంతగా ఆకట్టుకోలేదు. అయితే సినిమా హిట్ పడితే అందులో నటించిన స్టార్ కాస్ట్ మీద సూపర్ క్రేజ్ ఏర్పడుతుంది. అలా స్టార్ హీరో స్టార్ హీరోయిన్ ఇద్దరి జోడీ అదిరిపోతుంది. అలాంటి సూపర్ హిట్ పెయిర్ లో ఒకటి విక్టరీ వెంకటేష్ అండ్ నయనతార. ఈ ఇద్దరు కలిసి నటించిన సినిమాలు సూపర్ హిట్ అయ్యాయి.

కోలీవుడ్ స్టార్ హీరోయిన్ నయనతార తెలుగులో కూడా అలరిస్తుంది. టాలీవుడ్ లో ఎక్కువగా సీనియర్ స్టార్స్ తో జత కట్టిన నయనతార వెంకటేష్ తో ఇప్పటివరకు 3 సినిమాల్లో నటించింది. వెంకటేష్ నయనతార కలిసి తులసి, లక్ష్మి, బాబు బంగారం సినిమాల్లో నటించింది. 3 సినిమాల్లో నటించి మూడు హిట్లు అందుకోవడంతో ఈ జోడీకి సూపర్ క్రేజ్ వచ్చింది.

ఇప్పుడు మళ్లీ నయనతార వెంకటేష్ కి జత కట్టబోతుందని తెలుస్తుంది. సైంధవ్ తర్వాత వెంకటేష్ చేయబోతున్న అనీల్ రావిపుడి సినిమాలో హీరోయిన్ గా నయనతారని ఫిక్స్ చేసినట్టు తెలుస్తుంది. దిల్ రాజు నిర్మిస్తున్న ఈ సినిమాలో హిట్ జోడీని రిపీట్ చేస్తున్నారు. ఆల్రెడీ అనీల్ రావిపుడితో F2, F3 సినిమాల్లో నటించిన వెంకటేష్ రెండు సినిమాలతో సూపర్ హిట్ అందుకున్నారు. ఇక ఇప్పుడు హ్యాట్రిక్ సినిమాగా ఈ ప్రాజెక్ట్ రాబోతుంది.

వెంకటేష్, నయనతార ఈ ఇద్దరు కలిసి నటిస్తే తెలుగు ఆడియన్స్ కి మరోసారి కన్నుల పండుగ అని చెప్పొచ్చు. పటాస్ నుంచి భగవంత్ కేసరి వరకు సక్సెస్ మేనియా కొనసాగిస్తున్న అనీల్ రావిపుడి మరోసారి వెంకీ సినిమాతో సత్తా చాటాలని చూస్తున్నాడు. సైంధవ్ తో నిరాశ పరిచిన వెంకటేష్ ఈసారి మాత్రం హిట్ టార్గెట్ పెట్టుకున్నాడు. అనీల్ ఎలాగు సక్సెస్ ఫాంలో ఉన్నాడు కాబట్టి ఈ కాంబోలో మరో హిట్ అందుకునే ఛాన్స్ ఉంది. 2016 లో బాబు బంగారం లో నటించిన వెంకటేష్ నయనతార మళ్లీ ఎనిమిదేళ్ల తర్వాత కలిసి నటిస్తున్నారు. అయితే ఈ సినిమా గురించి మరిన్ని అప్డేట్స్ త్వరలో రానున్నాయి.