క్షేమంగా బయట పడ్డ ఎన్టీఆర్ ట్విట్టర్‌లో...!
అంతటి అలజడి నేపథ్యంలో తెలుగు సినీ ప్రేక్షకులు, ముఖ్యంగా ఎన్టీఆర్ ఫ్యాన్స్ తీవ్రమైన ఒత్తిడికి గురి అయ్యారు.
By: Tupaki Desk | 2 Jan 2024 7:14 AM GMT
జపాన్ లో కొన్ని గంటల వ్యవధిలో ఏకంగా 155 భూకంపాలు నమోదు అయ్యాయి. ప్రపంచం మొత్తం ఒక్కసారిగా షాక్ అవ్వడ జరిగింది. పలు దేశాల్లో సునామి హెచ్చరికలు కూడా జారీ అయ్యాయి. తీర ప్రాంతాలు మొత్తం ఖాళీ అయ్యాయి. అంతటి అలజడి నేపథ్యంలో తెలుగు సినీ ప్రేక్షకులు, ముఖ్యంగా ఎన్టీఆర్ ఫ్యాన్స్ తీవ్రమైన ఒత్తిడికి గురి అయ్యారు.
అందుకు కారణం ఏంటంటే.. ఇటీవలే ఎన్టీఆర్ కుటుంబ సభ్యులతో కలిసి కొత్త సంవత్సర వేడుకలు జరుపుకునేందుకు గాను జపాన్ వెళ్లాడు. అక్కడ అందమైన లొకేషన్స్ ను కొడుకులతో ఎంజాయ్ చేస్తూ ఎన్టీఆర్ కొత్త ఏడాదికి స్వాగతం పలుకుతాడని అనుకుంటే భూకంపం ఆయన ఫ్యాన్స్ ని టెన్షన్‌ కి గురి చేశాయి.
భూకంపం వల్ల ఎన్టీఆర్ మరియు ఆయన ఫ్యామిలీ ఏమైనా ఎఫెక్ట్‌ అయ్యారేమో అని చాలా మంది ఆందోళన వ్యక్తం చేశారు. ఎట్టకేలకు వారికి కాస్త ఊరట కలిగించే విధంగా ఎన్టీఆర్ సోషల్ మీడియా ట్విట్టర్ ద్వారా తాను ఇండియాకు క్షేమంగా తిరిగి వచ్చినట్లుగా పేర్కొన్నాడు.
ట్విట్టర్ లో ఎన్టీఆర్... జపాన్ నుంచి ఈ రోజు ఇంటికి తీరిగి వచ్చాను. అక్కడ జరిగిన సంఘటనకు షాక్ అయ్యాను. నా కోసం ప్రార్థించిన, నా శ్రేయస్సు కోసం ప్రార్థనలు చేసిన ప్రతి ఒక్కరికి కూడా హృదయపూర్వక కృతజ్ఞతలు. జపాన్ త్వరగా కోలుకోవాలని కోరుకుంటున్నాను అన్నాడు.
ఇక వచ్చే వారం నుంచి దేవర కొత్త షెడ్యూల్‌ లో ఎన్టీఆర్ పాల్గొనే అవకాశాలు ఉన్నాయని తెలుస్తోంది. ఇటీవల విడుదల అయిన దేవర సినిమా పోస్టర్ సినిమా పై అంచనాలు భారీగా పెంచేస్తుంది. జాన్వీ కపూర్‌ హీరోయిన్‌ గా నటిస్తున్న దేవర రెండు పార్ట్‌ లుగా రాబోతుంది. కొరటాల శివ దర్శకత్వంలో ఈ సినిమా రూపొందుతున్న విషయం తెల్సిందే.
