OG రిలీజ్ డేట్.. ఓ డేంజర్ సింక్

పవర్ స్టార్ పవన్ కళ్యాణ్ హీరోగా సుజిత్ దర్శకత్వంలో తెరకెక్కుతోన్న పాన్ ఇండియా మూవీ OG. ఈ మూవీ ప్రస్తుతం ప్రొడక్షన్ స్టేజ్ లో ఉంది. భారీ బడ్జెట్ తో డివివి దానయ్య ఈ చిత్రాన్ని నిర్మిస్తున్నారు. పవన్ కళ్యాణ్ కెరియర్ లోనే మోస్ట్ అవైటెడ్ ప్రాజెక్ట్ గా OG సిద్ధం అవుతోంది. ఇప్పటికే 70 శాతం షూటింగ్ కంప్లీట్ అయ్యింది.

ప్రస్తుతం పవన్ కళ్యాణ్ ఏపీ రాజకీయాలలో బిజీగా ఉన్నారు. ఎన్నికల హడావిడి నడుస్తోంది. ఈ నేపథ్యంలో ప్రస్తుతం మూవీ షూటింగ్ వాయిదా పడింది. ఎన్నికలు పూర్తయిన తర్వాత జూన్ లేదా జులై లో పవన్ కళ్యాణ్ మరల ఈ సినిమా షూటింగ్ షెడ్యూల్ లో జాయిన్ అవ్వొచ్చు. ఒక 15 రోజుల కాల్ షీట్స్ దొరికితే మూవీ కంప్లీట్ అయిపోతుంది.

ఇదిలా ఉంటే తాజాగా ఈ మూవీ రిలీజ్ డేట్ ని కన్ఫర్మ్ చేశారు. సెప్టెంబర్ 27న పాన్ ఇండియా రేంజ్ లో గ్రాండ్ గా రిలీజ్ చేయనున్నట్లు తెలుస్తోంది. ఇదే డేట్ కి గతంలో పవన్ కళ్యాణ్ అత్తారింటికి దారేది మూవీ రిలీజ్ అయ్యింది. అలాగే సూపర్ స్టార్ మహేష్ బాబు స్పైడర్ మూవీ రెండు భాషలలో రిలీజ్ అయ్యింది. సెప్టెంబర్ 27న అయితే లాంగ్ వీకెండ్ కలిసొస్తుందని సుజిత్ ప్లాన్ చేసి ఈ డేట్ ఎంచుకున్నారు.

ఆ డేట్ కి వచ్చిన పవన్ కళ్యాణ్ అత్తారింటికి దారేది పెద్ద హిట్ అయ్యింది. కానీ ఆ మూవీ పైరసీ ఇష్యూ పేస్ చేసింది. ఇక స్పైడర్ సినిమా అయితే రిలీజ్ అయిన రోజు మొదటి ఆట నుంచి డిజాస్టర్ టాక్ తెచ్చుకుంది. కంటెంట్ బాగున్నా కూడా మహేష్ బాబుని అలాంటి క్యారెక్టర్ లో చూడటానికి ఆడియన్స్ ఇష్టపడలేదు. మూవీలో సూర్య పాత్రకి వచ్చినంత హైప్ మహేష్ పాత్రకి రాలేదు. అది సినిమా ఫెయిల్యూర్ కి ఒక కారణం అని చూపొచ్చు.

ఇలా సెప్టెంబర్ 27న ఒక బ్యాడ్ సెంటిమెంట్ టాలీవుడ్ లో ఉంది. ఇప్పుడు OG పాన్ ఇండియా రేంజ్ లో రిలీజ్ అవుతోంది. ఈ కారణంగానే పవర్ స్టార్ అభిమానులు రిలీజ్ డేట్ విషయంలో కాస్తా టెన్షన్ పడుతున్నారు. అయితే సుజిత్ OGని అద్భుతంగా తెరకెక్కిస్తున్నాడని, కచ్చితంగా బ్లాక్ బస్టర్ అవుతుందని నమ్ముతున్నారు.