నితిన్ - పవన్.. ఇది నిజం కాదట

టాలీవుడ్ యువ హీరో నితిన్ నటుడిగా తనకంటూ ప్రత్యేకమైన క్రేజ్ తో సక్సెస్ ఫెయిల్యూర్ తో సంబంధం లేకుండా కొనసాగుతున్నాడు. ప్రస్తుతం డిఫరెంట్ కాన్సెప్టులతో సినిమాలు చేస్తున్న ఈ యువ హీరో స్ట్రాంగ్ హిట్ కొట్టాలని చూస్తున్నాడు. ప్రస్తుతం వేణు శ్రీరామ్ దర్శకత్వం లో, దిల్ రాజు నిర్మాణంలో ఒక సినిమా చేస్తున్నాడు. సిస్టర్ ఏమోషన్ తో తెరకెక్కుతున్న ఈ సినిమా టైటిల్ "తమ్ముడు". టైటిల్ తోనే మేకర్స్ మార్కెట్ లో మంచి బజ్ క్రియేట్ చేశారు.

ఈ చిత్రం లో ఒకప్పటి హీరోయిన్ లయ రీఎంట్రీ ఇస్తున్నారు. లయ పాత్ర మూవీలో చాలా ప్రాముఖ్యత కలిగి ఉంటుంది. ఆమె నితిన్ అక్క పాత్రలో కనిపించబోతోంది. "తమ్ముడు" సినిమా 2024 ఆరంభంలో విడుదల కానుందని తెలుస్తోంది. అయితే ఈ సినిమాకు సంబంధించిన న్యూస్ లీక్ అయ్యింది అంటూ ఇటీవల కొన్ని గాసిప్స్ వైరల్ అయ్యాయి. ముఖ్యంగా సినిమాలో పవన్ కళ్యాణ్ ఫ్యాన్స్ కు సర్ ప్రైజ్ ఇవ్వనున్నట్లు కామెంట్స్ వచ్చాయి.

ప్రస్తుతం ఈ సినిమా షూటింగ్ దశలో ఉంది. ఇక పవన్ కళ్యాణ్ సినిమాలోని ఒక సూపర్ హిట్ సాంగ్ ను రీమిక్స్ చేయాలని నితిన్ భావిస్తున్నారని.. ఒక సెన్సేషన్ క్రియేట్ చేసే అవకాశం ఉందని కథనాలు వెలువడ్డాయి. అయితే అందులో ఎలాంటి నిజం లేదట. పూర్తి స్థాయిలో సరికొత్త ఆల్బమ్ తోనే మేకర్స్ ప్రేక్షకుల ముందుకు రానున్నట్లు తెలుస్తోంది.

నీతిన్ కు పవన్ కళ్యాణ్ అంటే ఇష్టమే కానీ ప్రస్తుత సినిమాల్లో ఇలాంటి ఆలోచనల్లో లేరని ఫిల్మ్ సర్కిల్ లో వినిపిస్తున్న మాట. ఇక నితిన్ తదుపరి సినిమాల లైనప్ చాలా డిఫరెంట్ ఉండబోతోందని తెలుస్తోంది. డిఫరెంట్ కాన్సెప్ట్ లో "రాబిన్ హుడ్" కూడా చేస్తున్నాడు. ఈ చిత్రం వెంకి కుడుముల దర్శకత్వం లో తెరకెక్కుతోంది. ఈ మూవీ షూటింగ్ దశలో ఉంది, డిసెంబర్ 20న "రాబిన్ హుడ్" సినిమాను రిలీజ్ చేయనున్నారు.

నితిన్, పవన్ కళ్యాణ్ అభిమానిగా ఉన్న విషయం అందరికీ తెలిసిందే. ఆయన సినిమాలలో పవన్ కళ్యాణ్ ను అనుకరిస్తూ, ఆయా సాంగ్స్ లో పవన్ కళ్యాణ్ వేసిన కాస్ట్యూమ్స్ కూడా ఉపయోగించాడు. ఇప్పుడు చేస్తున్న సినిమాల్లో మాత్రం అలాంటివి పెద్దగా ఉండకపోవచ్చు అని తెలుస్తోంది. ఇక నితిన్ విక్రమ్ కె కుమార్ దర్శకత్వంలో కూడా ఒక సినిమా చేసేందుకు అడుగులు వేస్తున్నాడు.