చిరు-నాగ్-అమితాబ్ ఇదొక్క‌టే పెండింగ్!
ముగ్గురు సూప‌ర్ స్టార్లు ఇలా ఒకే వేదిక‌ను పంచుకోవ‌డం అన్న‌ది ఇంత‌వ‌ర‌కూ ఎప్పుడూ చోటు చేసుకోలేదు.
By: Tupaki Desk | 30 Oct 2024 2:30 PM GMT
`ఏఎన్నార్` వేదిక‌పై అమితాబ‌చ్చ‌న్...చిరంజీవి-నాగార్జున‌ల‌కు ఒకే ప్రేమ్ లో చూసి అభిమానులెంతో సంబ‌ర‌ప‌డ్డారు. ఇది ఎంతో అరుదైన దృశ్యం. ముగ్గురు సూప‌ర్ స్టార్లు ఇలా ఒకే వేదిక‌ను పంచుకోవ‌డం అన్న‌ది ఇంత‌వ‌ర‌కూ ఎప్పుడూ చోటు చేసుకోలేదు. అందుకు అవ‌కాశం క‌ల్పించింది లెజెండ‌రీ న‌టుడు ఏఎన్నార్. ఆయ‌న అవార్డు కావ‌డంతోనే అమితాబ్ ముంబై నుంచి హైద‌రాబాద్ కి వ‌చ్చారు. చిరంజీవికి బ‌హుక‌రించారు.
దీంతో ఆ ముగ్గురు హీరోల అభిమానులు వాళ్ల‌ను అలా చూడ‌టానికి రెండు క‌ళ్లు స‌రిపోలేదు. నిజంగా మొన్న‌టి వేడుక‌ను చూడాలంటే? వేయి క‌ళ్లు అయినా స‌రిపోవేమో అనిపించింది. అక్క‌డ చోటు చేసుకున్న అరుదైన స‌న్నివేశాలు ప్రేక్ష‌కహృద‌యాల్లో ఎంతో బ‌లంగా పెన‌వేసుకుపోయాయి. తెలుగు సినిమా చ‌రిత్రలో ఇంత‌టి గొప్ప వేడుక మునుపెన్న‌డు జ‌ర‌గ‌లేదు. ఇంత‌వ‌ర‌కూ బాగానే ఉంది. మ‌రి ఆ ముగ్గురు హీరోల‌కి క‌లిసి న‌టించేది ఎప్పుడు? ఒకే ప్రేమ్ లో క‌నిపించేది ఎప్పుడు? అంటే అదొక్క‌టే పెండింగ్ అనాలి.
అమితాబ‌చ్చ‌న్, చిరంజీవి, నాగార్జున ఈ మగ్గురి కాంబినేష‌న్ లో ఓ అద్భుత‌మైన సినిమా పడితే ఎలా ఉంటుందని అభిమానులు అడుగుతున్నారు. ఇంత‌వ‌ర‌కూ చిరంజీవి-నాగార్జున కూడా క‌లిసి సినిమా చేయ‌లేదు. మంచి స్నేహితులైనా అదెందుకో సాధ్య‌ప‌డ‌లేదు. ఇక చిరంజీవి న‌టించిన సైరా న‌ర‌సింహారెడ్డిలో మాత్రం బిగ్ బీ చిరు గురువు పాత్ర‌లో మాత్ర‌మే న‌టించారు.
కానీ అది పుల్ లెంగ్త్ రోల్ కాదు. అమితాబ్ ఇమేజ్ కి అది స‌రిపోదు. చిరంజీవితో తెర‌ను పంచుకున్నారంటే అది అద్భుతం అవ్వాలి. సైరా లో ఆస్కోప్ లేదు. ప‌రిమిత రోల్ అది. మ‌రి చిరుకు ఏఎన్నార్ అవార్డు వ‌చ్చిన వేళ ఆ కాంబినేష‌న్ ని సెట్ చేయాల్సిన బాధ్య‌త కూడా ఆయ‌న‌పైనే ఉంది. ఆ విష‌యంలో చిరు ఏమాత్రం ఆలోచించ‌రు. స్నేహితుడు నాగ్, అన్న అమితాబ్ తో క‌లిసి న‌టించ‌డం అంటే అంత‌కు మించిన మ‌హా భాగ్యం ఏముం టుందంటారు.
