నితిన్ 32 హడావుడి షురూ.. ఫస్ట్ లుక్ ఎప్పుడంటే..

యంగ్ హీరో నితిన్ ప్రస్తుతం వక్కంతం వంశీ దర్శకత్వంలో మూవీ చేస్తోన్న సంగతి తెలిసిందే. భారీ బడ్జెట్ తో తెరకెక్కుతోన్న ఈ మూవీ షూటింగ్ శరవేగంగా సాగుతోంది. సినిమా లో శ్రీలీల నితిన్ కి జోడీ గా నటిస్తోంది.ఈ చిత్రం లో నితిన్ సినిమా ఇండస్ట్రీలో జూనియర్ ఆర్టిస్ట్ పాత్రలో కనిపించబోతున్నట్లు తెలుస్తోంది. హీరోల కు డూప్ గా చేస్తూ లైఫ్ ని లీడ్ చేసే క్యారెక్టర్ గా ఉండబోతుందని టాక్.

ఈ సినిమా కోసం యంగ్ హీరో నితిన్ కంప్లీట్ గా డిఫరెంట్ లుక్ లోకి మారిపోయారు. మాసిన గడ్డంతో సినిమా లో కనిపించబోతున్నట్లుగా ఇండస్ట్రీ వర్గాల లో చెప్పుకుంటున్నారు. నా పేరు సూర్య మూవీ తర్వాత వక్కంతం వంశీ దర్శకుడుగా రాబోతున్న సినిమా ఇదే కావడంతో మూవీ పై ఎక్స్పెక్టేషన్స్ గట్టిగానే ఉన్నాయి.

ఈ సినిమా మెజారిటీ షూటింగ్ ఇప్పటికే కంప్లీట్ అయినట్లు తెలుస్తోంది. ఈ నేపథ్యంలో చిత్ర యూనిట్ సినిమా ఫస్ట్ లుక్ రిలీజ్ చేయడానికి సన్నాహాలు చేస్తోంది. నితిన్ కెరియర్ లోనే హైయెస్ట్ బడ్జెట్ తో ఈ మూవీ తెరకెక్కుతూ ఉండడం విశేషం. Nithin 32 వర్కింగ్ టైటిల్ తో తెరకెక్కుతోన్న ఈ చిత్రం పై నితిన్ చాలా హోప్స్ పెట్టుకున్నాడు.

జులై 23న ఫస్ట్ లుక్ పోస్టర్ ని రిలీజ్ చేయబోతున్నట్లు ప్రీ లుక్ పోస్టర్ ని కన్ఫర్మ్ చేశారు. ఈ పోస్టర్ లో వెనుక నుంచి నితిన్ నడుచుకుంటూ వెళ్తున్నాడు. కర్లింగ్ హెయిర్ స్టైల్ తో నితిన్ ఈ చిత్రం లో కనిపిస్తున్నాడని ఈ లుక్ బట్టి అర్ధమవుతోంది.

చివరిగా నితిన్ మాచర్ల నియోజకవర్గం మూవీతో ప్రేక్షకుల ముందుకి వచ్చారు. ఈ చిత్రం డిజాస్టర్ గా మారింది. నితిన్ ఖాతా లో ఈ మధ్య సరైన హిట్ లేదు. మరి Nithin 32తో కెరియర్ లో సాలిడ్ బ్లాక్ బస్టర్ కోడతాడేమో చూడాలి. ఇది కంప్లీట్ అయిన తర్వాత వెంకి కుడుముల దర్శకత్వం లో సినిమాని నితిన్ సెట్స్ పైకి తీసుకొని వెళ్లనున్నాడు. ఈ సినిమా లో కూడా శ్రీలీలనే హీరోయిన్ గా నటిన్చాబోతోంది.