క్లిక్‌ క్లిక్‌ : ఎన్టీఆర్ కలర్‌ ఫుల్‌ దీపావళి సెలబ్రేషన్స్‌
ఎన్టీఆర్ దీపావళి పండుగను ఫ్యామిలీ అండ్ ఫ్రెండ్స్ తో కలిసి జరుపుకున్నారు. సింపుల్ బ్లాక్‌ డ్రెస్‌లో ఎన్టీఆర్ కనిపించారు. ప్రణతి సైతం సింపుల్ అండ్ స్వీట్గా కనిపించారు.
By: Tupaki Desk | 1 Nov 2024 5:38 AM GMT
టాలీవుడ్‌ సెలబ్రిటీలు పండుగలను ప్రధానంగా జరుపుకుంటూ ఉంటారు. వారి సినిమాలకు సంబంధించిన అప్డేట్స్ ఏమైనా ఉంటే పండుగ కానుకగా ఇచ్చేందుకు ఆసక్తి చూపిస్తారు. కొందరు సినిమా అప్డేట్స్ ఇవ్వకున్నా తమ ఫ్యామిలీ మెంబర్స్‌తో ఎలా పండుగ జరుపుకున్నారనే విషయాన్ని తెలియజేస్తూ సోషల్‌ మీడియా ద్వారా ఫోటోలను షేర్‌ చేయడం మనం చూస్తూ ఉంటాం. పలువురు టాలీవుడ్‌ స్టార్‌ హీరోలు, హీరోయిన్స్‌, తెలుగు సినిమాకు చెందిన ఇతరులు సైతం సోషల్‌ మీడియా ద్వారా తమ పండుగ వేడుకకు సంబంధించిన ఫోటోలను షేర్‌ చేయడం జరిగింది. ఎన్టీఆర్ దంపతులు సైతం దీపావళి పండుగను ఆనందంగా సన్నిహితులతో కలర్‌ఫుల్‌గా జరుపుకున్నారు.
ఎన్టీఆర్ దీపావళి పండుగను ఫ్యామిలీ అండ్ ఫ్రెండ్స్ తో కలిసి జరుపుకున్నారు. సింపుల్ బ్లాక్‌ డ్రెస్‌లో ఎన్టీఆర్ కనిపించారు. ప్రణతి సైతం సింపుల్ అండ్ స్వీట్గా కనిపించారు. వీరిద్దరితో పాటు డిజైనర్‌ శిల్ప ఇంకా ఇతర ఫ్యామిలీ మెంబర్స్ అండ్ ఫ్రెండ్స్ తో ఉన్న ఫోటోలు సోషల్‌ మీడియాలో వైరల్‌ అవుతున్నాయి. ఎన్టీఆర్ మొన్నటి వరకు వార్‌ 2 షూటింగ్‌ తో బిజీగా ఉన్నారు. అయినా దీపావళి పండుగ సందర్భంగా ఫ్యామిలీ అండ్ ఫ్రెండ్స్ కి టైమ్‌ స్పెండ్‌ చేయడం జరిగింది. శిల్ప సోషల్‌ మీడియా ద్వారా పంచుకున్న ఈ ఫోటోలు నెట్టింట అందరి దృష్టిని ఆకర్షిస్తున్నాయి.
ఎన్టీఆర్ సినిమాల విషయానికి వస్తే ఆర్‌ఆర్‌ఆర్‌ తర్వాత భారీ అంచనాల నడుమ రూపొందిన దేవర సినిమా ఇటీవల ప్రేక్షకుల ముందుకు వచ్చింది. దసరా ముందు విడుదల అయిన దేవర కి మంచి స్పందన దక్కింది. టాలీవుడ్‌ టాప్‌ చిత్రాల జాబితాలో చోటు దక్కించుకునే స్థాయిలో సినిమా వసూళ్లు నమోదు అయ్యాయి. అంతే కాకుండా సినిమా పార్ట్‌ 2 కోసం ఫ్యాన్స్‌, ప్రేక్షకులు ఎంతో ఆసక్తిగా ఎదురు చూస్తున్నారు. వచ్చే ఏడాదిలోనే దేవర పార్ట్‌ 2 ని ప్రేక్షకుల ముందుకు తీసుకు వచ్చే విధంగా ప్లాన్‌ చేస్తున్నారు. అతి త్వరలోనే షూటింగ్‌ ప్రారంభించాలని దర్శకుడు కొరటాల శివ ఏర్పాట్లు చేస్తున్నట్లు ఇండస్ట్రీ వర్గాల ద్వారా సమాచారం అందుతోంది.
దేవర సినిమా తర్వాత వెంటనే వార్‌ 2 సినిమా షూటింగ్‌లో ఎన్టీఆర్ జాయిన్‌ అయ్యారు. బాలీవుడ్‌ స్టార్‌ హృతిక్ రోషన్‌ హీరోగా రూపొందుతున్న వార్‌ 2 లో ఎన్టీఆర్ విలన్‌ రోల్‌ లో కనిపించబోతున్నారు అనే వార్తలు వస్తున్నాయి. ఆయాన్‌ ముఖర్జీ దర్శకత్వంలో యశ్‌ రాజ్‌ ఫిల్మ్స్ బ్యానర్‌లో భారీ బడ్జెట్‌ తో రూపొందుతున్న ఈ సినిమాలో హీరోయిన్‌గా కియారా అద్వానీ నటిస్తోంది. బాలీవుడ్‌ ప్రేక్షకులతో పాటు టాలీవుడ్‌ లోనూ వార్‌ 2 పై అంచనాలు భారీగా ఉన్నాయి. తెలుగు ప్రేక్షకుల కోసం కొన్ని సన్నివేశాలను ప్రత్యేకంగా రూపొందిస్తున్నారనే వార్తలు వస్తున్నాయి. ఆ విషయమై క్లారిటీ రావాల్సి ఉంది. ఎన్టీఆర్ ఆ తర్వాత ప్రశాంత్‌ నీల్ దర్శకత్వంలో సినిమా చేయాల్సి ఉంది. వచ్చే ఏడాదిలో ఆ సినిమా పట్టాలెక్కే అవకాశాలు ఉన్నాయి.
