ఫోటో స్టోరి: తెల్ల బికినీలో గాయ‌ని ధూమ్మ‌ఛాలే

ప్రముఖ గాయని, మాజీ రియాలిటీ షో స్టార్ నేహా భాసిన్ హిందీ- తెలుగు చిత్ర‌సీమ‌లో చార్ట్ టాపింగ్ హిట్ నంబ‌ర్ల‌ను అందించింది. ముఖ్యంగా హిందీ `బిగ్ బాస్ OTT`లో తన అద్భుత‌మైన వ్యక్తిత్వంతో నేహా అభిమానులను ఆకర్షిస్తూనే ఉంది. నేహా బోల్డ్ అండ్ గ్లామరస్ సోషల్ మీడియా ఫోటోషూట్ల గురించి అభిమానుల్లో నిరంత‌రం క్యూరియాసిటీ నెల‌కొంటుంది. నేహా ఇటీవల బికినీ ఫోటోల స్లైడ్‌షోతో అమాంతం హీట్‌ని పెంచింది. ఒక‌ర‌కంగా సోష‌ల్ మీడియాల్లో మంట‌లు పెట్టేస్తోంది ఈ బ్యూటీ. కొన్ని స్పెష‌ల్ ఫోటోషూట్ల‌తో ఇన్ స్టా మాధ్య‌మంలో భారీగా ఫాలోవ‌ర్స్ ని పెంచుకుంటోంది ఈ పాపుల‌ర్ గాయ‌ని.

ఆదివారం నాడు నేహా భాసిన్ టర్కీ వెకేష‌న్ నుండి అద్భుతమైన ఫోటోషూట్‌ని ఇన్‌స్టాలో షేర్ చేసింది. నేహా వైట్ అండ్ వైట్ బికినీలో దుమారం రేపింది. ఈ బ్యూటీ లుక్స్ నిర్మలంగా హృద‌యాల‌ను తాకుతున్నాయి. స‌ముద్ర‌పు నీళ్ల‌లో, రాళ్ల‌పైనా నేహా ఫోజులు సంథింగ్ హా*గా యువ‌త‌రంలో కిక్కు పెంచుతున్నాయి. ప్ర‌స్తుతం ఈ స్పెష‌ల్ ఫోటోషూట్ ఇంట‌ర్నెట్ లో వైర‌ల్ గా మారుతోంది. ఈ ఫోటోషూట్ కి అంద‌మైన క్యాప్ష‌న్ ని కూడా ఇచ్చింది నేహా. ``కొత్త రోజు కొత్త బీచ్: క్లియోపాత్రా కోవ్. ఇసుక గులకరాళ్లు, పాత రాళ్లు, గుహలతో నిండిన అందమైన బీచ్... స్థానికులు పగలు - రాత్రి క్యాంప్ చేయడానికి ఇక్కడకు వస్తారు. చల్లని నీటిలో ఈత కొడుతూ ఆనందిస్తారు. ట‌ర్కీలోని సెస్మే అల‌కాటిలో ఒక రత్నం ఉంది`` అని వ్యాఖ్య‌ను జోడించింది.

పాపుల‌ర్ `ఆల్-గర్ల్స్ పాప్ గ్రూప్ వివా`తో తన కెరీర్‌ను ప్రారంభించిన నేహా భాసిన్ హిందీ, తెలుగు, పంజాబీ సహా పలు భాషల్లో చార్ట్‌బస్టర్ పాట‌ల్ని ఆల‌పించింది. నేహా ఆల‌పించిన పాపుల‌ర్ ట్రాక్‌లలో మేరే బ్రదర్ కి దుల్హన్, చష్నీ (భారత్), జగ్ ఘూమేయా (సుల్తాన్) ధుంకీ ఉన్నాయి. బిగ్ బాస్ 15 మరియు 2021లో బిగ్ బాస్ OTTలో కూడా నేహా భాగమైంది. నేహా భాసిన్ పాట `ఊట్ పంతంగి`తో స్పాటిఫై ఆర్టిస్ట్‌గా ఎంపికైంది. టైమ్స్ స్క్వేర్ బిల్‌బోర్డ్ పైనా పాపుల‌ర్ స్టార్ గా అల‌రించింది.

ఆస‌క్తిక‌రంగా నేహా భాసిన్ ఒంపు సొంపుల గురించి మాట్లాడుతున్న ఇదే జ‌నం ఇంత‌కుముందు త‌న‌ను చాలా తీవ్రంగా ట్రోలింగ్ చేసారు. బాడీ షేమింగ్ కామెంట్ల‌తో అవ‌మాన‌ప‌రిచారు. ఇటీవ‌లి ఇంటర్వ్యూలో గాయని నేహా తన కెరీర్ ప్రారంభంలో బాడీ షేమ్ గురించి ఓపెనైంది. ఇంటర్వ్యూలో ఇలా చెప్పింది. ``నేను బాడీ పాజిటివిటీ గురించి మాట్లాడుతున్నాను.. ఎందుకంటే యువతులు బాడీ షేమింగ్‌ను ఎదుర్కోవడం నాకు ఇష్టం లేదు. నేను దానిని ఎదుర్కోవలసి వచ్చింది. అది నా జీవితాన్ని చాలా ప్రతికూలంగా ప్రభావితం చేసింది`` అని తెలిపింది.

నేహా ఇంతకుముందు బిగ్ బాస్ OTT సీజన్- 1లో కనిపించింది. సహ కంటెస్టెంట్ ప్రతీక్ సెహజ్‌పాల్‌తో నేహా కెమిస్ట్రీ గొప్ప చ‌ర్చ‌గా మారింది. నేహా తరచుగా వ్యాయామశాలలో శ్ర‌మించి ఈ కొత్త రూపాన్ని త‌యారు చేయ‌గ‌లిగాన‌ని తెలిపారు.

టాలీవుడ్ లో చార్ట్ బ‌స్ట‌ర్స్..

నేహా భాసిన్ తెలుగులోను అద్భుత‌మైన పాట‌ల్ని ఆల‌పించింది. 2009లో విడుద‌లైన క‌రెంట్ (సుశాంత్ హీరో) సినిమాలోని చార్ట్ బ‌స్ట‌ర్ సాంగ్ `అటు నువ్వే ఇటు నువ్వే` పాట‌ను నేహా ఆల‌పించింది. ఆవ్ తుజే మోగ్ కోర్తా అంటూ 1 నేనొక్క‌డినేలో ఒరిజిన‌ల్ సౌండ్ ట్రాక్ ని నేహా ఆల‌పించింది. 2011 లో విడుద‌లైన ఊస‌ర‌వెల్లిలో నిహారిక సాంగ్ ని నేహా పాడింది. జ‌న‌తా గ్యారేజ్ లో హిట్ ట్రాక్ యాపిల్ బ్యూటీని ఆల‌పించింది నేహా. జై ల‌వ కుశ లో స్వింగ్ జ‌ర‌.... డ్రీమ్ ల‌వర్ చిత్రంలో హెలో హెల్లో పాట‌ను నేహా భాసిన్ ఆల‌పించారు.