శ్రీలీల చుట్టూ తిరుగుతున్న రామ్..!

రామ్ పోతినేని, దర్శకుడు బోయపాటి శ్రీను కాంబినేషన్‌ లో సినిమా వస్తున్న విషయం తెలిసిందే. కాగా, ఈ సినిమా కి ఇప్పటి నుంచే మంచి బజ్ వచ్చింది. భారీ బడ్జెట్‌తో తెరకెక్కిన ఈ చిత్రానికి స్కంద అనే నామకరణం కూడా చేశారు. కాగా, ఇప్పుడు ఈ స్కంద మూవీ టీమ్ కూడా ప్రేక్షకులకు చేరువయ్యేందుకు కసరత్తులు మొదలుపెట్టింది. ఈ క్రమంలోనే ఈ మూవీ నుంచి ఓ పాట ను విడుదలను చేశారు.

నీ చుట్టూ చుట్టూ అంటూ సాగే పాట ప్రోమోని విడుదల చేయడానికి రెడీ అయ్యారు. ఇక పాటకు రామ్, శ్రీలీల డ్యాన్స్ ఇరగదీసినట్లు తెలుస్తోంది. మామూలుగానే రామ్ చాలా ఎనర్జిటిక్ గా డ్యాన్స్ చేస్తాడు. అలాంటి రామ్ కి జోడిగా శ్రీలీల కుదిరింది. ఇప్పుడున్న హీరోయిన్లలో డ్యాన్స్ అదరగొట్టేవారి లో శ్రీలీల పేరు ముందుగా వినపడుతుంది. అలాంటి ఈ ఇద్దరి డ్యాన్స్ కి మంచి పాట పడితే అదిరిపోవడం ఖాయం. ఇప్పుడు ఈ నీ చుట్టూ చుట్టూ పాట లో కనిపించే అవకాశం ఉంది.

ఈ పాట లిరికల్ వీడియోని ఆగస్టు 3వ తేదీన విడుదల చేయనున్నట్లు మూవీ టీమ్ పేర్కొంది. దీనికి సంబంధించిన పోస్టర్ కూడా విడుదల చేశారు. అందులో రామ్ చాలా స్టైల్ గా కనిపిస్తున్నాడు. ఇక రామ్ పక్కన శ్రీలీల చాలా అందంగా కనపడుతోంది. నిజానికి రామ్ పక్కన ఏ హీరోయిన్ అయినా తేలిపోయినట్లుగా అనిపిస్తుంది. కానీ, రామ్, శ్రీలీల పెయిర్ మాత్రం అదిరిపోయింది.

కాగా, ఈ సినిమా సెప్టెంబర్ 15న విడుదల కానుంది. మొదట ఈ మూవీ ని అక్టోబర్ లో విడుదల చేయాలని అనుకున్నారు. కానీ, ప్రీ పోన్ కావడం విశేషం. కామన్‌గా స్టార్ హీరోల సినిమాల కు సంబంధించి షూటింగ్స్ లేట్ వంటి కారణాల వల్ల రిలీజ్ డేట్ పోస్ట్‌పోన్ చేస్తారు. కానీ రామ్, బోయపాటి చిత్రం మాత్రం అనుకున్న తేదీ కంటే ముందే వస్తుండటంతో ఫ్యాన్స్ ఖుషీ అవుతున్నారు.

ఇదిలా ఉండగా, రామ్ చివరగా వారియర్ మూవీతో ప్రేక్షకుల ముందుకు వచ్చాడు. ఆ మూవీ డిజాస్టర్ గా మారింది. దీంతో, రామ్ ఆశలన్నీ ఈ మూవీపైనే ఉన్నాయి. మరి ఈ మూవీతో ఎంత వరకు ఆకట్టుకుంటాడో చూడాలి.