సాక్షి వైద్యతో వరుణ్ క్రేజీ కెమిస్ట్రీ..!

మెగా ప్రిన్స్ వరుణ్ తేజ్ చాలాకాలంగా హిట్ కోసం ఎదురుచూస్తున్నాడు. చివరగా ఎఫ్3 తో హిట్ కొట్టిన ఆయన వరసగా సినిమాలను లైన్ లో పెట్టాడు. ఇప్పటికే ప్రవీణ్ సత్తారు దర్శకత్వంలో గాండీవధారి అర్జున లో నటిస్తున్నారు. ఈ సినిమా ఆగస్టులో విడుదల కానుంది. ఈ మూవీలో వరుణ్ సరసన సాక్షి వైద్య నటిస్తున్నారు. ఆమెకు తెలుగులో ఇది రెండో సినిమా. మొదటి సినిమా అఖిల్ ఏజెంట్ లో మెరిసింది. ఆ సినిమా ప్లాప్ కావడంతో, ఈ బ్యూటీ కూడా ఈ సినిమాపైనే ఆశలు పెట్టుకుంది.

కాగా, తాజాగా ఈ మూవీ నుంచి ఓ రొమాంటిక్ సాంగ్ ని విడుదల చేశారు. నీ జతై అంటూ ఈ పాట సాగుతోంది. హీరో, హీరోయిన్ల మధ్య సాగే ఈ పాట చాలా రొమాంటిక్ గా ఉంది. వరుణ్, సాక్షిల మధ్య కెమిస్ట్రీ బాగా వర్కౌట్ అయ్యింది.

కాగా, ఈ సినిమాకి మిక్కీ జే మేయర్ సంగీతం అందించారు. ఇక ఈ మెలెడీ సాంగ్ ని ఎల్వ్యా, న‌కుల్ అభ‌యంక‌ర్ పాడారు. పాట విన సొంపుగా ఉందని, క‌చ్చితంగా ఈ సీజ‌న్‌లో ఇది ట్రెండింగ్ సాంగ్ అవుతుంద‌ని చిత్ర బృందం ధీమా వ్యక్తం చేస్తోంది.

ఇదిలా ఉండగా, ఈ సినిమాలో వరుణ్ ఏజెంట్ గా కనిపిస్తున్న విషయం తెలిసిందే. ఇక హీరోయిన్ క్యారెక్టర్ అందరినీ షాకింగ్ కి గురి చేస్తుందట. ఆమె కూడా ఓ స్పెషల్ అధికారిగా కనిపించనుందని సమాచారం. ఈ చిత్రాన్ని శ్రీ వెంకటేశ్వర సినీ చిత్ర బ్యానర్ పై ప్రముఖ నిర్మాత బి.వి.ఎస్. ప్రసాద్ నిర్మిస్తున్నారు.

ఇటీవల ఈ మూవీ నుంచి ఓ చిన్న వీడియో విడుదల చేశారు. దీంట్లో. హీరో ఇంట్రడక్షన్ ఇచ్చారు. వరుణ్ ఈ మూవీలో అర్జున్ వర్మగా కనిపించనున్నాడు. ఓ స్పై అధికారిగా కనిపించనున్నాడని ఈ వీడియో చూస్తుంటే తెలుస్తోంది. మొత్తం కథ ESSAY(elite security service Agecy)చుట్టూ తిరుగగుతుంది.

ఈ సినిమాను ప్రపంచవ్యాప్తంగా ఆగస్టు 25వ తేదీన విడుదల చేయనున్నారు. కాగా, యాక్షన్ సినిమాలను తెరకెక్కించడంలో ప్రవీణ్ సత్తారు కంటూ ఒక మార్క్ ఉంది. అందువలన సహజంగానే ఈ సినిమాపై అందరిలోను ఆసక్తి ఉంది. ఈ సినిమాతో వరుణ్ తేజ్ హిట్ కొడతాడేమో చూడాలి. ప్రవీణ్ సత్తారు కూడా ఈ హిట్ చాలా అవసరం.