భ‌గ‌వంత్ కేస‌రి.. బాల‌య్య ఆడితే అది తీన్మారే

న‌ట‌సింహా నందమూరి బాలకృష్ణ 'అఖండ' చిత్రంతో అద్భుత విజ‌యం అందుకున్నారు. ఆ త‌ర్వాత వీర‌సింహారెడ్డి ఘ‌న‌విజ‌యం సాధించింది. ఇప్పుడు అత‌డు స్పీడ్ పెంచాడు. అంతేకాదు.. వ‌ర‌స విజ‌యాల‌పై క‌న్నేసిన బాల‌య్య 'భగవంత్ కేసరి'గా అల‌రించేందుకు అభిమానుల ముందుకొస్తున్నాడు. ఈ చిత్రంలో కాజల్ అగర్వాల్, శ్రీలీల, అర్జున్ రాంపాల్ ఇత‌ర తారాగ‌ణం. అనీల్ రావిపూడి ద‌ర్శ‌క‌త్వం వ‌హిస్తున్నారు. థ‌మ‌న్ సంగీతం అందించారు.

తాజాగా ఈ సినిమా నుంచి మొద‌టి సింగిల్ విడుద‌ల‌కు డేట్ ఫిక్స్ చేసామ‌ని చిత్ర‌బృందం ప్ర‌క‌టించింది. గ‌ణేష్ ఆంథ‌మ్ పేరుతో తొలి పాట‌ను సెప్టెంబర్ 1న ఆవిష్కరించనున్నారు. బాలకృష్ణ ఈ పోస్ట‌ర్ లో ఎంతో ఛామింగ్ లుక్ తో క‌నిపిస్తున్నారు. అంతేకాదు.. రంగురంగుల కుర్తాలో బాల‌య్య సంక్రాంతి అల్లుడిని త‌ల‌పిస్తున్నాడు. ఈ పోస్టర్‌లో జాయ్ ఫుల్ మూడ్‌లో ఎన్బీకే కనిపిస్తున్నాడు.

ఇది తీన్మార్ పాట అనేది ప్రత్యేకంగా చెప్పనవసరం లేదు. వినాయ‌క చ‌వితి సంద‌ర్భంగా వ‌చ్చే పాట ఇద‌ని అర్థ‌మ‌వుతోంది. బాల‌య్య మార్క్ డ్యాన్సుల‌తో ఈ పాట సినిమాకే హైలైట్ గా నిలుస్తుంద‌ని అర్థ‌మ‌వుతోంది.

షైన్ స్క్రీన్స్ బ్యానర్‌పై ఈ చిత్రం తెర‌కెక్కింది. అక్టోబర్ 19న సినిమా విడుదల కానుంది. ఎఫ్ 2 ఫ్రాంఛైజీతో బ్లాక్ బ‌స్ట‌ర్లు అందించిన అనీల్ రావిపూడి మ‌హేష్ తో స‌రిలేరు నీకెవ్వరు లాంటి హిట్ చిత్రాన్ని తెర‌కెక్కించారు. ఇప్పుడు బాల‌య్య‌ను భ‌గ‌వంత్ కేస‌రిగా ఆవిష్క‌రించ‌నున్నారు.