ఆ హీరో కథ అటు ఇటు తిరిగి నితిన్ వద్దకు..

యంగ్ హీరో నితిన్ ప్రస్తుతం వెంకి కుడుముల దర్శకత్వంలో రాబిన్ హుడ్ మూవీ చేస్తున్నారు. డిసెంబర్ 20న ఈ చిత్రం రిలీజ్ కాబోతోంది. అవుట్ అండ్ అవుట్ ఎంటర్టైనర్ గా ఈ చిత్రం తెరకెక్కుతోంది. దీంతో పాటు వేణు శ్రీరామ్ దర్శకత్వంలో నితిన్ తమ్ముడు మూవీ చేస్తున్నారు. దిల్ రాజు ఈ చిత్రాన్ని నిర్మిస్తున్నారు. 2025 ఆరంభంలో ఈ సినిమా రిలీజ్ అయ్యే అవకాశం ఉందంట.

దీని తర్వాత నితిన్ మూవీ ఎవరితో ఉంటుంది అనే విషయంలో రకరకాల పేర్లు ఇండస్ట్రీలో వినిపించాయి. బలగం సినిమాతో దర్శకుడిగా సూపర్ సక్సెస్ అందుకున్న కమెడియన్ వేణు తన సెకండ్ ప్రాజెక్ట్ కోసం హీరోల వేటలో ఉన్నారు. ఈ సినిమాని నితిన్ తో చేసే అవకాశం ఉందనే టాక్ వినిపిస్తోంది. నిజానికి ఈ ప్రాజెక్ట్ కోసం ముందుగా వేణు నాచురల్ స్టార్ నానిని కలిశారు.

నాని సరిపోదా శనివారం రిలీజ్ తర్వాత శ్రీకాంత్ ఓదేల దర్శకత్వంలో ఒక సినిమా చేయబోతున్నారు. అలాగే హిట్ 3 సినిమా స్క్రిప్ట్ వర్క్ జరుగుతోందంట. దీంతో పాటు సుజిత్ దర్శకత్వంలో ఒక మూవీ ఫిక్స్ అయ్యింది. ఈ చిత్రాలు అన్ని ఒకదాని తర్వాత ఒకటి చేసుకుంటూ వెళ్లాల్సి ఉంది. దీంతో డేట్స్ అడ్జస్ట్ చేయలేనని వేణుతో చేయాల్సిన సినిమాని నాని రిజక్ట్ చేశారు. నెక్స్ట్ విశ్వక్ సేన్ తో ఈ సినిమాని తెరకెక్కించాలని వేణు భావించారు.

అయితే విశ్వక్ సేన్ కూడా మెకానిక్ రాకీ తర్వాత మరో మూడు సినిమాలు బ్యాక్ టూ బ్యాక్ లైన్ లో పెట్టారు. వీటిని కంప్లీట్ చేసాక కృష్ణ చైతన్య దర్శకత్వంలో మరో సినిమా చేయాల్సి ఉందంట. వీటిని కంప్లీట్ చేస్తేగాని వేణుకి విశ్వక్ సేన్ డేట్స్ ఇవ్వలేని పరిస్థితి నెలకొంది. అయితే నితిన్ తమ్ముడు ఈ ఏడాదిలోనే పూర్తి కానుందని తెలుస్తోంది. తరువాత ఆయన చేతిలో పెద్ద ప్రాజెక్ట్స్ ఏవీ లేవు కాబట్టి బలగం వేణు చిత్రాన్ని స్టార్ట్ చేసే ఛాన్స్ ఉండనే మాట వినిపిస్తోంది.

ఈ సినిమాని కూడా దిల్ రాజు నిర్మించబోతున్నారని తెలుస్తోంది. అయితే వేణు ఈ సారి బలగం లాంటి కంటెంట్ బేస్డ్ మూవీ కాకుండా కమర్షియల్ యాక్షన్ జోనర్ లో కథని సిద్ధం చేసుకున్నారంట. నితిన్ కూడా మంచి యాక్షన్ కథలతో సక్సెస్ అందుకోవాలని అనుకుంటున్నాడు. ఇప్పటి వరకు అతనికి ఎంటర్టైన్మెంట్ కథల ద్వారానే సక్సెస్ వచ్చాయి. ఒక్క మాస్ బొమ్మ పడితే ఇమేజ్, మార్కెట్ కూడా పెరిగే ఛాన్స్ ఉందని నితిన్ భావిస్తున్నారని టాక్ వినిపిస్తోంది. అందుకే వేణు కథకి ఒకే చెప్పే ఛాన్స్ ఉందనే ప్రచారం నడుస్తోంది.