నిత్యా అందుకే అలాంటివి చేస్తుందా..?

మలయాళ భామ నిత్యా మీనన్ ఈమధ్య సినిమాల్లో కనిపించడం మానేసింది. తెలుగు తమిళ భాషల్లో తన నటనతో ప్రేక్షకులను మెప్పిస్తూ వచ్చిన నిత్యా మీనన్ గ్లామర్ రోల్స్ కి దూరంగా ఉంటూ వచ్చింది. అయినా సరే నటనా ప్రాధాన్యత ఉన్న సినిమాలు చేస్తూ ప్రేక్షకులకు దగ్గరైంది. అయితే ఏమైందో ఏమో కానీ కొన్నాళ్లుగా నిత్యా మీనన్ కి సరైన అవకాశాలు రాలేదు. మహానటి సినిమా వదులుకున్నప్పటి నుంచి ఆమె మీద ఒకరమైన నెగిటివిటీ కూడా ఏర్పడింది.

బాలకృష్ణ కథానాయకుడు సినిమాలో నటించిన నిత్యా మీనన్ తెలుగులో సినిమాలు చేయలేదు కానీ తమిళంలో మాత్రం చేస్తూ వచ్చింది. ఈమధ్య సినిమాల కన్నా వెబ్ సీరీస్ ల మీద ఎక్కువ దృష్టి పెట్టింది నిత్యా మీనన్. రీసెంట్ గానే అమెజాన్ ప్రైమ్ లో కుమారి శ్రీమతి వెబ్ సీరీస్ చేసిన నిత్యా మీనన్ డిస్నీ హాట్ స్టార్ కోసం మాస్టర్ పీస్ అనే వెబ్ సీరీస్ లో నటించింది.

నిత్యా మీనన్ సినిమాలను వదిలి వెబ్ సీరీస్ లు చేయడానికి కారణాలు ఏంటన్నది తెలియాల్సి ఉంది. అయితే సినిమాలైతే కథ కథనాలు ఎలా ఉన్నా చేయాలి అవి చాలదు అన్నట్టు సాంగ్స్ కూడా ఉంటాయి. వీటికన్నా వెబ్ సీరీస్ లు చేస్తే పాత్ర ప్రాధాన్యత ఉన్న కథలే దొరుకుతాయని వెబ్ సీరీస్ లకే ఫిక్స్ అయ్యింది నిత్యా మీనన్.

సినిమా అయినా వెబ్ సీరీస్ అయినా తనకు ఇచ్చిన పాత్రకు పూర్తి స్థాయిలో న్యాయం చేసే నిత్యా మీనన్ కాస్త సిల్వర్ స్క్రీన్ ఆఫర్ల మీద కూడా ఫోకస్ చేస్తే బెటర్ అని భావిస్తున్నారు ఆమె ఫ్యాన్స్. తెలుగు తమిళ భాషల్లో నటిగా సూపర్ క్రేజ్ తెచ్చుకున్న నిత్యా మీనన్ ఇక మీదట సినిమాల్లో కూడా వరుసగా నటించాలని ఆడియన్స్ కోరుతున్నారు. మరి నిత్యా మీనన్ ఈ విషయంలో ఏం నిర్ణయించుకుంటుందో చూడాలి. ఒకవేళ సినిమాలు చేద్దామని ఉనా ఆమెకు తగిన పాత్రలు కథలు రాకనే నిత్యా మీనన్ సినిమాలు చేయట్లేదు అన్న టాక్ వినిపిస్తుంది.

అదే వెబ్ సీరీస్ లు అయితే ఆమె ఇమేజ్ కి తగిన కథలు వస్తాయని అవి చేస్తుంది. ఈమధ్య వచ్చిన కుమారి శ్రీమతి వెబ్ సీరీస్ మంచి రెస్పాన్స్ తెచ్చుకుంది.తెలుగులో నిత్యాకు సెపరేట్ ఫ్యాన్ బేస్ ఉంది. మళ్లీ అమ్మడు సరికొత్త పాత్రలతో వస్తే తప్పకుండా ఆమెను ఆదరించే అవకాశం ఉంది. లాస్ట్ ఇయర్ స్కై ల్యాబ్, భీమ్లా నాయక్ సినిమాల్లో నటించిన నిత్యా మీనన్ తెలుగులో అవకాశం వస్తే తప్పకుండా చేస్తానని అంటుంది.