మ‌రో సూప‌ర్ స్టార్ తో న‌మ్ర‌త ఇలా!

సూప‌ర్ స్టార్ మ‌హేష్ స‌తీమ‌ణి న‌మ్ర‌తా శిరోద్క‌ర్ సోష‌ల్ మీడియా యాక్టివిటీ గురించి చెప్పాల్సిన ప‌నిలేదు. నెట్టింట య‌మా యాక్టివ్ గా ఉంటారు. మ‌హేష్ అప్ డేట్స్ తో పాటు గౌత‌మ్, సితార‌ల‌కు సంబంధించి ప్ర‌తీ విష‌యం చెబుతుంటారు. ఇక వెకేష‌న్ల‌కు వెళ్తే అక్క‌డ మూవ్ మెంట్స్ అన్నింటిని ఫోటోల రూపంలో అభిమానుల‌కు చేర వేస్తుంటారు. ఆమె బ‌య‌ట వ్య‌క్తుల‌తో ఫోటోలు పంచుకోవ‌డం అన్న‌ది చాలా రేర్.

త‌న‌కి బాగా స‌న్నిహితులు అయితే త‌ప్ప ఫోటోలు దిగ‌రు. మ‌హేష్ తో వివాహ‌మైన త‌ర్వాత పూర్తిగా అలాంటి వాటికి దూరంగా ఉన్నారు. అయితే తాజాగా ఓ సూప‌ర్ స్టార్ క‌లిసానంటూ మ‌రో ఫోటో పంచుకున్నారు. అతను మరెవరో కాదు టెన్నిస్ దిగ్గజం నొవాక్ జకోవిచ్. యుఎస్ ఓపెన్ మ్యాచ్‌కు వెళ్లిన సమయంలో స్టార్ టెన్నిస్ క్రీడాకారుడిని న‌మ్ర‌త‌ కలుసుకున్నారు. ఆ సంద‌ర్భంగానే నోవాక్ తో ఇలా ఫోటో పంచుకున్నారు.

ఇటీవ‌ల‌ పారిస్ ఒలింపిక్స్‌లో నోవాక్ బంగారు పతకాన్ని గెలుచుకున్న సంగ‌తి తెలిసిందే. కానీ నోవాక్ యూఎస్ ఓపెన్‌లో మాత్రం ముందుగానే నిష్క్రమించాడు. అత్యధిక గ్రాండ్ స్లామ్ సాధించిన విజేత గురించి ఇలా రాసుకొచ్చారు. `మరో సూపర్ స్టార్‌ని కలవడం ఆనందంగా ఉంది. ఇది గొప్ప గౌరవం` అని అన్నారు. ప్ర‌స్తుతం ఈ ఫోటో నెట్టింట వైర‌ల్ గా మారింది. లెజెండ‌రీ స్పోర్స్ట్ ప‌ర్స‌న్ తో న‌మ్ర‌త‌ని ఇలా చూడ‌టం సంతోషంగా ఉంద‌ని అభిమానులు పోస్టులు పెడుతున్నారు.

మ‌రి ఈ పిక్ పై మ‌హేష్ ఎలా స్పందిస్తారో చూడాలి. ప్ర‌స్తుతం మ‌హేష్ ...రాజ‌మౌళి సినిమా ప‌నుల్లో బిజీ అయిన సంగ‌తి తెలిసిందే. కొన్ని నెల‌లుగా న్యూ లుక్ కోసం తీవ్ర‌మైన క‌స‌ర‌త్తులు చేస్తున్నారు. ఇప్ప‌టికే లాంగ్ హెయిర్ స్టైల్ లుక్ లో ఆక‌ట్టుకుంటోన్న సంగ‌తి తెలిసిందే.