'టిల్లు స్క్వేర్‌' లో అందుకే లేను : నేహా శెట్టి రీజన్​ ఇదే

సాధారణంగా ఓ హిట్ సినిమాకు సీక్వెల్స్​ వస్తున్నాయంటే.. అందులో కూడా దాదాపుగా మొదటి భాగంలో ఉన్న నటీనటులే కనపడుతుంటారు. అనుకోను కారణాల వల్ల కొన్ని సందర్భాల్లో మాత్రమే కొత్త వాళ్లు కనిపిస్తుంటారు. బ్లాక్ బస్టర్ హిట్ 'డీజే టిల్లు' సీక్వెల్ 'టిల్లు స్క్వేర్'లో విషయంలో అదే జరిగింది. మొదటి భాగంలో తన యాక్టింగ్, గ్లామర్​తో ఫుల్ క్రేజ్​ సంపాదించున్న రాధిక పాత్ర పోషించిన హీరోయిన్ నేహాశెట్టి.. ఇప్పుడు సీక్వెల్​లో నటించట్లేదు. దీంతో అమె ఎందుకు లేదన్న ప్రశ్న చాలా మందిలో చాలా కాలం నుంచి అలానే ఉండిపోయింది. అయితే తాజాగా అందుకు గల కారణాన్ని తెలిపింది నేహా.

వివరాళ్లోకి వెళితే.. కన్నడ బ్యూటీ నేహా శెట్టికి కెరీర్​లో క్రేజ్​ రావడానికి చాలా కాలమే పట్టింది. తెలుగులో 2018లో మెహబూబ చిత్రంతో అరంగేట్రం ఇచ్చిన ఈ ముద్దుగుమ్మ.. దాదాపు నాలుగేళ్ల తర్వాత 'DJ టిల్లు' సూపర్ సక్సెస్‌ను అందుకుంది. ఈ చిత్రంలో రాధిక అనే నెగెటెవ్ షేడ్స్ ఉన్న బోల్డ్ పాత్రలో కనిపించింది. ఈ ముద్దుగుమ్మ బాడీ లాంగ్వేజ్, హాట్ లుక్స్, డైలాగ్స్, స్క్రీన్ ప్రెజెన్స్ అన్నీ బాగా క్లిక్ అయ్యాయి.

యూత్​లో ఆమెకు ఎనలేని క్రేజ్, గుర్తింపు వచ్చింది. రాధికగా కుర్రాళ్ల గుండెల్లో కొలువుదీరిపోయింది. దీంతో 'టిల్లు స్క్వేర్‌'లో కూడా ఆమెనె ఉంటుందని అంతా అనుకున్నారు. కానీ అలా జరగలేదు. ఆమె స్థానంలో అనుపమ పరమేశ్వరన్ ఉండటం అందర్నీ ఆశ్చర్యానికి గురి చేసింది.

అయితే తాజాగా ఓ ఇంటర్వ్యూలో పాల్గొన్న ఈ ముద్దుగుమ్మ ఈ విషయంపై మాట్లాడింది. 'టిల్లు స్క్వేర్' కొత్త కథతో రాబోతుందని, అది కొనసాగింపు కథ కాదని పేర్కొంది. అందుకే తాను ఈ సీక్వెల్​లో లేదని పేర్కొంది. "ఈ రోజుకి కూడా, చాలా మంది నాకు పాజిటివ్​గా కాస్త బోల్డ్​గా మెసేజ్​లు చేస్తుంటారు. సిద్ధు జొన్నలగడ్డను కలవమని లేదా DJ టిల్లు సీక్వెల్‌లో నటించమని అడుగుతుంటారు." అని నేహా శెట్టి పేర్కొంది. 'టిల్లు స్క్వేర్‌'లో ఏమైనా గెస్ట్ రోల్ చేస్తున్నారా అని అడిగిన ప్రశ్నకు కూడా ఆమె సమాధానం ఇచ్చింది. ఈ విషయానికి సమాధానం తెలుసుకోవడానికి కొంతకాలం వేచి ఉండాలని చెప్పింది.

కాగా, రీసెంట్​గా 'బెదురులంక 2012'తో విజయం అందుకుంది నేహా శెట్టి. మరో కొన్ని రోజుల్లో కిరణ్ అబ్బవరంతో కలిసి 'రూల్స్ రంజన్‌' చిత్రంతో థియేటర్లో సందడి చేయనుంది. అలాగే విశ్వక్ సేన్​ 'గ్యాంగ్స్ ఆఫ్ గోదావరి' చిత్రంలోనూ నటించింది. ఇది కూడా త్వరలోనే విడుదల కానుంది.