దేవర ప్లాన్స్ ఎలా ఉన్నాయంటే..

యంగ్ టైగర్ ఎన్టీఆర్ నుంచి రాబోతున్న పాన్ ఇండియా మూవీ దేవరపై దేశ వ్యాప్తంగా భారీ అంచనాలు నెలకొని ఉన్నాయి. ఆర్ఆర్ఆర్ తర్వాత తారక్ నుంచి వస్తోన్న సినిమా కావడంతో మోస్ట్ అవైటెడ్ చిత్రంగా దేవర ఉంది. కల్కి 2898ఏడీ తర్వాత టాలీవుడ్ బాక్సాఫీస్ కి దేవర మూవీ మరో పండగని తీసుకొని రాబోతోందని డిస్టిబ్యూటర్స్, బయ్యర్లు బలంగా నమ్ముతున్నారు. ఎన్టీఆర్ చాలా పకడ్బందీగా దేవర చిత్రాన్ని పూర్తి చేశాడు.

ఆచార్య లాంటి డిజాస్టర్ తర్వాత కొరటాల శివ చాలా కష్టపడి, ఎలాంటి లోటుపాట్లు లేకుండా స్క్రిప్ట్ రెడీ చేసుకొని ఈ చిత్రాన్ని సెట్స్ పైకి తీసుకొని వెళ్ళాడు. ఆయన పడ్డ కష్టం ఇప్పటి వరకు వచ్చిన సాంగ్స్, టీజర్ లో కనిపిస్తోంది. అనిరుద్ రవిచందర్ కంపోజ్ చేసిన రెండు సాంగ్స్ సూపర్ హిట్ టాక్ సొంతం చేసుకున్నాయి. అలాగే టీజర్ కి కూడా సాలిడ్ రెస్పాన్స్ వచ్చింది. యంగ్ టైగర్ ఫాన్స్ కూడా దేవర చిత్రం కోసం ఎగ్జైటింగ్ గా ఎదురుచూస్తున్నారు.

దేవర మూవీ సెప్టెంబర్ 27న థియేటర్స్ లోకి వస్తోంది. గట్టిగా చూసుకుంటే నెల రోజుల సమయం మాత్రమే రిలీజ్ కి ఉంది. దీంతో ఈ సినిమా ప్రమోషన్స్ పైన చిత్ర యూనిట్ ఫోకస్ చేసింది. ఇప్పటికే మూవీ ప్రమోషన్స్ లో భాగంగా వచ్చిన రెండు సాంగ్స్ కి మంచి స్పందన వచ్చింది. ఇప్పుడు మూడో సింగిల్ ని రిలీజ్ చేసేందుకు ఏర్పాట్లు చేస్తున్నారు. ఆయుధపూజ సాంగ్ నెక్స్ట్ వస్తోందని టాక్ వినిపిస్తోంది. అనంతరం నాలుగో సింగిల్ తర్వాత మూవీ ట్రైలర్ ని రిలీజ్ చేసే ఛాన్స్ ఉందంట.

రిలీజ్ కి వారం, పది రోజుల ముందు దేవర ట్రైలర్ ప్రేక్షకుల ముందుకొచ్చే ఛాన్స్ ఉందంట. అలాగే జూనియర్ ఎన్టీఆర్ ప్రమోషనల్ ఇంటర్వ్యూలపై ఫోకస్ చేయనున్నారు. తెలుగుతో పాటు ఇతర భాషలలో కూడా సినిమాని దగ్గరుండి ప్రమోషన్ చేసే అవకాశం ఉందని తెలుస్తోంది. అలాగే ప్రీరిలీజ్ ఈవెంట్ తెలుగులో గ్రాండ్ గా నిర్వహించడానికి కూడా ప్లాన్ చేస్తున్నారంట.

సెప్టెంబర్ మొదటి వారం నుంచి గ్యాప్ లేకుండా ఈ సినిమా ప్రమోషన్స్ పైన దేవర టీమ్ ఫుల్ గా ఫోకస్ చేయబోతోందని తెలుస్తోంది. సినిమాపై ఎంత ఎక్కువ హైప్ క్రియేట్ చేస్తే అంత ఎక్కువ కలెక్షన్స్ మొదటి రోజు వస్తాయి. ఈ సినిమాతో సోలోగా (పాన్ ఇండియా) ఎన్టీఆర్ మార్కెట్ ఎంత ఉందనేది కూడా ఒక క్లారిటీ వచ్చే ఛాన్స్ ఉంది. వీటిని దృష్టిలో ఉంచుకొని దేవర సినిమా ప్రమోషన్స్ పై టీమ్ కసరత్తులు చేస్తోందంట.