'కాంతార 2' స‌స్పెన్స్‌కి తెర దించిన ఎన్టీఆర్

కొంత‌కాలంగా రిష‌బ్ శెట్టి `కాంతార 2` గురించి మీడియాలో చాలా ఆస‌క్తి నెల‌కొంది. ఈ సీక్వెల్లో టాలీవుడ్ అగ్ర క‌థానాయ‌కుడు, యంగ్ టైగ‌ర్ ఎన్టీఆర్ న‌టిస్తార‌ని కూడా క‌థ‌నాలు వ‌చ్చాయి. రిష‌బ్ తో ఎన్టీఆర్ సాన్నిహిత్యం నేప‌థ్యంలో ఈ ఊహాగానాలు సాగుతున్నాయి.

ఈరోజు క‌ర్నాట‌క ఉడిపి స‌మీపంలోని తార‌క్ త‌ల్లిగారి స్వ‌స్థ‌లంలోని దేవాల‌యాల సంద‌ర్భ‌న‌లోను తార‌క్ తో క‌లిసి రిష‌బ్ క‌నిపించ‌డంతో అభిమానుల్లో స‌ర్వ‌త్రా ఉత్కంఠ నెల‌కొంది. ముఖ్యంగా కాంతార 2లో తార‌క్ న‌టించ‌డం ఖాయ‌మైన‌ట్టేన‌ని అభిమానులు ఊహ‌ల్లో తేల్తున్నారు. అయితే దీనికి రిష‌బ్ కానీ, ఎన్టీఆర్ కానీ స‌మాధానం స‌రైన జ‌వాబు ఇవ్వాల్సి ఉంది.

ఆల‌యాల సంద‌ర్శ‌న స‌మ‌యంలో మీడియా ఎన్టీఆర్ ని వెంబ‌డించి దీనిపై ప్ర‌శ్నించేందుకు ప్ర‌య‌త్నించింది. కానీ తార‌క్ దానిని తెలివిగా స‌మాధానాలు దాట‌వేస్తూ త‌ప్పించుకోజూసారు. ఈరోజు ప్ర‌ఖ్యాత‌ మూకాంబిక ఆల‌యాన్ని త‌న త‌ల్లిగారు శ్రీ‌మ‌తి షాలిని, రిష‌బ్ ల‌తో క‌లిసి ఎన్టీఆర్ సంద‌ర్శించారు. అనంత‌రం మీడియాతో మాట్లాడుతూ.. తొలిగా ఆలయ సందర్శన అద్భుతంగా ఉందని అన్నారు. అందుకు ఏర్పాట్లు చేసినందుకు రిషబ్‌కి కృతజ్ఞతలు తెలిపాడు ఎన్టీఆర్. తన త‌దుప‌రి చిత్రం `దేవర` గురించి ఆలయంలో చర్చించనని, దాని గురించి బయట మాత్రమే మాట్లాడతానని అన్నారు.

భవిష్యత్తులో రిషబ్ శెట్టితో కలిసి పనిచేసే అవకాశం గురించి ప్ర‌శ్నించ‌గా ``రిషబ్ ఏదైనా ప్లాన్ చేయాలి .. నేను అతడితో కలిసి పనిచేయడానికి సిద్ధంగా ఉన్నాను`` అని తార‌క్ వ్యాఖ్యానించారు. అలాగే ఇలాంటి విషయాల గురించి మాట్లాడటానికి ఇది అనుకూలమైన ప్రదేశం కాదు అని కూడా తార‌క్ అన్నారు. రిష‌బ్ సోద‌రుడు న‌టించిన `లాఫింగ్ బుద్ధ` సినిమాను చూడబోతున్నాను అని కూడా యంగ్ టైగ‌ర్ అన్నారు. లాఫింగ్ బుద్ధ చిత్రం విజయవంతమైనందుకు రిష‌బ్ సోద‌రుడు ప్రమోద్ శెట్టిని ఎన్టీఆర్ అభినందించారు