నవీన్ పొలిశెట్టికి మరో బంపరాఫర్!

టాలెంటెడ్ యువ హీరో నవీన్ పోలీస్ శెట్టి వరుస విజయాలతో దూసుకుపోతున్నాడు. మొదటి సినిమా ఏజెంట్ సాయి శ్రీనివాస ఆత్రేయ బాక్సాఫీస్ వద్ద మంచి సక్సెస్ అందుకోవడం ఆ తర్వాత జాతి రత్నాలు కూడా మరో బిగ్ హిట్ గా నిలవడంతో అతనికి ఇండస్ట్రీలో మంచి డిమాండ్ అయితే పెరిగింది. రీసెంట్గా వచ్చిన మిస్ శెట్టి మిస్టర్ పోలిశెట్టి కూడా మరో రేంజ్ లో సక్సెస్ అయింది.

దీంతో నవీన్ పోలీస్ శెట్టి ఇప్పుడు బడా నిర్మాతలకు కూడా ఫేవరెట్ హీరోగా మారిపోతున్నాడు. అయితే జాతి రత్నాలు సక్సెస్ కాగానే నవీన్ పోలిశెట్టికి ప్రముఖ నిర్మాతల నుంచి చాలా ఆఫర్లు అయితే వచ్చాయి. కానీ నవీన్ తొందరపడకుండా మంచి కంటెంట్ ఉన్న కథలను సెలెక్ట్ చేసుకోవాలని ఫిక్స్ అయ్యాడు. దిల్ రాజు ఎప్పటినుంచో అతని డేట్స్ కోసం ప్రయత్నం చేస్తున్నాడు.

అయితే కథ సెట్ కావ్వడానికి ఇంకా సమయం పట్టే అవకాశం ఉంది. ఇక ప్రస్తుతం అయితే అనగనగా ఒక రాజు అనే సినిమా నవీన్ చేస్తున్నాడు. కానీ ఈ సినిమా మధ్యలో ఆగిపోయింది అనే విధంగా కొన్ని గాసిప్స్ అయితే వస్తున్నాయి. కానీ ఇప్పటివరకు ఆ విషయంలో నవీన్ క్లారిటీ ఇవ్వలేదు.

అయితే ఇప్పుడు టాలీవుడ్ ఇండస్ట్రీలో ప్రస్తుతం బడా సినిమాలను నిర్మిస్తున్న మైత్రి మూవీ మేకర్స్ తో కూడా నవీన్ ఒక సినిమా చేయబోతున్నట్లుగా తెలుస్తోంది. రీసెంట్ గా నిర్మాతలు కూడా అతని ప్రత్యేకంగా కలిశారు. అందుకు సంబంధించిన ఫోటోలు కూడా సోషల్ మీడియాలో షేర్ చేసుకున్నారు. మిస్ శెట్టి మిస్టర్ పోలిశెట్టి సినిమా సక్సెస్ అయిన సందర్భంగా కంగ్రాట్స్ తెలియజేసిన నిర్మాతలు త్వరలోనే ఒక గుడ్ న్యూస్ చెప్పబోతున్నట్లుగా కూడా వివరణ ఇచ్చారు.

మైత్రి మూవీ మేకర్స్ లో నవీన్ ఒక డిఫరెంట్ సినిమా చేయబోతున్నట్లు తెలుస్తోంది. అయితే దర్శకుడు ఎవరు అనే విషయంలో మాత్రం ఇంకా క్లారిటీ రాలేదు. కానీ స్క్రిప్ట్ ఫిక్స్ అయినట్లుగా తెలుస్తోంది. ఈ సినిమాతో పాటు నవీన్ మరో రెండు కథలను కూడా ఓకే చేశాడు. వచ్చే ఎడాదే నవీన్ వరుసగా మూడు సినిమాలతో బిజీ కానున్నాడు. మరి నెక్స్ట్ సినిమా అతనికి ఎలాంటి ఫలితాన్ని ఇస్తుందో చూడాలి.