ఎన్టీఆర్, ప్రశాంత్ నీల్… ఇప్పుడిదే సస్పెన్స్

యంగ్ టైగర్ ఎన్టీఆర్ - ప్రశాంత్ నీల్ కాంబినేషన్ లో తెరకెక్కబోతున్న సినిమాపై ప్రస్తుతం అనేక రకాల డౌట్స్ క్రియేట్ అవుతున్నాయి. ‘డ్రాగన్’ అనే టైటిల్ ఈ సినిమా కోసం పెట్టినట్లు ప్రచారం జరుగుతోంది. అయితే ఇందులో ఇప్పటివరకు ఎలాంటి కన్ఫర్మేషన్ లేదు. మాఫియా బ్యాక్ డ్రాప్ లోనే ఈ మూవీ కథాంశం ఉంటుందని అంటున్నారు. ఈ కథపై సోషల్ మీడియాలో భిన్నమైన ప్రచారాలు వినిపిస్తున్నాయి. కొందరు ఈ మూవీ కథ బర్మా లో సెటిలైన ఇండియన్స్ నేపథ్యంలో ఉంటుందని చర్చించుకుంటున్నారు.

మరికొందరు ఆసియా దేశాలను వనికించిన మోస్ట్ వాంటెడ్ మాఫియా కింగ్ కథాంశంతో ఈ చిత్రం ఉండబోతుందని చెప్తున్నారు. ఇందులో వాస్తవం ఏంటనేది ఎవరికీ తెలియదు. ఇదిలా ఉంటే ఈ సినిమాలో ఎన్టీఆర్ కోసం హీరోయిన్ ని ఎంపిక చేసే పనిలో ప్రశాంత్ నీల్ ఉన్నారు. గత కొంతకాలంగా కన్నడ బ్యూటీ రుక్మిణీ వసంత్ పేరు వినిపిస్తోంది. రీసెంట్ గా ఆమె ‘బఘీర’ మూవీ ప్రమోషనల్ ఇంటర్వ్యూలో స్పష్టత ఇచ్చేసింది. ఈ సినిమా కోసం తనని ఎవరూ సంప్రదించలేదని తెలిపింది.

అవకాశం వస్తే మాత్రం వెంటనే ఓకే చేస్తానని క్లారిటీ ఇచ్చింది. ఒకవేళ ఏదైనా ఉంటే మేకర్స్ నుంచి అఫీషియల్ గా అనౌన్స్ వస్తుందని చెప్పింది. దీంతో ఇంకా హీరోయిన్ కోసం ప్రశాంత్ నీల్ వెతుకుతున్నారు అనే మాట వినిపిస్తోంది. ఈ రెండు నెలల్లో ఆల్ మోస్ట్ క్యాస్టింగ్ ఫైనల్ చేసి జనవరి తర్వాత మూవీ షూటింగ్ స్టార్ట్ చేసే ప్లాన్ లో ప్రశాంత్ నీల్ ఉన్నారని ఇండస్ట్రీలో అనుకుంటున్నారు. అయితే రుక్మిణీ వసంత్ క్లారిటీ ఇచ్చిన తర్వాత కూడా ఎన్టీఆర్ కి జోడిగా ఆమెనే తీసుకోబోతున్నారు అనే ప్రచారం జరుగుతూనే ఉంది.

ఎన్టీఆర్ ప్రస్తుతం హిందీలో అయాన్ ముఖర్జీ దర్శకత్వంలో చేస్తున్న ‘వార్ 2’ పైన పూర్తిగా ఫోకస్ చేసి ఉన్నారు. ఈ మూవీ రెగ్యులర్ షూటింగ్ ప్రస్తుతం జరుగుతోంది. హృతిక్ రోషన్, ఎన్టీఆర్ పైన కీలకమైన యాక్షన్ ఎపిసోడ్స్ ని చిత్రీకరిస్తున్నారు. ఈ మూవీ షూటింగ్ కంప్లీట్ అయిన తర్వాత ఎన్టీఆర్ పూర్తిగా ప్రశాంత్ నీల్ ప్రాజెక్ట్ పైన దృష్టి పెట్టి అవకాశం ఉంది. వీలైనంత వేగంగా ‘వార్ 2’ లో ఎన్టీఆర్ తన పార్ట్ ని కంప్లీట్ చేసేయాలని అనుకుంటున్నారు. మరి అది ఎంతవరకు సాధ్యం అవుతుందనేది వేచి చూడాలి.

మరోవైపు ప్రశాంత్ నీల్ ప్రాజెక్ట్ కంప్లీట్ అయిన తర్వాత కొలటాల శివ దర్శకత్వంలో ‘దేవర 2’ ని ఎన్టీఆర్ సెట్స్ పైకి తీసుకొని వెళ్ళనున్నారు. వచ్చే ఏడాది ఆఖరిలో ‘దేవర 2’ మొదలవచ్చని అనుకుంటున్నారు. ఈ సినిమా తర్వాత ఎన్టీఆర్ లైన్ అప్ లో వెట్రి మారన్ తో పాటు మరికొంతమంది దర్శకులు ఉన్నారు.