పవన్ గెలుపుపై హీరో నితిన్ సెన్షేషనల్ కామెంట్స్!

ఏపీలో సార్వత్రిక ఎన్నికల ఫలితాలు వెలువడుతున్న సంగతి తెలిసిందే. ఇందులో భాగంగా.. అత్యంత హాట్ టాపిక్ గా మారిన పిఠాపురం అసెంబ్లీ నియోజకవర్గం ఫలితాలు ఇప్పుడు వైరల్ గా మారాయి. ఇందులో భాగంగా... పిఠాపురంలో 11 రౌండ్లు ముగిసే సమయానికి 50,671 ఓట్ల ఆధిక్యంలో ఉన్నారు. దీంతో పిఠాపురంలో పవన్ గెలుపు పై క్లారిటీ వచ్చిన పరిస్థితి.

ఈ సమయంలో పలువురు సెలబ్రెటీలు పవన్ కల్యాణ్ గెలుపుపై హర్షం వ్యక్తం చేస్తున్నారు. ఇందులో భాగంగా... పవన్ కల్యాణ్ కు వీరాభిమాని అయిన హీరో నితిన్ కూడా పవన్ గెలుపుపై హర్షం వ్యక్తం చేశారు. ఇందులో భాగంగా... తన సంతోషాన్ని మాటల్లో చెప్పలేకపోతున్నట్లు తెలిపారు. ఈ సందర్భంగా పవన్ కు మరింత పవర్ లభించిందని వెల్లడించారు.

ఇందులో భాగంగా... ఈ ఎన్నికల్లో కూటమిని గెలిపించడం కోసం మీరు చేసిన కృ‌షికి నేను ఓ అభిమానిగా, సోదరుడిగా ఎంతో సంతోషిస్తున్నా.. నా సంతోషాన్ని మాటల్లో చెప్పలేకపోతున్నా.. ఈ విజయం కోసం మీరెంతో పోరాడారు.. ఈ విజయానికి మీరు అర్హులు.. మీరెప్పటికీ మా పవర్ స్టారే.. మీకిప్పుడు మరింత పవర్ లభించనుంది" అని ట్వీట్ చేశారు.

కాగా... ఏపీలో కూటమి ఏర్పాటుకు.. ఈ రోజు కూటమి ఈ స్థాయిలో విజయం సాధించడానికి పవన్ చేసిన కృషి ప్రత్యేకం అనే కామెంట్లు వినిపిస్తున్న సంగతి తెలిసిందే. ప్రధానంగా... ఈ కూటమి ఏర్పాటు కోసం తాను ఎన్నో ఇబ్బందులు పడినట్లు కూడా పవన్ కల్యాణ్ బహిరంగంగా పలుమార్లు ప్రకటించారు కూడా.

ప్రధానంగా ప్రభుత్వ వ్యతిరేక ఓటు చీల కూడదంటు పవన్ చేసిన అన్ని ప్రయత్నాలూ సక్సెస్ అయ్యాయనే చెప్పాలి. ఇదే సమయంలో పిఠాపురంలోనూ పవన్ కల్యాణ్ భారీ మెజారిటీ సాధించారు!!