35...చక్కనైన చీరకట్టుతో నివేదా థామస్

తెలుగు సినిమాలలో గృహిణి పాత్రలలో ఒకప్పటి స్టార్ హీరోయిన్స్ అందరూ నటించి మెప్పించారు. ముఖ్యంగా మధ్య తరగతి గృహిణి పాత్రలు అంటే రమ్యకృష్ణ, సౌందర్య లాంటి హీరోయిన్స్ వెంటనే గుర్తుకొస్తారు. ఆ పాత్రలకి అద్భుతమైన పెర్ఫార్మెన్స్ తో ఈ స్టార్ హీరోయిన్స్ వన్నె తెచ్చారు. ఒకప్పుడు మన తెలుగు సినిమా కథలు కూడా మధ్యతరగతి కుటుంబాల నేపథ్యంలో ఉండేవి.

వాటికి తగ్గట్లుగానే ఆ పాత్రలకి ప్రాణం పొసే హీరోయిన్స్ ని దర్శకులు ఎంపిక చేసుకునేవారు. వీరి తర్వాత లయ గృహిణి పాత్రలలో నటించి మెప్పించి. ఆమె తర్వాత మధ్యతరగతి కుటుంబాల నేపథ్యంలో మన దర్శకులు సినిమాలు చేయడం పూర్తిగా తగ్గించేశారు. అందుకు తగ్గట్లుగానే హీరోయిన్స్ ఎవరు కూడా అలాంటి పాత్రలలో కనిపించలేదు. అయితే రానా దగ్గుబాటి నిర్మాతగా సురేష్ ప్రొడక్షన్స్ లో 35 అనే మూవీని నిర్మించారు.

ఈ చిత్రంలో మలయాళీ ముద్దుగుమ్మ నివేదా థామస్ అచ్చమైన తెలుగింటి మధ్యతరగతి గృహిణి క్యారెక్టర్ లో నటించింది. ఇప్పటికే ఈ మూవీ టీజర్ ప్రేక్షకుల ముందుకొచ్చి అందరికి కనెక్ట్ అయ్యింది. ఈ చిత్రంలో నివేదా థామస్ ఇద్దరు పిల్లల తల్లిగా నటించింది. పిల్లల చదువుల విషయంలో తల్లిదండ్రులు పడే ఇబ్బందులు, కుటుంబ బంధాలు, బాధ్యతలని ఈ సినిమాలో చక్కగా చూపించినట్లు కనిపిస్తోంది.

నందకిషోర్ దర్శకత్వంలో ఈ మూవీ తెరకెక్కింది. ఇదిలా ఉంటే ఇప్పటి వరకు మోడ్రన్ టచ్ ఉన్న అమ్మాయి పాత్రలలోనే నివేదా థామస్ చాలా సినిమాలలో కనిపించింది. అయితే మొదటి సారి సాధారణ మధ్యతరగతి గృహిణిగా సరస్వతి పాత్రలో ఆమె 35 చిత్రంలో కనిపిస్తోంది. చక్కనైన చీరకట్టుతో నిలువెత్తు తెలుగందంతో నివేదా థామస్ మెరిసిపోతోంది.

సరస్వతి క్యారెక్టర్ కి సంబందించిన ఇంటరెస్టింగ్ వీడియోని సరస్వతి నమస్తుభ్యం పేరుతో జులై 17న సాయంత్రం 4:35 గంటలకి రిలీజ్ చేస్తున్నట్లు పోస్టర్ రిలీజ్ చేశారు. ఈ పోస్టర్ లో నివేదా థామస్ చక్కని చిరునవ్వుతో కాటన్ సారీలో నిండుగా కనిపిస్తోంది. ఆమె లుక్ ఇట్టే ఎట్రాక్ట్ చేస్తోంది. అలాగే 35 సినిమాపై క్యూరియాసిటీ కూడా క్రియేట్ చేస్తుంది. మన జీవితాలకి దగ్గరగా ఉండే కథలకి ఆడియన్స్ ఎప్పుడూ కనెక్ట్ అవుతారు. నివేదా థామస్ బెస్ట్ పెర్ఫార్మెన్స్ 35 సినిమాలో కచ్చితంగా చూడొచ్చని మాట ఆమె ఫోటోలు, లుక్స్ చూస్తుంటే అర్ధమవుతోంది.