పవన్ క్రేజ్ వాడకం.. నితిన్ ఏమన్నాడంటే..

నితిన్ హీరోగా వక్కంతం వంశీ దర్శకత్వంలో తెరకెక్కుతున్న తాజా చిత్రం 'ఎక్స్ ట్రా ఆర్డినరీ మ్యాన్'. ఇప్పటికే ప్రమోషనల్ కంటెంట్ తో ఈ మూవీ ఆడియన్స్ లో పాజిటివ్ బజ్ ని ఏర్పరచుకుంది. అటు మూవీ టీం కూడా వరుస ఇంటర్వ్యూలు ప్లాన్ చేస్తున్నారు. ఈ క్రమంలోనే హీరో నితిన్ తాజాగా ఓ ఇంటర్వ్యూలో సినిమాకు సంబంధించి పలు ఆసక్తికర విషయాలను వెల్లడించారు. ముఖ్యంగా సినిమాలో కొన్ని సన్నివేశాల్లో పవన్ కళ్యాణ్ ని అనుకరించడంపై ఇంట్రెస్టింగ్ కామెంట్స్ చేశాడు.

సినిమాలో తన క్యారెక్టర్ గురించి మాట్లాడుతూ.." సినిమాలో నేను జూనియర్ ఆర్టిస్ట్ రోల్ ప్లే చేశాను. కానీ ఇందులో రియల్ లైఫ్ సినిమా కష్టాలు ఏమి చూపించలేదు. డే వన్ నుంచి మా ఎజెండా ఒక్కటే ఆడియన్స్ ని ఎంటర్టైన్ చేయడం. ఈ సినిమా చూసి బాగా ఎంజాయ్ చేస్తారు" అంటూ చెప్పుకొచ్చాడు. అనంతరం మీ సినిమాల్లో పవన్ కళ్యాణ్ ని వాడుకుంటున్నారనే విమర్శల గురించి ఏమంటారు? అని అడిగితే..

" నేను పవన్ కళ్యాణ్ అభిమానిని ఆయన అభిమానిగా చెప్పుకోవడానికి ఎప్పుడూ వెనకాడలేదు. నేను ఆయన పేరుని వాడలేదు. నేను కావాలని నా సినిమాలో ఆయన పేరుని బలవంతంగా వాడలేదు. ఈ సినిమాలో కూలి గెటప్ లో ఓ సన్నివేశం ఉంది. అందుకే ఆయన స్టైల్ ని అనుకరించాల్సి వచ్చింది, తప్పితే మరో ఉద్దేశం లేదు" అని నితిన్ అన్నాడు.

తాను పవన్ కళ్యాణ్ ని వాడుకుంటున్నారని అవసరమైనప్పుడు ఆయనకు మద్దతు ఇవ్వడం లేదని అభిమానులు అడుగుతున్న ప్రశ్నకు కూడా నితిన్ సమాధానం ఇచ్చాడు. అలాగే నా పేరు సూర్య ఫెయిల్యూర్ తర్వాత కెరీర్ పరంగా బ్యాడ్ పేజ్ లో ఉన్న వక్కంతం వంశీకి ఛాన్స్ ఇవ్వడంపై, శ్రీలీలతో దీన్ని షేర్ చేసుకోవడం తదితర అంశాలపై తాజా ఇంటర్వ్యూలో ఆసక్తికర విషయాలు పంచుకున్నాడు నితిన్.

దీంతో నితిన్ చేసిన కామెంట్స్ నెట్టింట వైరల్ గా మారాయి. ఇక ఎక్స్ ట్రా ఆర్డినరీ మ్యాన్ సినిమా విషయానికొస్తే.. లాంగ్ గ్యాప్ తర్వాత వక్కంతం వంశీ తెరకెక్కించిన సినిమా ఇది. నితిన్ ఇందులో సరికొత్త మేకోవర్ లో కనిపించబోతున్నాడు. యంగ్ బ్యూటీ శ్రీలీలా హీరోయిన్ గా నటిస్తోంది. సీనియర్ హీరో రాజశేఖర్ కీలక పాత్ర పోషిస్తున్నారు. డిసెంబర్ 8న ఈ చిత్రం ప్రేక్షకుల ముందుకు రాబోతోంది.