అమెరికా వీధుల్లో నిహారిక గ్లామర్ జోష్

మెగా స్టార్ చిరంజీవి ఫ్యామిలీ నుంచి ఇండస్ట్రీలోకి అడుగుపెట్టిన ఏకైక అమ్మాయి నిహారిక. మెగా ప్రిన్సెస్ అనే ట్యాగ్ లైన్ తో ఇండస్ట్రీలోకి అడుగుపెట్టింది. కానీ, తనకు నప్పే కథలను మాత్రమే ఎంచుకుంది. వెనక ఎంత మెగా సపోర్ట్ ఉన్నా, డైరెక్ట్ గా సినిమాల్లోకి వచ్చేయలేదు. ముందుగా యాంకరింగ్ తన కెరీర్ ని మొదలుపెట్టింది.

ఆ తర్వాతే సినిమాల్లో హీరోయిన్ గా చేసింది. అయితే, ఆమె చేసిన ఏ సినిమా పెద్దగా క్లిక్ కాలేదు. దీంతో, తనకు తానుగా సినిమాల నుంచి తప్పుకుంది. తర్వాత పెళ్లి చేసుకుంది. అయితే, కొంతకాలానికే విడాకులు తీసుకుంది. ఆ తర్వాత ఆమె మరింత ఎక్కువ లైఫ్ ని ఎంజాయ్ చేస్తోంది. నటిగా, ప్రొడ్యూసర్ గా తనను తాను ప్రూవ్ చేసుకోవడానికి ప్రయత్నిస్తూ ఉంటుంది.

ఇక, నిహారిక రీసెంట్ గా తన ఫ్యామిలీతో కలిసి ఆఫ్రికా ట్రిప్ కి వెళ్లింది. ఆ ఫోటోలు ఆమె స్వయంగా సోషల్ మీడియాలో షేర్ చేస్తూ ఉంటుంది. రీసెంట్ గా కూడా ఆమె సింగిల్ గా అమెరికా ట్రిప్ కి వెళ్లింది. ఆ ఫోటోలను తాజాగా సోషల్ మీడియాలో షేర్ చేసింది. అక్కడ అమెరికా రోడ్డులో ఎంజాయ్ చేస్తోంది. రెస్టారెంట్ కి వెళ్లి ఫుడ్ ఆస్వాదిస్తోంది.

డిఫరెంట్ డ్రెస్సుల్లో మెరిసింది, ఇప్పుడు ఆ ఫోటోలు నెట్టింట వైరల్ గా మారాయి. సూపర్ నిహారిక అంటూ నెటిజన్లు కామెంట్స్ చేస్తున్నారు. ఇదిలా ఉండగా, ఇటీవల డెడ్ పిక్సెల్స్ అనే వెబ్ సిరీస్ లో యాక్ట్ చేసింది. అందులోనూ బోల్డ్ డైలాగులు వాడి షాకిచ్చింది. వెబ్ సిరీస్ లో మాత్రమే కాదు, రియల్ లైఫ్ లోనూ నిహారిక బోల్డ్ గా మారిందనే వార్తలు వినపడుతున్నాయి.

ఇక, త్వరలోనే మెగా ఇంట పెళ్లి సంబరాలు జరగనున్నాయి. నిహారిక సోదరుడు వరుణ్ తేజ్, హీరోయిన్ లావణ్య త్రిపాఠిని పెళ్లి చేసుకోనున్నారు. ఈ పెళ్లి పనులను నిహారిక స్వయంగా చూసుకుంటుండటం విశేషం.