బిగ్ బాస్ 8 : టైటిల్ రేసుకి దూరంగా స్ట్రాంగ్ కంటెస్టెంట్..!

బిగ్ బాస్ సీజన్ 8 లో నిన్న మొన్నటి దాకా టైటిల్ రేసుకి దగ్గరగా దాదాపు అతనే టైటిల్ విన్నర్ గా అనిపించిన ఒక కంటెస్టెంట్ అనూహ్యంగా టైటిల్ రేసుకి దూరంగా వెళ్తున్నాడు. సీజన్ 8 లో వన్ ఆఫ్ ది స్ట్రాంగ్ కంటెస్టెంట్ గా ముందు నుంచి తన ఆటతో ప్రేక్షకులను అలరించిన ఆ కంటెస్టెంట్ కొద్ది వారాలుగా తన గ్రాఫ్ పడిపోయే ప్రవర్తిస్తున్నాడు. ఇంతకీ ఎవరా కంటెస్టెంట్ అంటే సీరియల్ యాక్టర్ నిఖిల్ అని తెలుస్తుంది.

బిగ్ బాస్ సీజన్ 8 లో మొదటి నుంచి నిఖిల్ అందరి కంటెస్టెంట్స్ కన్నా ముందు ఉంటూ వచ్చాడు. మొదటి వారం నుంచి నాలుగో వారం దాకా చీఫ్ గా ఉంటూ తన స్త్రెంగ్త్ ఏంటో చూపించాడు. ఐతే వైల్డ్ కార్డ్స్ వచ్చే వరకు టైటిల్ ఇక నిఖిల్ దే అన్నట్టుగా క్రేజ్ ఏర్పరచుకున్నాడు. అతను నామినేషన్స్ లో ఉంటే వచ్చే ఓటింగ్ పర్సెంటేజ్ కూడా భారీగా ఉంది.

ఐతే ఎప్పుడైతే వైల్డ్ కార్డ్స్ వచ్చారో అప్పటి నుంచి నిఖిల్ ఆట డౌన్ అవుతూ వచ్చింది. ముఖ్యంగా గౌతం తో నిఖిల్ ఫైట్ అన్ని విధాలుగా నిఖిల్ కి బ్యాడ్ అవుతూ వచ్చి గౌతం గ్రాఫ్ పెరిగేలా చేసింది. మణికంఠ ఎలిమినేషన్ టైం లో గౌతం కి లీస్ట్ ఓటింగ్ వచ్చింది. ఆ తర్వాత అనూహ్యంగా అతను బయట ఫాలోయింగ్ ఏర్పరచుకున్నాడు. ఇప్పుడు టైటిల్ రేసులో కూడా గౌతం ఉన్నాడంటే అతని ఆట ఎంతగా మారిందో అర్థం చేసుకోవచ్చు.

నిఖిల్ కాస్త వెనక్కి తగ్గడం గౌతం ని ప్రేరణ, యష్మి టార్గెట్ చేయడంతో అతనికి బయట క్రేజ్ ఏర్పడింది. ఇక మరోపక్క నిఖిల్ ఎప్పటిలానే ఒక క్లారిటీ లేకుండా ఎవరినీ నొప్పించకూడదు అనే ఆలోచనతో చిన్నగా టైటిల్ రేసు నుంచి దూరం అవుతూ ఉన్నాడు. బిగ్ బాస్ సీజన్ 8 ఇంకా నాలుగు వారాలు మాత్రమే ఉండగా ఈలోగా నిఖిల్ మళ్లీ తన ఆట మీద ఫోకస్ పెడతాడా లేదా అదే తరహాలో ఆడతాడా అన్నది చూడాలి. నిఖిల్ తో పాటుగా గౌతం, నబీల్, ప్రేరణ ప్రస్తుతానికి టాప్ 5కి వెళ్లే అవకాశం ఉందని చెప్పొచ్చు. ఐతే రాబోయే వారాల్లో ఏం జరుగుతుందో చూడాలి.

బిగ్ బాస్ సీజన్ 8 లో ఈ వారం నామినేషన్స్ ను ఎలిమినేటెడ్ కంటెస్టెంట్స్ తో చేయించారు బిగ్ బాస్. హౌస్ లోకి నామినేషన్స్ కోసం వచ్చిన సోనియా, మణికంఠ, బేబక్క కూడా నిఖిల్ ని నామినేట్ చేశారు. సో టైటిల్ విజేతగా ఇన్నాళ్లు చెప్పుకున్న నిఖిల్ ఇలా ఎలిమినేట్ అయిన కంటెస్టెంట్స్ చెప్పిన విషయాలను దృష్టిలో పెట్టుకుని తన ఆట సెట్ రైట్ చేసుకుంటాడా లేదా అన్నది చూడాలి.