పుష్ప 2కి కాంతార టచ్..!

డిసెంబర్ 5న రిలీజ్ అవబోతున్న పుష్ప 2 సినిమాను అనుకున్న టైం కు తీసుకొచ్చే క్రమంలో సుకుమార్ అండ్ టీం డే అండ్ నైట్ వర్క్ చేస్తున్నారు. సినిమాను పూర్తి చేసే క్రమంలో ఉండటం వల్లే సుకుమార్ ట్రైలర్ రిలీజ్ ఈవెంట్ కు పాట్నా కూడా రాలేదు. పుష్ప 2 సినిమాపై ఆడియన్స్ లో ఉన్న అంచనాలు ఎలాంటివి అన్నది ట్రైలర్ ఈవెంట్ కి వచ్చిన ప్రేక్షకులను బట్టి అర్థం చేసుకోవచ్చు. అందుకే అంచనాలకు ఏమాత్రం తగ్గకూడదని ఈ సినిమా బిజిఎం కు దేవి శ్రీ ప్రసాద్ కాకుండా మరో ముగ్గురు మ్యూజిక్ డైరెక్టర్స్ ని తీసుకుంటున్నాడు.

ఇప్పటికే థమన్ పుష్ప 2 కోసం తన 2 రీల్స్ కంపోజిషన్ పూర్తి చేయగా మరో ఇద్దరు మ్యూజిక్ డైరెక్టర్స్ అజనీష్ లోక్ నాథ్, సామ్ సిఎస్ ఇద్దరు కూడా పుష్ప 2 బిజిఎం కు తమ వర్క్ ఇచ్చారు. ఐతే పుష్ప 2 సినిమాకు కాంతార మ్యూజిక్ డైరెక్టర్ అజనీష్ వర్క్ చేయడం పట్ల ఫ్యాన్స్ సూపర్ హ్యాపీగా ఉన్నారు. కాంతార తర్వాత తెలుగులో అజనీష్ అజయ్ భూపతితో మంగళవారం సినిమాకు మ్యూజిక్ అందించాడు. ఆ సినిమా మ్యూజిక్ పరంగా అదరగొట్టేసింది.

ఇప్పుడు పుష్ప 2 కి అజనీష్ పనిచేస్తున్నాడు. ఐతే పుష్ప 2 లో కూడా కాంతారా తరహాలో పూనకాలు వచ్చే సీన్స్ ఉన్నాయి. బహుశా సుకుమార్ ఆ ఎపిసోడ్ కి అజనీష్ ని వాడి ఉంటాడని అంటున్నారు. పుష్ప 2 వచ్చాక ఆ బిజిఎం చూసి ఏ ఎపిసోడ్ కు ఎవరు మ్యూజిక్ ఇచ్చారో కనుక్కోవడం ఆడియన్స్ కు పెద్ద టాస్క్ అవుతుంది. ఏది ఏమైనా కాంతారాలో తన మిస్టీరియస్ మ్యూజిక్ తో సినిమాకు బాగా హెల్ప్ అయిన అజనీష్ పుష్ప 2 కి ఎలాంటి మ్యూజిక్ ఇస్తాడన్నది ఆసక్తికరంగా మారింది.

సుకుమార్ కూడా మేజర్ పోర్షన్ అంతా దేవితో చేయించి మిగిలిన కొన్ని ఎపిసోడ్స్ ను థమన్, అజనీష్, సామ్ సిఎస్ లకు ఇచ్చినట్టు తెలుస్తుంది. అందుకే పుష్ప 2 కథ, కథనాలతో పాటు మ్యూజిక్ పరంగా కూడా నెక్స్ట్ లెవెల్ క్రేజ్ తెచ్చుకునేలా ఉందనిపిస్తుంది. మరి పుష్ప 2 ఈ మూమెంట్ ఎలా ఉండబోతుందో చూడాలి. పుష్ప 2 విషయంలో అల్లు ఫ్యాన్స్ మాత్రం సూపర్ హ్యాపీగా ఉన్నారు. సినిమా పై ఉన్న అంచనాలకు తగినట్టుగానే ట్రైలర్ ఉండగా సినిమా తో బాక్సాఫీస్ ని షేక్ చేసేందుకు సిద్ధమన్నట్టుగా ఫిక్స్ అయ్యారు.