భన్వర్ సింగ్.. ఆమె ఓ లీక్ ఇచ్చేసింది

ఐకాన్ స్టార్ అల్లు అర్జున్ మోస్ట్ అవైటెడ్ మూవీ ‘పుష్ప 2’ ట్రైలర్ తాజాగా రిలీజ్ అయ్యింది. దీనికి అద్భుతమైన స్పందన వస్తోంది. ‘పుష్ప 1’ లో సుకుమార్ ఫైర్ చూపిస్తే ఈ సారి ‘పుష్ప 2’ లో వైల్డ్ ఫైర్ ని తెరపై ఆవిష్కరించబోతున్నాడు. దానికి తగ్గట్లుగానే ట్రైలర్ కి అద్భుతమైన రెస్పాన్స్ వచ్చింది. 24 గంటల్లో అత్యధిక వ్యూవ్స్ సొంతం చేసుకున్న సౌత్ ఇండియా మూవీ ట్రైలర్ గా ఈ మూవీ రికార్డ్ క్రియేట్ చేసింది. ట్రైలర్ తో మొదలైన రికార్డుల వేట సినిమా రిలీజ్ తర్వాత కూడా కొనసాగుతుందని మేకర్స్ భావిస్తున్నారు.

ఇది 2000 కోట్ల బొమ్మ అంటూ ఫ్యాన్స్ సోషల్ మీడియాలో కామెంట్స్ చేస్తున్నారు. ఇదిలా ఇదిలా ఉంటే తాజాగా మలయాళీ హీరోయిన్ నజ్రియా నజీమ్ ‘పుష్ప 2’ గురించి ఆసక్తికర వ్యాఖ్యలు చేశారు. ఈ సినిమాలో ఫాహద్ ఫాజిల్ ప్రతినాయకుడిగా నటిస్తోన్న సంగతి తెలిసిందే. భన్వర్ సింగ్ సెఖావత్ పాత్రలో ఐపీఎస్ ఆఫీసర్ గా ఫాహద్ కనిపించబోతున్నాడు. ‘పుష్ప’ మూవీ ఎండింగ్ లో వచ్చిన ఈ క్యారెక్టర్ ‘పుష్ప 2’లో మెజారిటీగా ఉంటుందని గతంలోనే క్లారిటీ వచ్చింది.

ముఖ్యంగా పుష్పరాజ్, భన్వర్ సింగ్ మధ్యలోనే ఫైట్ ఉండబోతోంది. అయితే ఎంత వైల్డ్ గా ఉంటుందనేది ట్రైలర్ లో సుకుమార్ చూపించేసారు. ‘పుష్ప 2’ లో అసలైన ఫాఫాని చూస్తారంటూ నజ్రియా ఓ ఇంటర్వ్యూలో చెప్పింది. ఇందులో ఫాఫా షో ప్రతి ఒక్కరికి నచ్చుతుందని పేర్కొంది. ఒక అభిమానిగా చెబుతున్నాను. సినిమాలోని అతని నటనతో ప్రతి ఒక్కరిని ఆకట్టుకుంటాడు. ‘పుష్ప’ సినిమాలో అతని పాత్ర పరిచయం మాత్రమే ఉంది.

అయితే ‘పుష్ప 2’లో ఫాహద్ పెర్ఫార్మెన్స్ ఏంటనేది చూడబోతున్నారు అంటూ నజ్రియా తన భర్త గురించి గొప్పగా చెప్పుకొచ్చింది. సుకుమార్ లాంటి రైటర్ కి ఫాహద్ ఫాజిల్ లాంటి నటుడు దొరికితే అతని నుంచి బెస్ట్ లో బెస్ట్ రాబట్టుకుంటాడు. అందుకే ఈ సినిమాలో బన్నీ, ఫాహద్ ఫాజిల్ పోటీ పడి నటించి ఉండొచ్చని అనుకుంటున్నారు. వారి పెర్ఫార్మెన్స్ ని సిల్వర్ స్క్రీన్ పై ఆశ్వాదించడానికి ప్రేక్షకులు కూడా ఆసక్తిగా ఎదురుచూస్తున్నారు.

ఈ మూవీ అన్ని భాషలలో కూడా ఇంపాక్ట్ చూపించే అవకాశాలు ఉన్నాయి. తిరుపతి బ్యాక్ డ్రాప్ లో జరిగే కథ కాబట్టి కోలీవుడ్ ప్రేక్షకులు కూడా బాగానే రిసీవ్ చేసుకోవచ్చని అనుకుంటున్నారు. అన్ని భాషలలో సాలిడ్ పాజిటివ్ టాక్ తెచ్చుకొని కలెక్షన్స్ వర్షం కురిపిస్తే మాత్రం ఈ చిత్రం 2000 కోట్ల క్లబ్ లో చేరే అవకాశం ఉంటుందని ట్రేడ్ పండితులు అంటున్నారు.