ఎవరీ కుమారి శ్రీమతి?

సహజ నటి నిత్యా మీనన్ లీడ్ రోల్ లో వైజయంతి మూవీస్ బ్యానర్ లో వస్తున్న వెబ్ సీరీస్ కుమార్ శ్రీమతి. అవసరాల శ్రీనివాస్ డైరెక్షన్ లో తెరకెక్కిన ఈ వెబ్ సీరీస్ అమెజాన్ ప్రైమ్ లో సెప్టెంబర్ 28న రిలీజ్ అవుతుంది. కుమారి శ్రీమతి టైటిలే చాలా కొత్తగా ఉంది. ఇక నిమిషం కన్నా తక్కువ ఉన్న టీజర్ తో కుమారి క్యారెక్టర్ ఏంటన్నది చూపించారు దర్శక నిర్మాతలు. పెళ్లంటే అసలు ఇష్టం లేని ఒక అమ్మాయి కథతో కుమారి శ్రీమతి వస్తుంది.

ఈ సినిమాకు కథను బలబద్రపాత్రుని రమణి, మల్లిక్ రాం అందించగా రచనలో ఉదయ్, కౌశిక్ సుబ్రమణ్య, జయంత్ తడినాద, అవసరాల శ్రీనివాస్ భాగం అయ్యారు. తనకు ఇచ్చిన ఎలాంటి పాత్రనైనా న్యాచురల్ గా చేసి ప్రేక్షకులను మెప్పించే నిత్యా మీనన్ కుమారి శ్రీమతితో మరోసారి తన యాక్టింగ్ టాలెంట్ ని చూపించబోతుందని చెప్పొచ్చు.

వైజయంతి బ్యానర్ ఓ పక్క కల్కి అంటూ 500 కోట్లతో ప్రభాస్ సినిమా చేస్తూ మరోపక్క చిన్న సినిమాలు చేస్తున్నారు. కుమారి శ్రీమతి ఆ ప్రొడక్షన్ నుంచి వచ్చే స్మాల్ బడ్జెట్ వెబ్ సీరీస్ అని చెప్పొచ్చు. అభిరుచి గల ప్రేక్షకులు వారికి కావాల్సిన కంటెంట్ ఎక్కడ దొరికినా సరే వెళ్లి చూస్తున్నారు. ఈ క్రమంలో కుమారి శ్రీమతి ఇంట్రెస్టింగ్ గానే అనిపిస్తుంది. తన పెళ్లి గురించి అడిగిన ఓ వయసు పడిన మహిళకు నిత్యా ఇచ్చిన సమాధానమే ఈ సినిమాలో ఆమె పాత్ర ఎలా ఉంటుంది అన్నది తెలిసేలా చేస్తుంది.

వైజయంతి మూవీస్ సైలెంట్ గా ఎప్పుడు తీశారో ఏమో కానీ కుమారి శ్రీమతి టీజర్ మాత్రం ఇంప్రెస్ చేసింది. ముఖ్యంగా ఈమధ్య తెలుగు ఆడియన్స్ కు దూరం అవుతున్న నిత్యా మీనన్ కుమారి శ్రీమతితో దగ్గరయ్యే అవకాశం ఉందని చెప్పొచ్చు. కేవలం తెలుగులోనే కాదు సౌత్ అన్ని భాషల్లో ఈ కుమారి శ్రీమతి అందుబాటులో రానుంది. మరి సెప్టెంబర్ 28న వస్తున్న ఈ కుమారి ప్రేక్షకులను ఏమేరకు మెప్పిస్తుందో చూడాలి. వైజయంతి బ్యానర్ నుంచి వచ్చే వెబ్ సీరీస్ అంటే కచ్చితంగా ఆ ప్రొడక్షన్ రేంజ్ తెలిసేలా చేస్తుంది.

నిత్యా మీనన్ లాంటి నటితో డిఫరెంట్ అటెంప్ట్ గా చేస్తున్న ఈ ప్రయత్నం ప్రేక్షకులను మెప్పిస్తుందని యూనిట్ నమ్ముతున్నారు. కుమారి శ్రీమతి లో నిత్యా మీనన్ తో పాటుగా నిరుపం పరిటాల, తిరువీర్, గౌతమి కూడా నటిస్తున్నారు.