NTR31 కూడా అదే రూట్లో..

సలార్2 రిలీజ్ తర్వాత ప్రశాంత్ నీల్ జూనియర్ ఎన్టీఆర్ తో సినిమాని స్టార్ట్ చేయనున్న సంగతి తెలిసిందే. ఇప్పటికే ఈ ప్రాజెక్ట్ కన్ఫర్మ్ అయ్యింది. NTR31 వర్కింగ్ టైటిల్ తో ఎనౌన్స్ చేశారు. ఈ సినిమా మైథలాజికల్ టచ్ తో యాక్షన్ బ్యాక్ డ్రాప్ ఫిక్షనల్ కథాంశంతోనే ఉంటుందని ఒక ప్రచారం నడుస్తోంది. భారీ బడ్జెట్ తో మైత్రీ మూవీ మేకర్స్ ఈ చిత్రాన్ని నిర్మించనుంది.

ప్రశాంత్ నీల్ దర్శకత్వంలో ప్రభాస్ హీరోగా తెరకెక్కిన సలార్ పార్ట్ 1 రిలీజ్ కాబోతోంది. దీని తర్వాత వీలైనంత వేగంగా సలార్2ని కూడా ప్రేక్షకుల ముందుకి తీసుకొచ్చే ఛాన్స్ కనిపిస్తోంది. సలార్ నుంచి కంప్లీట్ గా బయటకొచ్చిన వెంటనే ప్రశాంత్ నీల్ ఎన్టీఆర్ మూవీ స్క్రిప్ట్ వర్క్ స్టార్ట్ చేస్తారంట. వచ్చే ఏడాదిలోనే ఈ సినిమా సెట్స్ పైకి వెళ్ళే అవకాశం ఉందని తెలుస్తోంది.

ఈ సినిమా గురించి ఇంటరెస్టింగ్ టాక్ బయటకొచ్చింది. కేజీఎఫ్ సిరీస్, సలార్ సిరీస్ తరహాలోనే ఎన్టీఆర్ 31 మూవీ కూడా రెండు భాగాలుగానే తెరకెక్కించనున్నట్లు తెలుస్తోంది. ఇప్పటికే స్టొరీ ఐడియా సిద్ధంగా ఉందని కచ్చితంగా ఎన్టీఆర్ కెరియర్ లో బెస్ట్ మూవీలో ఒకటిగా ఈ చిత్రం నిలిచిపోతుందని ఇండస్ట్రీ వర్గాలలో వినిపిస్తోన్న మాట.

మైత్రీ మూవీ మేకర్స్ కూడా ఈ సినిమా కోసం భారీగా ఖర్చు పెట్టడానికి సిద్ధంగా ఉన్నారంట. ప్రస్తుతం మైత్రీ మూవీ మేకర్స్ నుంచి అత్యధిక బడ్జెట్ తో పుష్ప 2 మూవీ తెరకెక్కుతోంది. దీనికంటే ఎక్కువ బడ్జెట్ NTR31 మూవీ కోసం పెట్టబోతున్నట్లు ప్రచారం నడుస్తోంది. నందమూరి అభిమానులు కూడా ఈ మూవీ కోసం ఎదురుచూస్తున్నారు.

ప్రస్తుతం తారక్ కొరటాల శివతో దేవర మూవీ చేస్తున్నారు. ఈ సినిమా కూడా రెండు భాగాలుగానే తెరకెక్కుతోంది. దీని తర్వాత వార్ 2 ఉంటుంది. అది కంప్లీట్ చేసిన అనంతరం ప్రశాంత్ నీల్ ప్రాజెక్ట్ కోసం సిద్ధమయ్యే ఛాన్స్ ఉందని టాక్. మరి ఈ మూవీని ఎప్పుడు స్టార్ట్ చేస్తారనేది ఆసక్తికరంగా మారింది.