తారక్ వారసులు.. ఎన్నాళ్లకెన్నాళ్లకు..

జూనియర్ ఎన్టీఆర్ ప్రశాంత్ నిల్ కాంబినేషన్ పై అఫీషియల్ క్లారిటీ ఇచ్చి చాలా కాలం అయింది. అయితే ఈ సినిమా ఎప్పుడు మొదలవుతుంది అనే విషయంలో మొన్నటి వరకు అనేక రకాలుగా గాసిప్స్ పుట్టుకొచ్చాయి. ఎందుకంటే దర్శకుడు ప్రశాంత్ నిల్ ప్రభాస్ తో సలార్ 2 టు ప్రాజెక్టును కూడా త్వరగా పూర్తిచేయాలని అనుకున్నాడు. దీంతో ఎన్టీఆర్ 31వ ప్రాజెక్టు కాస్త ఆలస్యంగా ని మొదలయ్యే అవకాశం ఉన్నట్లుగా పలు రకాల కామెంట్స్ అయితే వచ్చాయి.

అయితే ఇప్పుడు ఆ ఊహాగానాలకు తెర దించుతూ చిత్ర యూనిట్ సభ్యులు ప్రాజెక్టును మొదలు పెట్టేందుకు సిద్ధమయ్యారు. ఎలాంటి హడావిడి లేకుండా చాలా కూల్ గా సినిమాను రామానాయుడు స్టూడియోలో లాంచ్ చేశారు. ఈ వేడుకకు చాలా తక్కువ మంది హాజరయ్యారు దిల్ రాజు తప్పితే ఇతర సెలబ్రిటీలు ఎవరూ కూడా ఈ వేడుకలో కనిపించలేదు.

ఇక ఇందులో ఎన్టీఆర్ ఫ్యామిలీ మాత్రం ప్రత్యేక ఆకర్షణగా నిలిచింది. ముఖ్యంగా ఇద్దరు కుమారులను కూడా ఈ లాంచ్ వేడుకల్లో భాగం చేశారు ఇక వారికి సంబంధించిన ఫోటోలు కూడా ప్రస్తుతం సోషల్ మీడియాలో వైరల్ అవుతున్నాయి. అభయ్ భార్గవ్ ఇద్దరికీ సంబంధించిన ఫోటోలు కూడా సోషల్ మీడియాలో ఎప్పటికప్పుడు వైరల్ అవుతూనే ఉంటాయి.

అయితే రీసెంట్ ఫోటోలు మాత్రం ఈ మధ్యకాలంలో బయటకు రాలేదు. మీడియా ముందుకు కూడా ఎప్పుడు వారు రాలేదు. ఎన్టీఆర్ తన ఇద్దరు కుమారులను కూడా చాలా ప్రైవసీ గానే ఉంచేందుకు ప్రయత్నం చేస్తున్నాడు. ఇక ఇప్పుడు ఎన్టీఆర్ నీల్ ప్రాజెక్టు లాంచ్ లో వాళ్ళు కనిపించారు. దీంతో ఫ్యాన్స్ కూడా చాలా సంతోషపడ్డారు. అప్పుడే చాలా పెద్దగా అయిపోయారు అంటూ సరదాగా కామెంట్స్ చేస్తూ ఉన్నారు.

ముఖ్యంగా చిన్న కుమారుడు సీనియర్ ఎన్టీఆర్ పోలికలతో ఉన్నాడు అని మరికొందరు పాజిటివ్ గా రియాక్ట్ అవుతున్నారు. చూస్తుంటే రాబోయే రోజుల్లో ఈ వారసులు ఇండస్ట్రీని ఏలుతారు అంటూ కూడా మరి కొందరు వారి ఆనందాన్ని వ్యక్తం చేస్తున్నారు. ఇక ఈ వేడుకలో ఎన్టీఆర్ ఫ్యామిలీతో పాటు డైరెక్టర్ ప్రశాంత్ నీల్ ఫ్యామిలీ కూడా పాల్గొంది. ఈ రెండు ఫ్యామిలీ లకు సంబంధించిన ఫోటోలు కూడా సోషల్ మీడియాలో వైరల్ అవుతున్నాయి. తప్పకుండా ఈ ప్రాజెక్టు బాక్సాఫీస్ వద్ద సరి కొత్త సెన్సేషన్ క్రియేట్ చేస్తుంది అని ఫ్యాన్స్ నమ్ముతున్నారు. ఇక సినిమాను వీలైనంత త్వరగా పూర్తి చేసి 2026 జనవరి 9న విడుదల చేయాలని ఒక టార్గెట్ ఫిక్స్ చేసుకున్నారు.