బాబీ విత్ బాబీ.. ఫ్యాన్స్ కి క్రేజీ అప్డేట్..!

నందమూరి ఫ్యాన్స్ అందరికీ ఒక క్రేజీ అప్డేట్ ఇస్తూ డైరెక్టర్ కె ఎస్ బాబీ షేర్ చేసిన ఫోటో వైరల్ గా మారింది. నందమూరి బాలకృష్ణ హీరోగా బాబీ డైరెక్షన్ లో తెరకెక్కుతున్న NBK 109 షూటింగ్ శరవేగంగా జరుగుతుంది. సితార ఎంటర్టైన్మెంట్స్, ఫార్చ్యూన్ ఫోర్ మూవీస్ కలిసి నిర్మిస్తున్న ఈ సినిమా లో విలన్ గా బాలీవుడ్ స్టార్ బాబీ డియోల్ నటిస్తున్న విషయం తెలిసిందే. ఐతే ఈ సినిమా షూటింగ్ అప్డేట్ ఇచ్చిన డైరెక్టర్ బాబీ విలన్ బాబీ పోర్షన్ కంప్లీట్ అయిన విషయాన్ని వెల్లడించారు. బాబీ డియోల్ పోర్షన్ పూర్తైనట్లు ఆయన తన సోషల్ మీడియాలో బాబీ డియోల్ తో దిగిన ఫోటో షేర్ చేశారు.

ఐతే ఈ ఫోటో చూస్తే బాబీ విత్ బాబీ అంటే డైరెక్టర్ కె ఎస్ బాబీతో యాక్టర్ బాబీ డియోల్ ఉన్నారు. బాలీవుడ్ లో స్టార్ హీరోగా ఎన్నో ఏళ్లుగా సినిమాలు చేస్తున్న బాబీ డియోల్ ఈమధ్య కెరీర్ లో పూర్తిగా వెనక పడ్డాడు. ఐతే సందీప్ వంగ డైరెక్షన్ లో వచ్చిన యానిమల్ సినిమా అతన్ని తిరిగి ఫాం లోకి వచ్చేలా చేసింది. యానిమల్ హిట్ తో బాలీవుడ్ లోనే కాదు సౌత్ లో కూడా క్రేజీ ఆఫర్లు అందుకుంటున్నాడు బాబీ డియోల్.

ప్రస్తుతం బాలయ్య సినిమాలో ప్రతినాయకుడిగా నటిస్తున్న బాబీ డియో అటు కోలీవుడ్ లో భారీ ప్రాజెక్ట్ గా వస్తున్న కంగువలో కూడా విలన్ గా చేస్తున్నాడు. ఇది చాలదు అన్నట్టుగా ఎన్టీఆర్ దేవర సినిమాలో సెకండ్ విలన్ గా కూడా ఛాన్స్ అందుకున్నాడు. ఒక్క హిట్టు పడితే యాక్టర్స్ ఫేట్ మారుతుంది అంటే అవి ఒట్టి మాటలే అనుకుంటాం కానీ అసలు నిన్న మొన్నటిదాకా బాబీ డియోల్ ని పట్టించుకోని మేకర్స్ యానిమల్ లో అతని విలనిజం చూసి వరుస ఆఫర్లు ఇస్తున్నారు.

NBK 109లో కూడా బాలయ్యతో భారీ యాక్షన్ సీన్స్ ప్లాన్ చేస్తున్నాడట డైరెక్టర్ బాబీ. ఐతే సినిమా టైటిల్ గా వీర మాస్ అన్నది వినిపిస్తుంది. అఫీషియల్ టైటిల్ తో పాటు సినిమా రిలీజ్ ఎప్పుడన్నది కూడా త్వరలో క్లారిటీ వస్తుంది. నందమూరి ఫ్యాన్స్ మాత్రం ఈ సినిమాపై భారీ హోప్స్ పెట్టుకున్నారు. వాల్తేరు వీరయ్య తర్వాత బాబీ డైరెక్ట్ చేస్తున్న సినిమాగా NBK109 పై సూపర్ బజ్ ఏర్పడింది.