శ్రీలీలతో నితిన్ పర్ఫెక్ట్ బ్లాస్ట్!
దర్శకుడు వక్కంతం వంశీ రచయితగా కిక్, రేసుగుర్రం, టెంపర్ లాంటి కథలతో ఇండస్ట్రీలో మంచి గుర్తింపు అందుకున్నాడు.
By: Tupaki Desk | 12 Nov 2023 6:39 AM GMT
దర్శకుడు వక్కంతం వంశీ రచయితగా కిక్, రేసుగుర్రం, టెంపర్ లాంటి కథలతో ఇండస్ట్రీలో మంచి గుర్తింపు అందుకున్నాడు. ఇక అతను దర్శకుడిగా చేసిన మొదటి సినిమా నా పేరు సూర్య అనుకున్నంత రేంజ్ లో ఆకట్టుకోలేదు. ఇక ఇప్పుడు అతను తెరకెక్కిస్తున్న ఎక్స్ట్రా ఆర్డినరీ సినిమాతో ఎలాగైనా మంచి సక్సెస్ అందుకోవాలని అనుకుంటున్నాడు. ఇక సినిమా టీజర్ కూడా ఇటీవల రిలీజైంది.
ఇందులో దర్శకుడు బాహుబలి మీమ్ను ఉపయోగించి ఓ సన్నివేశాన్ని క్రియేట్ చేసిన సీన్ బాగా హైలెట్ అవుతోంది. హీరో నితిన్ను జూనియర్ ఆర్టిస్ట్గా బాహుబలి దండాలయ్య సాంగ్లో ఉన్నట్లు కామెడీని క్రియేట్ చేశారు. గతంలో ఇలాంటి స్ఫూఫ్ మీమ్స్ చాలా వచ్చాయి. ఇక ఇప్పుడు అదే ఫార్మాట్ లో సినిమా కంటెంట్ కు హెల్ప్ అవుతోంది.
ఇక సినిమాకు సంబంధించిన పోస్టర్స్ అలాగే సాంగ్స్ కూడా మంచి హైప్ క్రియేట్ చేస్తున్నాయి. ఇప్పటికే విడుదలైన పోస్టర్స్ బాగా ఎట్రాక్ట్ చేశాయి. ఇక రెండు సాంగ్స్ కూడా హైలెట్ అయ్యాయి. సినిమాలో శ్రీలీల మెయిన్ హీరోయిన్ గా నటిస్తున్న విషయం తెలిసిందే. ఈ సినిమాలో కూడా ఆమె పాత్ర లుక్ అయితే బాక్స్ ఆఫీస్ వద్ద మరో సక్సెస్ వచ్చినట్లే.
ఇక నితిన్ కూడా ఈ సినిమాతో సక్సెస్ అందుకోవాలి అని చూస్తున్నాడు. దీపావళి సందర్భంగా ఎక్స్ ట్రా సినిమాకు సంబంధించిన ఒక పోస్టర్ విడుదల చేశారు. అందులో హీరోయిన్ శ్రీలీల హీరో నితిన్ ఇద్దరు కూడా చాలా స్టైలిష్ గా కనిపిస్తున్నారు. చూస్తుంటే ఈ స్టైల్ ఒక సాంగ్ లోది అని తెలుస్తుంది.
శ్రీలీల గ్లామర్ కూడా ఇందులో హైలెట్ అవుతూంది అని అనిపిస్తుంది. విరిద్దరి కలయికలో రాబోతున్న మొదటి సినిమా కాబట్టి ప్రేక్షకుల్లో అంచనాలు అయితే గట్టిగానే ఉన్నాయి. శ్రీలీల బ్యాక్ టు బ్యాక్ విజయాలతో తన క్రేజ్ పెంచుకుంటోంది. రీసెంట్ గా వచ్చిన భగవంత్ కేసరి సినిమా కూడా బాక్సాఫీస్ వద్ద నుంచి కలెక్షన్స్ రాబట్టింది. మరి ఆ సక్సెస్ సెంటిమెంట్ నితిన్ ఎక్స్ ట్రా సినిమాకు కలిసొస్తుందో లేదో చూడాలి. ఈ సినిమా డిసెంబర్ 8న విడుదల కాబోతోంది.
