ఇక నుంచి జూనియర్ 'ఎన్టీఆర్' కాదట

సీనియర్ ఎన్టీఆర్ మనవడిగా తారక్ ఇండస్ట్రీలో తనకంటూ ఒక ప్రత్యేకమైన క్రేజ్ అందుకున్న విషయం తెలిసిందే. జూనియర్ ఎన్టీఆర్ అనే పేరుతో తాతకు తగ్గ మనవడు అనిపించుకున్నాడు. ఫ్యాన్స్ తో పాటు ఇండస్ట్రీలో కూడా అందరూ జూనియర్ ఎన్టీఆర్ అనే పేరుతోనే ఎక్కువగా అతన్ని పిలవడం జరుగుతుంది. అయితే ఎక్కువ క్లోజ్ రిలేషన్ ఉన్నవారు తారక్ అని అంటారు. ఇప్పుడు జూనియర్ ఎన్టీఆర్ తన పేరులోని జూనియర్ అనేది తొలగిస్తారా అంటే అవుననే ప్రచారం నడుస్తోంది.

తాజాగా ఎన్టీఆర్ టీమ్ నుంచి వచ్చిన ఒక అఫీషియల్ ప్రకటనలో మిస్టర్ ఎన్టీఆర్ అని మెన్షన్ చేశారు. అందుకే జూనియర్ అనే ట్యాగ్ లైన్ మార్చుకున్నట్లు ప్రచారం జరుగుతోంది. దీనిపై ఫ్యాన్స్ నుంచి భిన్న అభిప్రాయాలు వ్యక్తం అవుతున్నాయి. ఎన్టీఆర్ కి ఇప్పటికే 40 ఏళ్ళు దాటిన నేపథ్యంలో జూనియర్ ట్యాగ్ లైన్ అవసరం లేదని కొంతమంది అంటున్నారు. పాన్ ఇండియా స్టార్ గా తారక్ కి గుర్తింపు వచ్చిన నేపథ్యంలో ఎన్టీఆర్ అనేది ఒక బ్రాండ్ గా ఎస్టాబ్లిష్ అవుతుందని కామెంట్స్ చేస్తున్నారు.

అయితే జూనియర్ అనేది ఒక ట్యాగ్ లైన్ కాదని, అదొక ఎమోషన్ అంటూ నందమూరి అభిమానులు రియాక్ట్ అవుతున్నారు. సీనియర్ ఎన్టీఆర్ వారసత్వంతో అతని పేరుతోనే తారక్ ఇండస్ట్రీలోకి అడుగుపెట్టారు కాబట్టి జూనియర్ ఎన్టీఆర్ ఉండటమే బెటర్ అని పోస్ట్ లు పెడుతున్నారు. హాలీవుడ్ లో ఇప్పటికి ఐరన్ మెన్ సినిమాలో చేసిన రాబర్ట్ డౌనే జూనియర్ గానే అందరూ పిలుస్తూ ఉంటారు.

అతని తండ్రి కూడా అదే పేరుతో హాలీవుడ్ లో పాపులర్ కావడంతో జూనియర్ అనేది ఇప్పటికి ఆయన కొనసాగిస్తున్నారని కామెంట్స్ చేస్తున్నారు. జూనియర్ ఎన్టీఆర్ అన్న కొడుకు కూడా ఎన్టీఆర్ పేరుతోనే హీరోగా ఇండస్ట్రీలోకి అడుగుపెడుతున్నారు. ఈ కారణంగా తారక్ పేరులో జూనియర్ తొలగిస్తున్నారనే అభిప్రాయం కూడా వ్యక్తం అవుతోంది. అయితే ఎన్టీఆర్ టీమ్ ప్రకటన ఎలా ఉన్న ట్విట్టర్ లో తారక్ హ్యాండిల్ నేమ్ జూనియర్ ఎన్టీఆర్ గానే ఉంది.

హ్యాండిల్ నేమ్ మారేంత వరకు పేరు మార్చుకున్నారనే వార్త నిజం కాకపోవచ్చనే టాక్ కూడా నడుస్తోంది. ఇదిలా ఉంటే ప్రస్తుతం జూనియర్ ఎన్టీఆర్ దేవర సినిమా షూటింగ్ కంప్లీట్ చేశారు. సెప్టెంబర్ 27న ఈ చిత్రం వరల్డ్ వైడ్ గా పాన్ ఇండియా రేంజ్ లో రిలీజ్ కాబోతోంది. ఈ సినిమాతో పాన్ ఇండియా లెవల్ లో తారక్ బ్లాక్ బస్టర్ కొడతాడనే కాన్ఫిడెన్స్ తో ఫ్యాన్స్ ఉన్నారు.