ఈసారి గట్టిగా గుద్దుతున్నాం.. నితిన్ ఎక్స్ ట్రా ఆర్డినరీ స్పీచ్..!
తన కెరీర్ లో ఇప్పటివరకు చేసిన పాత్రలో ఇది బెస్ట్ అని అన్నారు నితిన్. వక్కంతం వంశీ చాలా అద్భుతంగా తన క్యారెక్టరైజేషన్ రాశారని అన్నారు.
By: Tupaki Desk | 5 Dec 2023 3:50 AM GMT
నితిన్ శ్రీ లీల జంటగా వక్కంతం వంశీ దర్శకత్వంలో తెరకెక్కిన సినిమా ఎక్స్ ట్రా ఆర్డినరీ మ్యాన్. శ్రేష్ట్ మూవీస్ బ్యానర్ లో సుధాకర్ రెడ్డి నిర్మించిన ఈ సినిమాకు హారీష్ జయరాజ్ మ్యూజిక్ అందించారు. డిసెంబర్ 8న రిలీజ్ అవుతున్న ఈ సినిమా ప్రీ రిలీజ్ ఈవెంట్ సోమవారం సాయంత్రం నిర్వహించారు. చిత్ర యూనిట్ సమక్షంలోనే ఈ ఈవెంట్ జరిగింది. ఈవెంట్ లో భాగంగా నితిన్ తన ఎనర్జిటిక్ స్పీచ్ తో ఫ్యాన్స్ ని అలరించారు.
తన కెరీర్ లో ఇప్పటివరకు చేసిన పాత్రలో ఇది బెస్ట్ అని అన్నారు నితిన్. వక్కంతం వంశీ చాలా అద్భుతంగా తన క్యారెక్టరైజేషన్ రాశారని అన్నారు. సినిమాలో తన పాత్ర ప్రేక్షకులను అలరిస్తుందని అన్నారు. హీరోయిన్ శ్రీ లీల మిగతా సినిమాలతో ఎంత బిజీగా ఉన్నా ఈ సినిమాకు సపోర్ట్ చేసిందని అన్నారు. శ్రీలీల మల్టీ టాలెంటెడ్.. ఎక్స్ ట్రా ఆర్డినరీ మ్యాన్ నేనైతే.. తను ఎక్స్ ట్రా ఆర్డినరీ ఉమెన్ అని అన్నారు నితిన్.
సినిమాలో రాజశేఖర్ గారు కీలక పాత్ర చేశారని. ఆయన లేకుంటే ఈ సినిమా లేదు. తన తండ్రి రాజశేఖర్ గారి సినిమా డిస్ట్రిబ్యూట్ చేసి సక్సెస్ అయ్యారు. ఇప్పుడు ఆయన ఈ సినిమాకు సపోర్ట్ చేస్తున్నారని అన్నారు నితిన్. సినిమాలో నటించిన వారంతా కూడా తమ బెస్ట్ ఇచ్చారు. రావు రమేష్, రోహిణి ఇద్దరి పాత్రకు ప్రేక్షకులను ఆకట్టుకుంటాయని అన్నారు. సినిమాకు పనిచేసిన టెక్నికల్ టీం అంతా కూడా బాగా సపోర్ట్ చేశారని అన్నారు నితిన్.
సినిమా అంతా బాగా వచ్చిందని కచ్చితంగా తన ఫ్యాన్స్ అంతా కూడా కాలర్ ఎగరేసేలా సినిమా ఉంటుందని అన్నారు నితిన్. డిసెంబర్ 8న వస్తున్నాం ఈసారి గట్టిగా గుద్దుతున్నామని సూపర్ కాన్ఫిడెంట్ గా చెప్పారు నితిన్. చివర్లో సినిమాలోని మైసమ్మా డైలాగ్ తో తన స్పీచ్ ముగించారు నితిన్. ఎక్స్ ట్రా ఆర్డినరీ మ్యాన్ సినిమాలో నితిన్ జూనియర్ ఆర్టిస్ట్ పాత్రలో కనిపిస్తున్నారు. నితిన్ సినిమాలో ఉండాల్సిన ఫన్ ఎంటర్టైన్మెంట్ అంతా ఎక్స్ ట్రా ఆర్డినరీ మ్యాన్ లో ఉంటుందని అనిపిస్తుంది. సినిమా టీజర్, ట్రైలర్ ఆసక్తి పెంచగా మరి నితిన్ ఫ్యాన్స్ కి ఈ సినిమా ఏమేరకు మెప్పిస్తుందో చూడాలి.
