OG: ఒక్క పోస్టర్ తోనే మంట పట్టేశారుగా
ఈ పోస్టర్ చూస్తుంటే సినిమాలో హీరో ఎలివేషన్ ఏ రేంజ్లో ఉంటుందో అర్థమైపోతుంది
By: Tupaki Desk | 10 Aug 2023 10:18 AM GMT
పవర్ స్టార్ పవన్ కళ్యాణ్ హీరోగా నటిస్తున్న మోస్ట్ యాంటిసిపేటెడ్ అండ్ పవర్ఫుల్ మూవీ 'ఓజీ'(OG). టాలీవుడ్ స్టైలిష్ డైరెక్టర్ సుజీత్ ఈ చిత్రాన్ని పాన్ ఇండియా స్థాయిలో తెరకెక్కిస్తున్నారు. దీనిపై పవన్ ఫ్యాన్స్లో, ప్రేక్షకుల్లో భారీ అంచనాలున్నాయి.
తాజాగా ఈ సినిమా నుంచి అదిరిపోయే క్రేజీ అప్డేట్ ఇచ్చారు మేకర్స్. సినిమా నుంచి పవన్ కళ్యాణ్కు సంబంధించిన అప్డేట్ను ఆయన పుట్టినరోజు సందర్బంగా(సెప్టెంబర్ 2న) రిలీజ్ చేయనున్నట్లు తెలిపారు. ఈ విషయాన్ని తెలియజేస్తూ ఓ స్పెషల్ పోస్టర్ను కూడా విడుదల చేశారు.
ఈ పోస్టర్లో ముంబయిలోని ఒక పెద్ద భవంతి ముందు అర్ధరాత్రి వేళ కొంతమంది శత్రువులను చంపి.. అక్కడి నుంచి తన అనుచరులతో కలిసి వెళ్తున్నట్లుగా పవన్ను వెనక నుంచి చూపించారు. "లొకేషన్‌ : చర్చ్‌గేట్‌ , సౌత్‌ బొంబాయి, టైమ్‌: 2.19 (ఏ.ఎం.), రైన్‌ఫాల్‌ డెన్సిటీ: 24 ఎం.ఎం, బ్లడ్‌ ఫ్లో డెన్సిటీ: 32 ఎం.ఎం, వెపన్స్‌ యూజ్డ్‌: sawed off double, Barreled Shotgun" అంటూ డీటైల్స్ను పోస్టర్పై వెల్లడించారు. "హీట్ వేవ్ను ఎదుర్కొవడానికి సిద్ధంగా ఉండండి. #Fire Strom Is Coming (అగ్ని తుపాన్‌ వస్తోంది)" అంటూ క్యాప్షన్ రాసుకొచ్చారు.
ఇంకా ఈ పోస్టర్లో వర్షపు ధారను మించి ఎక్కువుగా రక్తపు ధారను ఒరిజినల్ గ్యాంగ్స్టర్ ఆకారంలో చూపించడం మరింత ఆసక్తిని పెంచింది. ఈ పోస్టర్ చూస్తుంటే సినిమాలో హీరో ఎలివేషన్ ఏ రేంజ్లో ఉంటుందో అర్థమైపోతుంది. చిన్న పోస్టర్‌తోనే ఈ రేంజ్ ఎలివేషన్ ఇచ్చిన సుజీత్.. సినిమాలో భారీ స్థాయిలో ఎలివేషన్ ఇచ్చి ఉంటాడని పవన్ అభిమానులు అభిప్రాయపడుతున్నారు.
ఇకపోతే ఈ సినిమా స్టోరీ జపాన్‌ - ముంబయి బ్యాక్‌డ్రాప్‌లో ఉండనుందని తెలిసింది. పవన్కు జోడీగా హీరోయిన్ ప్రియా అరుళ్‌ మోహన్‌ కనిపించనుంది. బాలీవుడ్ స్టార్ ఇమ్రాన్ హష్మి, నటుడు ప్రకాశ్ రాజ్, అర్జున్ దాస్, శ్రియా రెడ్డి ఇతర ప్రధాన పాత్రల్లో నటిస్తున్నారు. తమన్ సంగీతం అందిస్తున్నారు. డీవీవీ ఎంటర్‌టైన్‌మెంట్స్‌ బ్యానర్పై దానయ్య ఈ చిత్రాన్ని భారీ బడ్జెట్తో నిర్మిస్తున్నారు.
