ఈ క్రిస్మస్ మాదే: హీరో నితిన్

టాలీవుడ్ యంగ్ హీరో నితిన్.. రాబిన్ హుడ్ మూవీతో ప్రేక్షకుల ముందుకు వచ్చేందుకు రెడీ అవుతున్న విషయం తెలిసిందే. వెంకీ కుడుముల దర్శకత్వం వహిస్తున్న ఆ సినిమా డిసెంబర్ లో విడుదల కానుంది. ఇప్పటికే నితిన్, వెంకీ కుడుముల కాంబోలో వచ్చిన భీష్మ మూవీ సూపర్ హిట్ అవ్వడంతో.. రాబిన్ హుడ్ పై అంతా భారీ అంచనాలు పెట్టుకున్నారు.

అయితే మూవీ నుంచి మేకర్స్ ఇప్పటికే రిలీజ్ చేసిన టీజర్ మంచి రెస్పాన్స్ అందుకుంది. కంప్లీట్ యాక్షన్ కామెడీ ఎంటర్టైనర్ గా ఉండబోతున్నట్లు క్లారిటీ ఇచ్చేసింది. రీసెంట్ గా వచ్చిన ఫస్ట్ సింగిల్ కూడా అందరినీ ఆకట్టుకుంది. విజువల్స్ సినిమాపై క్యూరియాసిటీని పెంచేశాయి. దీంతో సినిమా నుంచి మరిన్ని అప్డేట్స్ కోసం వెయిట్ చేస్తున్నారు సినీ ప్రియులు.

అయితే ప్రమోషన్స్ లో భాగంగా తాజాగా మేకర్స్ ప్రెస్ మీట్ ను ఏర్పాటు చేశారు. ఆ కార్యక్రమానికి హీరో నితిన్, హీరోయిన్ శ్రీలీల సహా మూవీ టీమ్ కు చెందిన పలువురు హాజరయ్యారు. పలు విషయాలను పంచుకున్నారు. మీడియాతో చిట్ చాట్ కూడా నిర్వహించారు. ఆ సమయంలో శ్రీలీలతో కలిసి యాక్ట్ చేయడం చాలా ఆనందంగా ఉందని తెలిపారు నితిన్.

ఇప్పటికే నితిన్, శ్రీలీల ఎక్స్ ట్రా ఆర్డినరీ మూవీ కోసం స్క్రీన్ షేర్ చేసుకున్న విషయం తెలిసిందే. ఇప్పుడు మరోసారి రాబిన్ హుడ్ తో సందడి చేయనున్నారు. ఈ సినిమాతో శ్రీలీల, నాది హిట్‌ జోడీ అవుతుందని ధీమా వ్యక్తం చేశారు నితిన్. తన కెరీర్‌ లో ఇదే అత్యంత భారీ బడ్జెట్‌ మూవీ అని చెప్పారు. క్రిస్మస్‌ మాదేనని, మంచి హిట్ కొడుతామని నితిన్ చెప్పారు.

దీంతో ఆయన కామెంట్స్ సోషల్ మీడియాలో వైరల్ గా మారాయి. బాక్సాఫీస్ వద్ద మంచి హిట్ కొట్టేయ్ అన్న అంటూ నెటిజన్లు కామెంట్లు పెడుతున్నారు. నిజానికి నితిన్.. సరైన హిట్ కోసం ఎప్పటి నుంచో వెయిట్ చేస్తున్నారు. వరుస చిత్రాలు చేస్తున్నా.. కలిసి రావడం లేదు. ఇప్పుడు రాబిన్ హుడ్ తో కమ్ బ్యాక్ ఇవ్వాలని గట్టి పట్టుదలతో ఉన్నారు.

ఇక రాబిన్ హుడ్ మూవీ విషయానికొస్తే.. నితిన్, శ్రీలీలతోపాటు రాజేంద్రప్రసాద్, వెన్నెల కిషోర్ కీలక పాత్రలు పోషిస్తున్నారు. జీవీ ప్రకాష్ కుమార్ మ్యూజిక్ అందిస్తున్నారు. మైత్రీ మూవీ మేకర్స్ బ్యానర్ పై నవీన్ ఎర్నేని, రవిశంకర్ యలమంచిలి నిర్మిస్తున్నారు. మరి క్రిస్మస్ కానుకగా డిసెంబర్ 20వ తేదీన విడుదల కానున్న రాబిన్ హుడ్ ఎలా ఉంటుందో చూడాలి.